మాయ చేస్తున్న ‘అర్జున్ చక్రవర్తి’ ప్రేమ పాట

విజయ రామరాజు టైటిల్ రోల్ లో నటించిన స్పోర్ట్స్ డ్రామా ‘అర్జున్ చక్రవర్తి’. విక్రాంత్ రుద్ర దర్శకత్వం వహించిన ఈ సినిమాని నిర్మాత శ్రీని గుబ్బల నిర్మించారు. మేకర్స్ ఇప్పుడు ఓ హార్ట్ టచ్చింగ్ లవ్ సాంగ్ తో మ్యూజికల్ ప్రోమోషన్స్ కు శ్రీకారం చుట్టారు.

‘మేఘం వర్షించదా’ పేరుతో విడుదలైన ఫస్ట్ సింగిల్ ఇప్పటికే మ్యూజిక్ లవర్స్ ని మాయ చేస్తోంది. విఘ్నేష్ బాస్కరన్ కంపోజ్ చేసిన ఈ సాంగ్ హత్తుకునే మెలోడీగా అలరిస్తోంది.

విక్రాంత్ రుద్ర రాసిన పదాలు, కపిల్ కపిలన్, మీరా ప్రకాష్, సుజిత్ శ్రీధర్ గళాలు కలిసి ఈ పాటను మరింత మెస్మరైజ్ చేశాయి. ప్రేమలో ఉండే ఎమోషన్లను, ఆత్మీయతను ఈ పాట ప్రతిబింబిస్తుంది. ముఖ్యంగా విజయరామరాజు, సిజా రోజ్ మధ్య కనిపించే కెమిస్ట్రీ ఈ పాటలో హైలైట్‌గా నిలుస్తోంది.

ఈ పాట సోషల్ మీడియాలో విపరీతమైన రెస్పాన్స్ తెచ్చుకుంటోంది. ఫీలింగ్స్ తో నిండిన ట్యూన్, హార్ట్ టచింగ్ లిరిక్స్, విజువల్స్ తో ఇటీవలి కాలంలో వచ్చిన బెస్ట్ లవ్ సాంగ్స్‌లో ఈ పాట ఒకటిగా నిలుస్తోంది.

ఇక ఇప్పటికే 46 అంతర్జాతీయ అవార్డులు దక్కించుకున్న ఈ సినిమా ఇటీవల విడుదలైన టీజర్‌ తో మరింత మంచి స్పందన తెచ్చుకుంది. టీ జర్ ఇన్‌స్టాగ్రామ్‌లో 16 మిలియన్లు వ్యూస్ తెచ్చుకుంది. యూట్యూబ్‌ లో 1.5 మిలియన్లు వ్యూస్ దాటింది.

కబడ్డీ ఆటగాడి జీవితం ఆధారంగా రూపొందిన ఈ స్పోర్ట్స్ డ్రామాలో, ప్రేమ కూడా అంతే బలంగా ఉండబోతుందని ఈ పాట స్పష్టంగా చెప్పింది.

‘మేఘం వర్షించదా’ సాంగ్ సినిమా పట్ల అంచనాలను పెంచేసింది. త్వరలో ప్రేక్షకుల ముందుకు రానున్న ‘అర్జున్ చక్రవర్తి’ ప్రేమికుల మనసుల్లో స్థానం సంపాదించబోతున్నట్టు ఈ లవ్ సాంగ్ తో స్పష్టమైయింది.