గత ఏడాది శాండల్ వుడ్ నే కాదు అన్ని పరిశ్రమలను కుదిపేసిన వార్త కన్నడ స్టార్ హీరో దర్శన్ అరెస్ట్. స్వంత అభిమాని రేణుక స్వామిని హత్య చేసిన కేసులో ఇప్పటికీ జైలులోనే ఉన్న దర్శన్ ఆ మధ్య బెయిల్ తెచ్చుకున్నాడు కానీ ఆగస్ట్ లో సుప్రీమ్ కోర్టు దాన్ని రద్దు చేయడంతో మళ్ళీ కటకటాలపాలయ్యాడు. ఆధారాలు బలంగా ఉండటంతో బయటపడే మార్గాలు చాలా క్లిష్టంగా ఉన్నాయి. హతుడి కుటుంబం తమకు న్యాయం జరగాలని పట్టుదలతో పోరాడుతూ ఉండగా ప్రభుత్వం వైపు నుంచి కూడా మద్దతు లభించడంతో దర్శన్ ఎప్పుడు వస్తాడో, లేదా నేరం ఋజువై శిక్ష అనుభవిస్తాడో సస్పెన్స్ గా మారింది.
ఇదిలా ఉండగా దర్శన్ కొత్త సినిమా డెవిల్ విడుదలకు రెడీ అవుతోంది. నిర్మాతలు డేట్ అనౌన్స్ చేశారు. డిసెంబర్ 12 ప్రపంచవ్యాప్తంగా థియేటర్లలో అడుగు పెట్టనుందని ప్రకటన ఇచ్చారు. మొదటి ఆడియో సింగల్ ఇంతకు ముందే వచ్చేయగా రెండో లిరికల్ వీడియో త్వరలో వదలబోతున్నారు. నిజానికి దర్శన్ జైలుకు వెళ్ళడానికి ముందు డెవిల్ సగం షూటింగ్ మాత్రమే పూర్తి చేసుకుంది. పెద్ద బడ్జెట్ వేసుకున్న నిర్మాత దిక్కుతోచని అయోమయంలో ఉన్నారని బెంగళూరు మీడియాలో వచ్చింది. అయితే మిగిలింది ఎప్పుడు ఫినిష్ చేశారనేది అంతుచిక్కడం లేదు. బెయిల్ టైంలో కానిచ్చేసి ఉంటారని వినికిడి.
ఇంత ఘోరం జరిగినా దర్శన్ కు ఫ్యాన్స్ మద్దతు బాగానే ఉంది. చూస్తుంటే డెవిల్ కు గ్రాండ్ ఓపెనింగ్స్ ఇచ్చేలా ఉన్నారు. దర్శన్ గత సినిమా కాటేరా డిసెంబర్ లోనే రిలీజై బ్లాక్ బస్టర్ సాధించింది. ఇప్పుడదే రిపీట్ అవుతుందని అభిమానులు నమ్ముతున్నారు. సాటి ఫ్యాన్ ని చంపినా సరే ఇంత ఆరాధనా భావం చూపించడం ఏమిటని కొందరు సామాజిక కార్యకర్తలు నిలదీస్తుండగా, నేరం రుజువు అయ్యేంత వరకు తమ హీరో దోషి కాదని ఫ్యాన్స్ వాదిస్తున్నారు. ఏది ఏమైనా ఈ కథకు ఎక్కడ ముగింపు ఉంటుందో అంతు చిక్కడం లేదు. విచిత్రం ఏమిటంటే డెవిల్ కు బిజినెస్ ఎంక్వయిరీలు బాగున్నాయట.
This post was last modified on October 7, 2025 9:26 pm
ఏపీ సీఎం చంద్రబాబుకు కేంద్రం చేసిన ప్రతిపాదన తీవ్ర సంకట స్థితిలోకి నెట్టేసింది. పాలమూరు-రంగారెడ్డి ప్రాజెక్టుకు అనుమతి ఇవ్వాలంటూ.. కేంద్ర…
దాదాపు రెండేళ్ల తర్వాత.. ఏపీలో మరోసారి ఎన్నికలకు రంగం రెడీ అవుతోంది. గ్రామ పంచాయతీ సహా.. స్థానిక సంస్థల ఎన్నికలకు…
పెద్ది రీ రికార్డింగ్ ఎక్కడిదాకా వచ్చిందో ఇంకా క్లారిటీ లేదు. అడుగుదామంటే దర్శకుడు బుచ్చిబాబు బయట కనిపించే పరిస్థితిలో లేరు.…
తెలంగాణలోని సింగిల్ థియేటర్లలో అద్దె విధానానికి స్వస్తి పలికి పర్సంటేజీ పద్ధతిని తీసుకురావాలని ఇక్కడి ఎగ్జిబిటర్లు ఎప్పట్నుంచో డిమాండ్ చేస్తూ…
తినుబండారాలు అంటే చాలా మందికి అర్థం కాదేమో. ఎందుకంటే మనోళ్లంతా ఇప్పుడు ఆ తినుబండారాలకు స్నాక్స్ అని పేరు పెట్టుకున్నారు…
తాజాగా జరిగిన తెలంగాణ ఎగ్జిబిటర్ల సమావేశంలో సింగల్ స్క్రీన్లకు పర్సెంటేజ్ విధానం అమలు చేయడం గురించి పెద్ద చర్చే జరిగింది.…