కాజల్‍ ట్రెండింగ్‍ కష్టాలు

ప్రియాంక చోప్రా పెళ్లి చేసుకున్న తర్వాత తన భర్తతో దిగిన ఫోటోలను తెగ షేర్‍ చేస్తూ వుండేది. నిజానికి పెళ్లికి ముందు నుంచే వారిద్దరూ తమను మించిన ప్రేమ జంట లేరని అనుకోవాలని తెగ తాపత్రయ పడేవాళ్లు. ప్రియాంక తన భర్తతో దిగిన ఫోటోలతో నిత్యం ట్రెండింగ్‍లో వుండేది.

కాజల్‍ అగర్వాల్‍ కూడా ఇప్పుడు తన భర్తపై తనకెంత ప్రేమ వుందనేది ప్రపంచానికి తెలియజేయడం కోసం తెగ కష్టపడుతోంది. పెళ్లికి ముందు అసలు అతడితో కనీసం పరిచయం వున్నట్టు కూడా ఎక్కడా తెలియనివ్వలేదు. కానీ పీకల్లోతు ప్రేమలో వున్నామని, ఒకరిని విడిచి ఒకరం వుండలేమని తెలిసిన తర్వాతే పెళ్లి చేసుకున్నామని, లాక్‍డౌన్‍ టైమ్‍లో ఒకర్నొకరు విడిచి వుండలేక కిరాణా కొట్ల వద్ద కలుసుకునే వాళ్లమని టీనేజ్‍ జంటల మాదిరిగా చెప్పుకుంటోంది.

తన చెల్లెలు తనకంటే ముందే ఎప్పుడో పెళ్లాడి తల్లయిపోయినా కానీ ఇంతకాలం నటిస్తూనే వున్న కాజల్‍ ఇప్పుడు పాతికేళ్ల వయసులో మిస్‍ అయిన ముచ్చట్లు తీర్చుకుంటున్నట్టుంది. అయితే కాజల్‍ చూపిస్తోన్న ప్రేమ మరీ డ్రమెటిక్‍గా వుందని, నేచురల్‍గా అనిపించేలా బిహేవ్‍ చేస్తే బాగుంటుందని సోషల్‍ మీడియాలో కామెంట్లు పడుతున్నాయి.