Movie News

సిద్దార్థ్ ఈసారైనా హిట్టు కొడతాడా

బొమ్మరిల్లుతో మనకు బాగా దగ్గరైన హీరో సిద్దార్థ్ ఆ తర్వాత నువ్వొస్తానంటే నేనొద్దంటానా లాంటి బ్లాక్ బస్టర్లు కొన్ని సాధించాడు కానీ ఆపై వచ్చిన వరస ఫ్లాపులు కెరీర్ ని దెబ్బ కొట్టాయి. ఇక్కడ వర్కౌట్ కావడం లేదని భావించి తమిళంలోనే సెటిలైపోయిన సిద్ధూ వచ్చే వారం జూలై 4 కొత్త మూవీ 3 BHKతో ప్రేక్షకులను పలకరించబోతున్నాడు. తమిళ సినిమానే అయినప్పటికీ తెలుగులో డబ్బింగ్ చేసి ఒకేరోజు సమాంతరంగా రిలీజ్ చేసేందుకు నిర్మాతలు ఏర్పాట్లు చేస్తున్నారు. దీనికి దర్శకుడు శ్రీ గణేష్. ఓటిటిలో రాజేంద్రప్రసాద్ కు పెద్ద హిట్టుగా నిలిచిన సేనాపతి ఒరిజినల్ వర్షన్ సృష్టికర్త ఇతనే. అందుకే 3 BKH మీద అంచనాలున్నాయి.

తెలుగులో దీనికి పెద్దగా సౌండ్ లేదు. అయినా సరే కంటెంట్ మెప్పిస్తుందనే నమ్మకంతో తన వంతుగా ప్రమోషన్లు బాగానే చేసుకుంటున్నాడు సిద్దార్థ్. ఇటీవలే టూరిస్ట్ ఫ్యామిలీ బ్లాక్ బస్టర్ అయిన నేపథ్యంలో ఇప్పుడీ 3 BKH కూడా అదే తరహాలో విజయం సాధిస్తుందని ట్రేడ్ అంచనా వేస్తోంది. శరత్ కుమార్, దేవయాని, యోగిబాబు తదితరులు కీలక పాత్రలు పోషించిన ఈ కుటుంబ డ్రామాకు అమ్రిత్ రాంనాథ్ సంగీతం సమకూరుస్తున్నారు. టీజర్లు, పాటలు గట్రా చూస్తుంటే కాసింత చూడొచ్చనే సినిమాలాగే కనిపిస్తోంది. అది ఎంత వరకు వర్కౌట్ అవుతుందో ఇంకో పది రోజులు వేచి చూడాలి

మహాసముద్రంతో టాలీవుడ్ రీ ఎంట్రీ  ఇచ్చిన సిద్దార్థ్ కు దాని ఫలితం నిరాశపరిచింది. ఎన్నో ఆశలతో చిత్తాని తెలుగులో ప్రమోట్ చేసుకుంటే మనోళ్లు రిసీవ్ చేసుకోలేదు. కమల్ హాసన్ తో స్క్రీన్ షేర్ చేసుకున్న ఆనందం తప్ప ఇండియన్ 2 మిగిల్చింది సున్నా. మిస్ యు చిత్రం మిసరబుల్ గా ఫెయిలయ్యింది. నెట్ ఫ్లిక్స్ నిర్మించిన టెస్ట్ కూడా డిజాస్టరయ్యింది. ఈ ట్రాక్ రికార్డు అంతా 3 BKHతో పోతుందని సిద్దార్థ్ నమ్మకంగా ఉన్నాడు. జూలై 4 నితిన్ తమ్ముడు తప్ప ఇంకే కాంపిటీషన్ లేకపోవడంతో 3 BKH మంచి కాన్ఫిడెన్స్ తో ఉంది. ఓపెనింగ్స్ రావు కానీ టాక్ వస్తే మాత్రం దానికైన బడ్జెట్ రికవర్ అయిపోతుంది.

This post was last modified on June 24, 2025 4:01 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

13 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

27 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

46 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

1 hour ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

1 hour ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

1 hour ago