తమిళ టాప్ స్టార్లలో ఒకడైన సూర్య, తన కెరీర్ పతాక స్థాయిలో ఉండగా చేసిన సినిమా.. అంజాన్ (తెలుగులో సికిందర్). రన్, సెండైకోళి (పందెం కోడి), పయ్యా (ఆవారా) లాంటి సూపర్ హిట్లు ఇచ్చిన లింగుస్వామితో సూర్య జట్టు కట్టడంతో ‘అంజాన్’ మీద భారీ అంచనాలే నెలకొన్నాయి. అప్పటికి సూర్య కెరీర్లోనే అత్యధిక బడ్జెట్లో ఈ సినిమాను నిర్మించారు. ఆ సమయంలో టాప్ హీరోయిన్లలో ఒకరైన సమంత ఇందులో నటించడమే కాక బికినీలో కనిపించడంతో సినిమా హైప్ ఇంకా పెరిగింది.
కానీ రిలీజ్ రోజు సినిమా చూసిన సూర్య ఫ్యాన్స్ షాకైపోయారు. రొటీన్ రివెంజ్ డ్రామాతో అందరినీ తీవ్ర నిరాశకు గురి చేశాడు లింగుస్వామి. దీంతో సినిమా డిజాస్టర్ అయింది. లింగుస్వామి పతనం ఈ చిత్రంతోనే మొదలైంది. ఆ తర్వాత ఆయన కోలుకోలేకపోయారు. ఐతే ఇలాంటి డిజాస్టర్ మూవీని ఇప్పుడు లింగుస్వామి రీ రిలీజ్ చేస్తున్నాడు. పైగా ఈసారి సినిమా ప్రేక్షకులకు బాగా నచ్చుతుందంటూ ఆయన ప్రెస్ మీట్ పెట్టి మరీ చెప్పాడు.
‘అంజాన్’ సినిమాలో కంటెంట్ ఉన్నప్పటికీ సరిగా ఎడిటింగ్ చేయలేకపోవడం వల్ల ఫెయిలైందని అంటున్నాడు లింగుస్వామి. రిలీజ్ విషయంలో తొందరపడడం, టైం లేకపోవడం వల్ల సరిగా ఎడిట్ చేయలేకపోయానని.. హడావుడిగా రిలీజ్ చేయాల్సి వచ్చిందని.. అందుకే ఫలితం తేడాగా వచ్చిందని లింగుస్వామి తెలిపాడు. ఆ సినిమా విషయంలో తాను పొరపాట్లు చేశానని అంగీకరిస్తానని.. కానీ ఆ మూవీని దారుణంగా ట్రోల్ చేశారని లింగుస్వామి ఆవేదన వ్యక్తం చేశాడు.
ఇప్పుడు తాను సినిమాను రీ ఎడిట్ చేశానని.. అరగంట సన్నివేశాలను తొలగించానని.. సూర్య మీదే ఫోకస్ చేశానని.. ఇప్పుడు సినిమా ఎంతో మెరుగ్గా తయారైందని లింగుస్వామి చెప్పాడు. రీ ఎడిట్ చేసిన సినిమాను సూర్య కుటుంబ సభ్యులకు కూడా చూపించానని.. వాళ్లకు ఎంతగానో నచ్చిందని.. అలాగే సూర్య అభిమానులకు కూడా ఎడిటెడ్ వెర్షన్ నచ్చుతుందని ఆయన ధీమా వ్యక్తం చేశాడు. శుక్రవారమే ‘అంజాన్’ తమిళంలో రీ రిలీజవుతోంది. అక్కడ స్పందనను బట్టి తెలుగులోనూ ‘సికిందర్’ను రీ రిలీజ్ చేయాలని చూస్తున్నాడు లింగుస్వామి.
This post was last modified on November 27, 2025 9:24 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…