విశ్వంభర.. ఎప్పుడో రిలీజ్ కావాల్సిన సినిమా. ఈ ఏడాది సంక్రాంతికి అనుకున్న సినిమా కాస్తా.. బాగా ఆలస్యం అవుతోంది. రిలీజ్ ఎప్పుడో క్లారిటీయే లేదు. నిజానికి ‘విశ్వంభర’ మొదలైనపుడు ఫుల్ పాజిటివ్ బజ్ ఉంది కానీ.. ఫస్ట్ టీజర్ వచ్చాక అంతా మారిపోయింది. అందులో విజువల్స్, ఎఫెక్ట్స్ విపరీతమైన నెగెటివ్ ఫీడ్ బ్యాక్ తెచ్చుకోవడం.. బాగా ట్రోలింగ్ జరగడంతో చిత్ర బృందం అప్రమత్తం అయింది. అప్పటిదాకా ఉన్న వీఎఫెక్స్ కంటెంట్ అంతా పక్కన పెట్టి మళ్లీ కొత్తగా వర్క్ చేయడం మొదలుపెట్టిందని.. అందుకే సినిమా ఇంత ఆలస్యం అవుతోందని అంటున్నారు. ఐతే ఓవైపు రీవర్క్ చేస్తున్న సంగతి నిజమని చెబుతూనే.. మరోవైపు తాము టీజర్లో చూపించిన కంటెంట్లో తప్పేంటని అంటున్నాడు దర్శకుడు వశిష్ఠ.
‘విశ్వంభర’ టీజర్లో చూపించిన విజువల్స్ను ‘అవతార్’ సినిమాలోని సన్నివేశాలతో పోల్చడంపై వశిష్ఠ అభ్యంతరం వ్యక్తం చేశాడు. హాలీవుడ్లో ఏం చేసినా గొప్ప అనుకోవడం, ప్రతిదీ అక్కడి నుంచే మనం రెఫరెన్స్ తీసుకుంటున్నాం అనుకోవడం తప్పని వశిష్ఠ అభిప్రాయపడ్డాడు. తమ టీజర్లో చూపించినట్లు పొడవైన చెవులతో ఉన్న అమ్మాయి రూపం ‘అవతార్’లో మాత్రమే ఉందని.. అలా మరే సినిమాలోనూ చూపించలేదా అని అతను ప్రశ్నించాడు. ఇక వేలాడే కొండల్ని కూడా ‘అవతార్’లోనే తొలిసారి చూశామా అని అతనడిగాడు. అవతార్ సినిమా 2008లో వచ్చిందని.. కానీ 1998లో వచ్చిన ‘చందమామ’ ఎడిషన్లోని ‘జ్వాలాముఖి’ కథలో ఈ రెఫరెన్సులు ఉన్నాయని.. తాను దాన్నుంచి రెఫరెన్స్ తీసుకున్నానని.. కానీ కొట్టానని అంటే సంతోషించేవాడినని వశిష్ఠ అన్నాడు.
హాలీవుడ్లో ‘హల్క్’ తీయడానికి ముందే తెలుగులో అలాంటి కథతో కృష్ణ హీరోగా ‘మహాబలుడు’ వచ్చిందని.. ‘హాలోమన్’ తరహా చిత్రం కూడా ‘శభాష్ సత్యం’ పేరుతో కృష్ణనే ఓ సినిమా చేశారని.. ‘హ్యారీ పోటర్’లో స్టిక్స్ మీద నడిచే సన్నివేశాలను ఓ సినిమాలో రమణారెడ్డి చేశారని వివరించాడు వశిష్ఠ. మన దగ్గర మంచిని వదిలేసి వాళ్లది బాగుందని అనడం మనకు అలవాటని.. ఇలాంటి రెఫరెన్సులన్నీ మన దగ్గర్నుంచి హాలీవుడ్ వాళ్లు తీసుకున్నారని ఎందుకు ఆలోచించరని వశిష్ఠ ప్రశ్నించాడు. హాలీవుడ్ వాళ్లకు ముందు నుంచి బడ్జెట్లు, స్పేస్ ఉన్నాయని.. ఇంతకుముందు మనకు ఆ సౌలభ్యం లేదని.. ఇప్పుడు మన వాళ్ల ఆలోచన విధానం ఇప్పుడు మారి, పెద్ద స్థాయిలో ఆలోచిస్తున్నారని వశిష్ఠ చెప్పాడు.
This post was last modified on July 29, 2025 3:11 pm
ఒక మీడియం బడ్జెట్ సినిమాకు రాజమౌళి ప్రెజెంట్స్ అని పడిందంటే అందులో విషయం చాలా స్ట్రాంగ్ గా ఉంటుంది. ఎందుకంటే…
జపాన్పై రెండు పరుగుల తేడాతో గెలిచారు. కానీ ఈ మ్యాచ్ తర్వాత టీమిండియా బ్యాటింగ్పై మళ్ళీ సందేహాలు మొదలయ్యాయి. భారత…
ఒకప్పుడు గిన్నిస్ బుక్ అఫ్ వరల్డ్ రికార్డులో పేరు సంపాదించుకోవడమంటే అదో పెద్ద ఘనతగా భావించే వాళ్ళు. పెద్ద పెద్ద…
ఉమ్మడి ఆంధ్రప్రదేశ్లో ప్రభుత్వం ప్రకటించే నంది అవార్డులకు ఎంత విలువ ఉండేదో తెలిసిందే. వాటిని జాతీయ అవార్డులతో సమానంగా చూసేవారు.…
టాలీవుడ్ సినిమాలకు అదేం శాపమో అర్థం కాదు కానీ కొన్నింటికి ప్రభుత్వాల నుంచి జిఓలు సకాలంలో రావు, చివరి నిమిషం…
జాతీయ గేయం వందేమాతరం వ్యవహారంపై జరుగుతున్న వివాదాలు అన్నీ ఇన్నీ కావు. దేశానికి స్వాతంత్రం రాక మునుపు నుంచి ఈ…