Movie News

ధనుష్ మూవీగా చూడటం లేదా

తమిళంలో ధనుష్ కున్న ఫాలోయింగ్ చిన్నదేమీ కాదు. సూర్య, విక్రమ్ లను దాటిపోయే స్థాయిలో ఇతని సినిమాలు చాలాసార్లు భారీ వసూళ్లు తీసుకొచ్చాయి. వడ చెన్నై, రఘువరన్ బిటెక్ (విఐపి), కర్ణన్, మారి ఆషామాషీ హిట్లు కాదు. మధ్యలో కొన్ని నిరాశపరిచినా మాస్ లో తనకున్న ఫాలోయింగ్ పెద్దదే. అయితే కుబేరకు మాత్రం ఆశ్చర్యకరంగా తమిళ బుకింగ్స్ ఆశించిన స్థాయిలో లేకపోవడం అరవ ట్రేడ్ ని విస్మయపరుస్తోంది. నిజానికి అక్కడ టూరిస్ట్ ఫ్యామిలీ తర్వాత మళ్ళీ థియేటర్లను నింపిన సినిమా మరొకటి రాలేదు. అందుకే కుబేర మీద బోలెడు నమ్మకం పెట్టుకుని ఎదురు చూశారు. తెలుగు బుకింగ్స్ బాగున్నాయి.

దీనికి కారణాలు ఏంటయ్యా అంటే కుబేరను వాళ్ళు తెలుగు టు తమిళ్ డబ్ చేసిన మూవీగా భావిస్తున్నారట. ఈ డౌట్ వచ్చే ధనుష్ చెన్నైలో జరిగిన ఈవెంట్ లో రెండు వెర్షన్లు విడివిడిగా షూట్ చేశామని ప్రత్యేకంగా చెప్పాడు. అయినా సరే అక్కడి జనాలు నమ్మడం లేదు కాబోలు. ముఖ్యంగా దర్శకుడు శేఖర్ కమ్ముల వాళ్లకు పరిచయం లేకపోవడం దీనికి కారణమని చెప్పొచ్చు. ఎందుకంటే ఆనంద్, గోదావరి, హ్యాపీ డేస్, లీడర్, ఫిదా ఇవేవి తమిళంలో డబ్బింగ్ కాలేదు. నయనతారతో తీసిన కహాని రీమేక్ అనామిక డిజాస్టర్ కావడం వల్ల తన పేరు తమిళంలో రిజిస్టర్ కాలేకపోయింది. లేదంటే సీన్ వేరుగా ఉండేదేమో.

మనమేమో ఇక్కడ డబ్బింగ్, రీమేక్ అనే తేడా లేకుండా కంటెంట్ బాగుంటే చాలు నెత్తిన బెట్టుకుంటున్నాం. అక్కడేమో మనది కాదు, ఇది తెలుగువాళ్ళు తీసిందంటూ ఏవేవో ఫీలింగ్స్ పెట్టుకుని ఇంటరెస్ట్ తగ్గించుకుంటున్నారు. అయినా సరే కుబేర టీమ్ మాత్రం ధీమాగా ఉంది. భాషతో సంబంధం లేకుండా ప్యాన్ ఇండియా రేంజ్ లో ఇది అందరిని మెప్పిస్తుందని నమ్మకంగా చెబుతున్నారు. ఓవర్సీస్ ఎర్లీ ప్రీమియర్లతో పాటు తెలుగు రాష్ట్రాల్లో ఉదయం 7 నుంచే షోలు మొదలుకాబోతున్నాయి. తమిళనాడులో 9 నుంచి స్టార్ట్ అవుతాయి. సో టాక్, రివ్యూలు అందరికంటే ఆలస్యం చేరేది కోలీవుడ్ జనాలకే.

This post was last modified on June 18, 2025 8:49 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

7 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

8 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

8 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

8 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

8 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

8 hours ago