Movie News

ఒక్క హీరో.. ఎన్ని సీక్వెల్సో

ఒకప్పుడు సౌత్ ఇండియాలో సీక్వెల్స్, ఫ్రాంఛైజీ సినిమాలు పెద్దగా తెరకెక్కేవే కావు. బాలీవుడ్ ఎప్పట్నుంచో వీటిలో ముందున్నప్పటికీ.. సౌత్ చిత్రాలకు మాత్రం అవి కలిసి రాకపోవడం వల్ల వాటి మీద దృష్టిపెట్టేవారు కాదు. కానీ రాజమౌళి ‘బాహుబలి’ని రెండు భాగాలుగా తీసి గొప్ప ఫలితం రాబట్టడంతో ఈ ట్రెండ్ ఊపందుకుంది. ఒకే కథను రెండు భాగాలుగా తీయడం.. ఒక కథకు మళ్లీ సీక్వెల్ తీయడం.. ఒక క్యారెక్టర్‌ లేదా కాన్సెప్ట్‌ను ఫ్రాంఛైజీగా మార్చడం ట్రెండుగా మారింది. ఈ ట్రెండును అందిపుచ్చుకుని తమిళ కథానాయకుడు కార్తి దూసుకెళ్లిపోతున్నాడు.

ప్రస్తుతం సౌత్ ఇండియాలో అత్యధికంగా సీక్వెల్స్/ఫ్రాంఛైజీ సినిమాలు చేస్తున్న హీరో అతనే అని చెప్పాలి. కార్తి ఆల్రెడీ తన సూపర్ హిట్ మూవీ ‘సర్దార్’కు సీక్వెల్ చేస్తున్న సంగతి తెలిసిందే. ఆగస్టులో రిలీజ్ కానున్న ఈ చిత్రంపై భారీ అంచనాలే ఉన్నాయి. ఇక తాజాగా తెలుగు చిత్రం ‘హిట్-3’ క్లైమాక్స్‌లో మెరిశాడు కార్తి. ‘హిట్-4’లో అతనే హీరో అనే విషయం ఖరారైంది. అందులో అతను వీరప్పన్ అనే పాత్రలో కనిపించనున్నాడు.

కార్తి నటించబోయే మరో సీక్వెల్ ఏంటో చెప్పాల్సిన అవసరం లేదు. అదే.. ఖైదీ-2. ‘ఖైదీ’తో సెన్సేషన్ క్రియేట్ చేసిన లోకేష్ కనకరాజ్.. ఎప్పట్నుంచో దీని సీక్వెల్ గురించి చెబుతున్నాడు. ఇప్పుడు ‘కూలీ’ తర్వాత తన ఇమ్మీడియట్ మూవీ అదే అని మరో కన్ఫమ్ చేశాడు. మరోవైపు కార్తి కెరీర్లో చాలా స్పెషల్ ఫిలిం అనదగ్గ ‘ఖాకీ’కి కూడా సీక్వెల్ రాబోతున్నట్లు సమాచారం. ప్రస్తుతం విజయ్‌తో ‘జననాయగన్’ తీస్తున్న హెచ్.వినోద్.. తర్వాత ‘ఖాకీ-2’ చేయడానికి సన్నాహాలు చేసుకుంటున్నాడట. మరోవైపు ‘కంగువ’ క్లైమాక్స్‌లో కార్తి పాత్రను ప్రవేశపెట్టి దాని సీక్వెల్ గురించి కూడా అనౌన్స్ చేశారు కానీ.. ఆ సినిమా డిజాస్టర్ కావడంతో దానికి బ్రేక్ పడినట్లే. కంగువ బాగా ఆడి ఉంటే కార్తి సీక్వెల్స్ లిస్టులో కంగువ-2 కూడా ఉండేది.

This post was last modified on May 12, 2025 3:27 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

4 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

5 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

5 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

6 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

6 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

7 hours ago