ఓజీ.. ఓజీ.. ఓజీ.. ఇప్పుడు పవర్ స్టార్ పవన్ కళ్యాణ్ అభిమానుల గుండెచప్పుడు ఇదే. ఆ మాటకొస్తే పవన్ ఫ్యాన్స్ కాని వాళ్లు కూడా ఈ సినిమా కోసం ఎంతో ఉత్కంఠగా ఎదురు చూస్తున్నారు. తెలుగులో ఈ మధ్య కాలంలో ఇంత హైప్ మరే సినిమాకూ రాలేదంటే అతిశయోక్తి కాదు. రెండు నెలల కిందటే పవన్ నుంచే ‘హరిహర వీరమల్లు’ సినిమా వచ్చింది. దానికి పెద్దగా బజ్ లేదు. ఆ సినిమా ప్రమోషన్లలో కూడా అభిమానులు ‘ఓజీ ఓజీ’ అంటూ అరిచిన పరిస్థితి.
‘ఓజీ’ సినిమా నుంచి పెద్దగా ప్రమోషనల్ కంటెంట్ రాక ముందే విపరీతమైన హైప్ వచ్చింది. ఇప్పటిదాకా కనీసం టీజర్ కూడా రిలీజ్ చేయలేదు చిత్ర బృందం. రెండేళ్ల ముందు రిలీజ్ చేసింది జస్ట్ గ్లింప్స్ మాత్రమే. దానికే అభిమానులు ఊగిపోయారు. టీం షూటింగ్ ఆపేసి సైలెంట్గా ఉన్నపుడు కూడా దీనికి హైప్ తగ్గలేదు. తర్వాత పాటలు, వాటికి సంబంధించిన లిరికల్ వీడియోలు మాత్రమే రిలీజ్ చేశారు. వాటికే హైప్ ఇంకా పెరిగిపోయింది.
యుఎస్లో ‘ఓజీ’కి అడ్వాన్స్ బుకింగ్స్ కొన్ని వారాల ముందు మొదలుపెట్టగా.. పెట్టిన షోలు పెట్టినట్లు అయిపోయాయి. కేవలం విడుదలకు ఇంకా వారం ఉండగానే ప్రి సేల్స్తోనే 2 మిలియన్ డాలర్లు కలెక్ట్ చేయడం అంటే చిన్న విషయం కాదు. కేలం సినీ మార్క్ స్క్రీన్ల వరకే 1 మిలియన్ డాలర్ల ప్రి సేల్స్ జరగడం పెద్ద సంచలనం. భారీ హైప్ తెచ్చుకున్న ఆర్ఆర్ఆర్, కల్కి లాంటి పాన్ ఇండియా సినిమాలతో సమానంగా, ఇంకా చెప్పాలంటే వాటిని మించి బజ్ కనిపిస్తోంది ‘ఓజీ’కి.
పవన్ కళ్యాణ్ ఈ ట్రెండుకు తగ్గ దర్శకుడితో జట్టు కడితే.. శ్రద్ధ పెట్టి మంచి కంటెంట్ ఉన్న స్ట్రెయిట్ సినిమా చేస్తే ఎలా ఉంటుందో చెప్పడానికి ‘ఓజీ’నే రుజువు. ఆన్ లైన్లో తప్పితే.. ఆఫ్ లైన్లో ఇప్పటిదాాకా సినిమాకు ఏ రకమైన ప్రమోషన్ జరగలేదు. ఇక ముందూ జరక్కపోయినా ఇబ్బంది లేదు. ఇప్పటికే అంచనాలు తారా స్థాయికి చేరుకున్నాయి. ఇంతకుమించి హైప్ పెరిగినా కష్టమే అనుకునే పరిస్థితి ఉంది. ట్రైలర్ కూడా బాగుంటే ఇంకా హైప్ పెరిగిపోవడం ఖాయం. దాన్ని అందుకోవడం సుజీత్ అండ్ టీంకు అంత తేలిక కాదు. మరి అతను ‘ఓజీ’తో ఏమేర మెప్పిస్తాడో?
This post was last modified on September 19, 2025 9:03 pm
వరద భయం లేకుండా ప్రపంచ స్థాయి ప్రమాణాలతో అమరావతి నగరాన్ని నిర్మిస్తున్నట్లు కూటమి ప్రభుత్వం హామీ ఇస్తోంది. మరోవైపు అమరావతి…
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…