గత మూడు దశాబ్దాల్లో తెలుగు సినీ పరిశ్రమలోకి వచ్చిన ప్రతి దర్శకుడూ ఒక్క సినిమా అయినా చేయాలని ఆశపడ్డ హీరోల్లో మెగాస్టార్ చిరంజీవి ముందు వరసలో ఉంటాడనడంలో సందేహం లేదు. ఎంతోమంది దర్శకులకు సినిమా పిచ్చి ఎక్కించడంలో చిరు ప్రధాన పాత్ర పోషించి ఉంటాడనంలో సందేహం లేదు. ఎలాంటి బ్యాగ్రౌండ్ లేకుండా ఇండస్ట్రీలో అడుగు పెట్టి.. స్వయంకృషి ఎన్టీఆర్, ఏఎన్నార్, కృష్ణ లాంటి దిగ్గజాలను మించి ఎదగడం అంటే ఆషామాషీ విషయం కాదు.
అందుకే ఆయన ఎందరికో స్ఫూర్తి. ప్రస్తుతం ఇండస్ట్రీలో అగ్ర దర్శకులుగా వెలుగొందుతున్న ప్రతి ఒక్కరూ చిరు పేరు చెబితే ఎక్కడ లేని ఎమోషన్ తెచ్చుకుంటారు. ఆయన గురించి గొప్పగా మాట్లాడతారు. ప్రస్తుతం ఇండియాలోనే మోస్ట్ వాంటెడ్ దర్శకుల్లో ఒకడైన సందీప్ రెడ్డి వంగకు కూడా చిరు అంటే పిచ్చి అభిమానం అన్న సంగతి తెలిసిందే. చిరు ఫెరోషియస్ లుక్తో ఉన్న ఒక ఫొటోను తన ఆఫీసులో పెట్టుకుని అందరి దృష్టినీ ఆకర్షించాడు సందీప్.
అంతటి అభిమానం ఉన్న సందీప్.. చిరుతో ఒక సినిమా చేస్తే ఎలా ఉంటుందనే ఊహ మెగా అభిమానులను ఎంతో ఎగ్జైట్ చేస్తోంది. ప్రభాస్తో అతను చేయబోయే ‘స్పిరిట్’లో చిరు ప్రత్యేక పాత్ర చేస్తాడన్న ఒక రూమర్ కొన్ని రోజులు సోషల్ మీడియాను ఊపేసింది. కానీ ఆ వార్త నిజం కాదని తేల్చేశాడు సందీప్. ఐతే ‘స్పిరిట్’ సినిమాలో నటించకపోయినా.. ఆ సినిమా ముహూర్త వేడుకకు ముఖ్య అతిథిగా హాజరై.. టీంను ఆశీర్వదించాడు చిరు. ఎప్పుడెప్పుడా అని ఎదురు చూస్తున్న ఈ వేడుక ఆదివారం జరిగింది. ఈ వేడుకకు ముఖ్య అతిథిగా వచ్చిన చిరు.. క్లాప్ కొట్టి సినిమాను మొదలుపెట్టించారు.
ఈ వేడుకలో నిర్మాతలు భూషణ్ కుమార్, ప్రణయ్ రెడ్డి వంగలతో పాటు హీరోయిన్ త్రిప్తి డిమ్రి కూడా హాజరైంది. చిరు కోసమేనేమో ఈ వేడుకను హైదరాబాద్లో చేసినట్లున్నారు. భూషణ్ కుమార్, త్రిప్తి సహా టీంలోని పలువురు ముంబయి నుంచి ఇక్కడికి వచ్చారు. ఐతే లుక్ రెవీల్ అవ్వకూడదనే ఉద్దేశంతో ప్రభాస్ ఫొటోస్ మాత్రం రిలీజ్ చెయ్యలేదు సందీప్. ముహూర్త వేడుకతోనే ఈ సినిమా తొలి షెడ్యూల్ షూటింగ్ కూడా మొదలైపోవడం విశేషం. బ్యాగ్రౌండ్ స్కోర్, డైలాగ్స్ రెడీ చేసి ప్రి ప్రొడక్షన్ పనులనూ పక్కాగా పూర్తి చేసిన సందీప్.. శరవేగంగా చిత్రీకరణ సాగించాలని చూస్తున్నాడు.
This post was last modified on November 24, 2025 11:19 am
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…