Movie News

భ‌ళా మోహ‌న్ లాల్.. ఇది క‌దా స్నేహ‌మంటే

సినీ రంగంలో స్టార్ హీరోలు చాలా వ‌ర‌కు ఎవ‌రికి వారే అన్న‌ట్లుంటారు. ఏ ఇగోలు లేకుండా మంచి స్నేహితుల్లా సాగే స్టార్లు అరుదుగా క‌నిపిస్తారు. ఇక ఇండ‌స్ట్రీలో అగ్ర‌స్థానం కోసం పోటీ ప‌డే హీరోల మ‌ధ్య స్నేహం అంటే మ‌రీ అరుదు. కానీ త‌మిళంలో సూప‌ర్ స్టార్ ర‌జినీకాంత్, లోక‌నాయ‌కుడు క‌మ‌ల్ హాస‌న్ ద‌శాబ్దాలుగా త‌మ స్నేహాన్ని కొన‌సాగిస్తున్నారు. సుదీర్ఘ విరామం త‌ర్వాత ఈ ఇద్ద‌రూ క‌లిసి సినిమా కూడా చేయ‌బోతున్నారు. మ‌రోవైపు మ‌ల‌యాళంలోనూ ఇద్ద‌రూ టాప్ హీరోల మ‌ధ్య గొప్ప స్నేహం ఉంది. వాళ్లే.. మోహ‌న్ లాల్, మమ్ముట్టి. వీరి అభిమానులు హిట్లు, క‌లెక్ష‌న్లు, రికార్డుల గురించి బ‌య‌ట‌, సోష‌ల్ మీడియాలో తెగ కొట్టేసుకుంటూ ఉంటారు కానీ.. ఆ ఇద్ద‌రూ మాత్రం ఎంతో ఆత్మీయంగా మెలుగుతారు.

ఒక‌రితో ఒక‌రికి పోటీ లేదు. అసూయకు అస‌లే అవ‌కాశం లేదు. ఈ మ‌ధ్య మ‌మ్ముట్టి అనారోగ్యం పాలైతే.. శ‌బ‌రిమ‌ల‌కు వెళ్లి త‌న మిత్రుడి కోసం ప్ర‌త్యేకంగా మోహ‌న్ లాల్ పూజ‌లు చేయించ‌డం వార్త‌ల్లో నిలిచింది. ఇప్పుడు మ‌రోసారి త‌న స్నేహితుడి మీద త‌న ప్రేమ‌ను చాటాడు మోహ‌న్ లాల్.
ఆదివారం మమ్ముట్టి 74వ పుట్టిన రోజును జ‌రుపుకున్నారు. ఎప్ప‌ట్లాగే ఏ హ‌డావుడి లేకుండా ఆయ‌న బ‌ర్త్ డే జ‌రిగిపోయింది. ఆయ‌న బ‌య‌టికి కూడా రాలేదు. ఐతే అదే స‌మ‌యంలో మ‌ల‌యాళ బిగ్ బాస్ షోకు హోస్ట్ అయిన మోహ‌న్ లాల్ వెరైటీగా త‌యారై వ‌చ్చారు.

ఆయ‌న వేసుకున్న ష‌ర్ట్ అంద‌రి దృష్టినీ ఆక‌ర్షించింది. ఆ చొక్కా మొత్తం మమ్ముట్టి బొమ్మ‌ల‌తో నిండిపోయింది. మ‌మ్ముట్టి ఐకానిక్ సినిమాలు, క్యారెక్ట‌ర్లతో ఆ చొక్కాను డిజైన్ చేశారు. ఒక టాప్ స్టార్.. ఇంకో టాప్ స్టార్ బొమ్మ‌ల‌తో ఉన్న చొక్కా తొడుక్కుని ఇలా ఒక షోను హోస్ట్ చేయ‌డం అరుదైన విష‌యం. మ‌ల‌యాళంలో ఎప్ప‌ట్నుంచో నంబ‌ర్ వ‌న్‌గా కొన‌సాగుతున్న మోహ‌న్ లాల్.. ఏమాత్రం బేష‌జం లేకుండా త‌న మిత్రుడైన మ‌రో టాప్ స్టార్ మీద ప్రేమ‌తో ఇలా చేయ‌డం ప్ర‌శంస‌లు అందుకుంటోంది. హీరోలంద‌రికీ ఇది ఆద‌ర్శం అంటూ ఆయ‌న్ని కొనియాడుతున్నారు నెటిజ‌న్లు.

This post was last modified on September 8, 2025 8:22 am

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

1 hour ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

1 hour ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

2 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

2 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago