భారతీయ చలనచిత్ర గమనాన్ని మార్చిన సినిమాల్లో మొదటగా గుర్తొచ్చేపేరు షోలే. 1975లో విడుదలైన ఈ ఎవర్ గ్రీన్ క్లాసిక్ సృష్టించిన రికార్డుల గురించి రాస్తూ పోతే పుస్తకాలు సరిపోవు. అమితాబ్ బచ్చన్, ధర్మేంద్రలను అతి పెద్ద కమర్షియల్ హీరోలుగా మార్చడంలో షోలే పాత్ర ఎనలేనిది. ఎన్నిసార్లు టీవీలో చూసినా బోర్ కొట్టని విధంగా దర్శకుడు రమేష్ సిప్పి తీర్చిదిద్దిన విధానం గురించి ఫిలిం మేకర్స్ స్టడీ చేస్తూనే ఉంటారు. దీని గొప్పదనం ఏంటంటే 1996లో మొదటిసారి దూరదర్శన్ ఛానల్ లో ప్రసారమైనప్పుడు దేశవ్యాప్తంగా కర్ఫ్యూ పెట్టారా అనే రేంజ్ లో వీధులు నిర్మానుషమయ్యాయి. ఇళ్ళలో నుంచి ఎవరైనా కదిలితే ఒట్టు.
అలాంటి ఆల్ టైం బ్లాక్ బస్టర్ ని 50 సంవత్సరాలు పూర్తి చేసుకున్న సందర్భంగా ఫిలిం హెరిటేజ్ సంస్థ డిసెంబర్ 12 ఇండియా వైడ్ పదిహేను వందలకు పైగా స్క్రీన్లలో షోలేని రీ రిలీజ్ చేసేందుకు సర్వం సన్నద్ధం చేసింది. 4కె కన్వర్షన్ తో పాటు డాల్బీ ఆడియోలోకి మార్చడంతో కొత్త తరం ప్రేక్షకులకు ఎన్నడూ చూడని అనుభూతి కలగనుంది. షోలేలో నటించిన అమితాబ్, ధర్మేంద్రతో పాటు రచన చేసిన సలీం జావీద్ ద్వయం, డైరెక్టర్ రమేష్ సిప్పితో పాటు జయ బచ్చన్, హేమా మాలిని అందరూ బ్రతికే ఉన్నారు. అయిదు దశాబ్దాల తర్వాత వీళ్ళతో కలిసి షోలే చూసేందుకు ఇప్పటి స్టార్లు పోటీ పడతారని వేరే చెప్పాలా.
ఇంత పెద్ద ఎత్తున షోలే రీ రిలీజ్ కావడం ఇదే మొదటిసారి. ప్రింట్ సరికొత్తగా ఉంటుందని, చాలా వర్క్ జరిగిందని అంటున్నారు. మొదటిసారి షోలే విడుదలైనప్పడు ఇప్పుడున్న వాళ్లలో డెబ్భై శాతానికి పైగా అసలు పుట్టే ఉండరు. కాబట్టి లైవ్ థియేటర్ ఎక్స్ పీరియన్స్ ఛాన్స్ లేదు. కానీ ఇప్పుడా అవకాశం దొరికింది. వచ్చే నెల ఒక పెద్ద ఈవెంట్ చేయడం ద్వారా పునః విడుదలకు స్వాగతం పలకాలని టీమ్ ప్లాన్ చేస్తోంది ధర్మేంద్ర ఇటీవలే అనారోగ్యంతో చికిత్స తీసుకుని కోలుకున్న నేపథ్యంలో ఇప్పుడీ న్యూ షోలే మరింత స్పెషల్ గా మారనుంది.ఎవరైనా సరే మిస్ చేసుకోకూడని అవకాశం ఇది.
This post was last modified on November 16, 2025 4:38 pm
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
దేశంలో ప్రస్తుతం జాతీయ స్థాయిలో రెండు కూటములు కొనసాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూటములు ఉన్నాయి.…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…
ఏపీ సీఎం చంద్రబాబుతో రాష్ట్ర కాంగ్రెస్ పార్టీ చీఫ్ వైఎస్ షర్మిల భేటీ అయ్యారు. ఆదివారం సాయంత్రం షర్మిల.. హైదరాబాద్లోని…
వచ్చే శుక్రవారం దక్షిణాదిన మంచి అంచనాల మధ్య విడుదల కాబోతున్న సినిమా.. ఆకాశంలో ఒక తార. దుల్కర్ సల్మాన్ హీరోగా…