Movie News

నాగార్జున 100… బోలెడు సవాళ్లున్నాయ్

అక్కినేని నాగార్జున నూరో సినిమాకు రంగం సిద్ధమవుతోంది. ఈ నెల 29 ఆయన పుట్టినరోజు సందర్భంగా అఫీషియల్ అనౌన్స్ మెంట్ ఇవ్వబోతున్నారు. ఆర్ కార్తీక్ దర్శకత్వం వహిస్తున్న ఈ యాక్షన్ ఎంటర్ టైనర్ వచ్చే ఏడాది రిలీజ్ చేయబోతున్నారు. అయితే ఇంత పెద్ద మైలురాయిని అందుకోబోతున్న టైంలో కింగ్ ముందు చాలా సవాళ్లు ఎదురు కాబోతున్నాయి. మొదటిది అభిమానుల్లో తన మీద ఉన్న అసంతృప్తిని తొలగించడం. బ్రహ్మాస్త్ర పార్ట్ 1, కుబేర, కూలీలో వరసగా చనిపోయే సపోర్టింగ్ రోల్స్ చేయడం పట్ల వాళ్ళు ఒకింత నిరసన స్వరంతో ఉన్నారు. దాన్ని తగ్గించడం అంత సులభం కాదు.

పైగా డైరెక్టర్ ఆర్ కార్తిక్ ఫామ్ లోనో లైమ్ లైట్ లోనో ఉన్నోడు కాదు. ఇంతకు ముందు తీసిన తమిళ మూవీ ఆకాశం పేరుతో తెలుగులో డబ్ అయితే, వచ్చిన సంగతి కూడా ఎవరికీ గుర్తు లేదు. సో ఇంత గుడ్డిగా నమ్మి అతనికి అవకాశం ఇచ్చాడంటే చాలా పెద్ద బరువే. ఎందుకంటే మోహన్ రాజాని కాదని మరీ కార్తీక్ కి ఛాన్స్ ఆఫర్ చేయడం చిన్న విషయం కాదు. ఇది కాకుండా స్టార్ హీరోల్లో వందో సినిమా మరీ గొప్పగా అచ్చిరాలేదు. చిరంజీవికి త్రినేత్రుడు ఫ్లాప్ కాగా బాలకృష్ణకు గౌతమీపుత్ర శాతకర్ణి హిట్టనిపించుకుంది కానీ రికార్డులు బద్దలు కొట్టలేదు. వెంకటేష్ ఇంకా ఆ నెంబర్ కి దూరంలో ఉన్నారు కాబట్టి లిస్టులోకి రారు.

ఇవన్నీ పక్కనపెడితే గత కొన్నేళ్లుగా సోలో హీరోగా నాగార్జున సత్తా చాటిన సినిమాలు మూడే. సోగ్గాడే చిన్ని నాయనా బ్లాక్ బస్టర్ కాగా బంగార్రాజు మంచి వసూళ్లతో పాసయ్యింది. నా సామిరంగ అద్భుతాలు చేయకపోయినా హిట్టు స్టాంప్ వేయించుకుంది. అయినా సరే ఈ కిక్ నాగ్ ఫ్యాన్స్ కి సరిపోవడం లేదు. వెంకీ లాగా సంక్రాంతికి వస్తున్నాం రేంజ్ లో వందల కోట్లు వసూలు చేసే పెద్ద ఇండస్ట్రీ హిట్టు కొట్టాలని కోరుకుంటున్నారు. మరి కార్తీక్ అంత బరువు ఏ మేరకు మోయగలడనే దాన్ని బట్టే ఫలితం ఆధారపడి ఉంటుంది. అంచనాలు, బిజినెస్ లెక్కలు, ఫ్యాన్స్ ఎమోషన్లు ఇలా ఎన్నో సవాళ్లు నాగ్ కు స్వాగతం చెప్పబోతున్నాయి.

This post was last modified on August 20, 2025 4:06 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

2 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

2 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

3 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

3 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

3 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

3 hours ago