ఓ పెద్ద సినిమా మొదలైందంటే.. విడుదల ముందు వరకు దాని కథాంశం బయటికి రాకుండా చూసుకుంటారు. ట్రైలర్లో కూడా అందరూ కథను చెప్పరు. తెర మీద ప్రేక్షకులను సర్ప్రైజ్ చేయాలని భావిస్తారు. కానీ కొంతమంది దర్శకులు మాత్రం ముందే కథేంటో రివీల్ చేసేస్తుంటారు. గతంలో రాజమౌళి చాలా సినిమాలకు ఇదే శైలిని అనుసరించారు. ఇప్పుడు ‘విశ్వంభర’ దర్శకుడు వశిష్ఠ కూడా జక్కన్న బాటలో పయనించాడు. మెగాస్టార్ చిరంజీవి హీరోగా నటిస్తున్న ఈ సినిమా బేసిక్ కథేంటో అతను బయట పెట్టేశాడు.
ఇప్పటిదాకా సినిమాల్లో భూలోకం, స్వర్గ లోకం.. యమలోకం.. అంటూ ఏడు లోకాలను చూపించారని.. కానీ తాము ‘విశ్వంభర’లో మొత్తం 14 లోకాలను చూపించబోతున్నామని వశిష్ఠ వెల్లడంచాడు. ఈ 14 లోకాల్లో 7 కింద ఉంటే.. 7 పైన ఉంటాయని.. ఇప్పటిదాకా సినిమాల్లో వివిధ లోకాలను ఎవరికి తోచినట్లు వాళ్లు చూపించారని.. తాము ఈ 14 లోకాలతో పాటు వాటికి మూలమైన సత్య లోకాన్ని చూపించబోతున్నామని వశిష్ఠ వెల్లడించాడు. ఇలా లోకాల చుట్టూ తిరిగే కథల్లో హీరో.. హీరోయిన్ లేదా ఇంకో ఎలిమెంట్ను తిరిగి తెచ్చుకోవడానికి వేరే లోకంతో పోరాటం చేస్తాడని.. ‘విశ్వంభర’ కూడా అదే శైలిలో నడుస్తుందని వశిష్ఠ తెలిపాడు.
చిరు కెరీర్లో ప్రత్యేకంగా నిలిచిన ఫాంటసీ మూవీ ‘జగదేక వీరుడు అతిలోక సుందరి’కి, ‘విశ్వంభర’కు ఏ పోలికా లేదని వశిష్ఠ తెలిపాడు. ‘భైరవద్వీపం’తో కూడా దీనికి సంబంధం లేదని అతను చెప్పాడు. ‘కీలుగుర్రం’ సినిమా తమ చిత్రానికి స్ఫూర్తి అని అతను తెలిపాడు. ఇంకా పాతాళభైరవి లాంటి సినిమాల నుంచి కూడా ఇన్స్పైర్ అయినట్లు అతను వెల్లడించాడు. సినిమాలో విజువల్ ఎఫెక్ట్స్ అద్భుతంగా ఉంటాయని.. సెట్స్ అనే ఫీలింగ్ కలగకుండా వివిధ లోకాలను చూపించామని వశిష్ఠ తెలిపాడు.
This post was last modified on July 18, 2025 3:16 pm
తెలంగాణ ప్రజల కోసం.. తెలంగాణ సమాజం కోసం అనేక మంది కష్టపడ్డారు. కష్టపడుతున్నారు. అయితే.. వారికి సరైన గుర్తింపు లేకపోవడం..…
ఐపీఎల్లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…