Movie News

‘వీరమల్లు’.. ఇంత హడావుడంటే కష్టమే

సంక్రాంతికి భారీ చిత్రాలు పలకరించాక.. ఆ స్థాయి సినిమాలు లేక తెలుగు ప్రేక్షకులు తీవ్ర నిరాశకు గురయ్యారు. ఎట్టకేలకు ఈ నెల రెండో వారంలో పవర్ స్టార్ పవన్ కళ్యాణ్ సినిమా ‘హరిహర వీరమల్లు’ రాబోతోంది. పవన్ కెరీర్లోనే అత్యధిక కాలం షూటింగ్ దశలో ఉండి, చాలా ఆలస్యంగా రిలీజవుతున్న సినిమా ఇది. ఒక దశలో ఈ సినిమా రిలీజవుతుందా లేదా అనే సందేహాలు కూడా కలిగాయి.

ఐతే ఏడాదిగా ఆంధ్రప్రదేశ్ డిప్యూటీ చీఫ్ మినిస్టర్‌గా, కొన్ని శాఖల మంత్రిగా బాధ్యతలను మోస్తున్న పవన్.. అతి కష్టం మీద వీలు చేసుకుని సినిమాను పూర్తి చేయడంతో రిలీజ్‌కు అడ్డంకులు తొలగిపోయాయి. ఐతే సినిమా చాలా ఆలస్యం కావడం వల్ల పవన్ గత చిత్రాలకు ఉన్న హైప్ దీనికి లేని మాట వాస్తవం. రిలీజ్ దగ్గర పడుతుండగా హైప్ పెంచడానికి సరైన ప్రయత్నాలు కూడా జరగట్లేదనే అసంతృప్తి అభిమానుల్లో ఉంది. ఎలాగూ పవన్ వచ్చి సినిమాను ప్రమోట్ చేయడు. ఈ నేపథ్యంలో ఎగ్జైటింగ్ ప్రోమోలు రిలీజ్ చేసి హైప్ పెంచాలని కోరుకుంటున్నారు. అన్నింటికీ మించి స్ట్రైకింగ్ ట్రైలర్ కోసం చూస్తున్నారు.

ఐతే విడుదలకు పది రోజులే మిగిలి ఉన్నా.. ఇంకా ట్రైలర్ రాలేదు. దీని గురించి ఓ ఇంటర్వ్యూలో నిర్మాత ఏఎం రత్నంను అడిగితే.. సినిమాలో ద్వితీయార్ధానికి సంబంధించి విజువల్ ఎఫెక్ట్స్ పనులు జరుగుతున్నాయని.. అవి పూర్తయి పోస్ట్ ప్రొడక్షన్ పనులు ఒక కొలిక్కి వస్తే కానీ ట్రైలర్ రిలీజ్ చేయలేమని అన్నారు. ఐతే పాన్ ఇండియా స్థాయిలో రిలీజ్ కావాల్సిన సినిమాకు పది రోజుల ముందు ఇంకా వీఎఫెక్స్ పనులు జరగడమేంటి, పోస్ట్ ప్రొడక్షన్ పూర్తి కాకపోవడం ఏంటి అనే ప్రశ్నలు తలెత్తుతున్నాయి. 

ఇంత హడావుడిగా ఆ పనులు చేస్తే సినిమా ఔట్ పుట్ మీద ప్రభావం పడదా అంటున్నారు. ఇంకా ఆ పనుల్లో బిజీగా ఉంటే.. ఇక ట్రైలర్ మీద ఎలా దృష్టిపెడతారని ప్రశ్నిస్తున్నారు. ట్రైలర్‌ను అద్భుతంగా తీర్చిదిద్దితే తప్ప సినిమాకు హైప్ పెరగదని.. ప్రస్తుత పరిస్థితుల్లో హడావుడిగా ట్రైలర్ కట్ చేసి వదిలితే అది ఓపెనింగ్స్ మీద ప్రతికూల ప్రభావం చూపే ప్రమాదం ఉందని.. అభిమానులు కంగారు పడుతున్నారు. ఇప్పుడు ట్రైలర్ చాలా కీలకం. అది వస్తేనే లెక్కలు మారే అవకాశాలు ఉన్నాయి.

This post was last modified on June 3, 2025 8:43 am

Share

Recent Posts

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

1 hour ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

7 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

9 hours ago

ఆమె వ‌ద్ద‌ని.. ఆమెతోనే రెండు సినిమాల‌కు కాంట్రాక్ట్

వ‌చ్చే శుక్ర‌వారం ద‌క్షిణాదిన మంచి అంచ‌నాల మ‌ధ్య విడుద‌ల కాబోతున్న సినిమా.. ఆకాశంలో ఒక తార‌. దుల్క‌ర్ స‌ల్మాన్ హీరోగా…

10 hours ago

జ‌గ‌న్ పత్రికకు రూ.10 కోట్ల పరువునష్టం నోటీసు

ఏపీ రాజ‌ధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత‌…

10 hours ago

మాకు ఆ సీఈఓనే కావాలంటూ లక్ష సంతకాలు

ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…

10 hours ago