వేడెక్కించిన నిహారిక.. కాని గ్రేస్ లేదబ్బా

నిహారిక కొణిదెల మంచి టాలెంటెడ్ ఉన్న నటి… వెబ్ సిరీస్ ‘ముద్ధపప్పు ఆవకాయ’లోనే తన టాలెంట్ ఏంటో తెలుగు ప్రేక్షకులకు రుచి చూపించిందీ మెగా డాటర్. ‘ఢీ’ షోకి హోస్టింగ్ చేయడమే కాకుండా కొన్నాళ్ల కిందట ‘జబర్ధస్త్’లో గెస్ట్‌గా ఎంట్రీ ఇచ్చి, బాబాయ్, పెద్దనాన్న, అన్నయ్యలను ఇమిటేట్ చేస్తూ స్కిట్‌‌లో విశ్వరూపం చూపించింది. నటిగా, హోస్ట్‌గా నిరూపించుకున్న నిహారిక… లాక్‌డౌన్ టైమ్‌లో తనలో దాగిఉన్న మరో యాంగిల్ చూపించింది.

డ్యాన్స్ మాస్టర్ యశ్వంత్‌తో కలిసి డ్యాన్స్‌ఫ్లోర్‌లో దుమ్ము రేపింది నిహారిక. బ్లాక్ కలర్ డ్రెస్‌లో హాట్ హాట్ స్టెప్స్‌లో నిహారిక వేసిన స్టెప్స్ చూస్తే, మతిపోవడం గ్యారెంటీ. అయితే తన గ్లామర్‌తో డ్యాన్స్ ఫ్లోర్‌ను వేడెక్కించిన నిహారిక… డ్యాన్స్‌లో మాత్రం గ్రేస్ చూపించలేకపోయింది.

మెగా ఫ్యామిలీ అంటేనే డ్యాన్స్‌‌కి కేరాఫ్ అడ్రెస్. మెగాస్టార్ చిరంజీవి దగ్గర్నుంచి రామ్ చరణ్, అల్లుఅర్జున్, సాయిధరమ్ తేజ్… ఇలా మెగా హీరోలందరూ డ్యాన్స్ ఇరగదీస్తారు. మెగా ఇమేజ్‌కి దూరంగా మిగిలిపోయిన అల్లు శిరీష్‌కి మాత్రం ఈ జాబితా నుంచి మినహాయింపు దక్కుతుంది.

నిహారికలో డ్యాన్స్ చేయాలనే తపన కనిపిస్తున్నా… అంతకంటే తనలోని గ్లామర్ యాంగిల్ చూపించేందుకు ఈ హాట్ డ్యాన్స్ వీడియో పోస్ట్ చేసినట్టు అనిపిస్తోంది. సినిమాల్లో హీరోయిన్‌గా ఎంట్రీ ఇచ్చిన నిహారిక… ఇప్పటిదాకా సరైన బ్రేక్ అందుకోలేకపోయింది.

దాంతో టోటల్‌గా రూట్ మార్చి, గ్లామరస్ రోల్స్ కోసం ప్రయత్నిస్తున్న మెగాడాటర్… ఈ సారైనా సక్సెస్ అందుకుంటుందేమో చూడాలి. అయితే చిత్రసీమ విషాదంలో మునిగిన సమయంలో ఈ వీడియో పోస్ట్ చేయడంతో మెగా డాటర్ కష్టాన్ని ఎవ్వరూ పట్టించుకోవడం లేదు.