ప్రభాస్ వచ్చేదాకా పుకార్లు ఆగవు

‘ది రాజా సాబ్’ టీజర్ సిద్ధంగా ఉంది, డబ్బింగ్ చెప్పేస్తే అయిపోతుందని ఒక వార్త.  ‘ఫౌజీ’ త్వరగా పూర్తయ్యే సూచనలున్నాయి కాబట్టి ఈ ఏడాది ద్వితీయార్థంలో ముందు ఇదే విడుదలవుతుందని మరో న్యూస్. ‘స్పిరిట్’ కోసం సర్వం సిద్ధం చేసుకుంటున్న సందీప్ రెడ్డి వంగా మరికొంత కాలం ఆగాలని, ముందు ప్రశాంత్ వర్మ ప్యాన్ ఇండియా మూవీ పూర్తి చేసేందుకు డార్లింగ్ సుముఖంగా ఉన్నాడని మరో టాక్. ఇక్కడితో అయిపోలేదు. ఈ సంవత్సరం చివర్లో ‘కల్కి 2’ మొదలవుతుందని మరో ప్రచారం. లేదు జూనియర్ ఎన్టీఆర్ సినిమా పూర్తి చేసుకుని ప్రశాంత్ నీల్ వెంటనే ‘సలార్ 2’ స్టార్ట్ చేస్తాడని మరో గాసిప్. ఇన్నేసి టాకులు గాల్లో చక్కర్లు కొడుతున్నాయి.

వీటిలో కొన్ని నిజం కావొచ్చు, మరికొన్ని అబద్దం కావొచ్చు. కానీ ఏది సరైందని తెలియాలంటే మాత్రం ప్రభాస్ విదేశాల నుంచి తిరిగి రావాలి. అప్పుడుకాని క్లారిటీ రాదు. ముందైతే రాజా సాబ్ కు డబ్బింగ్ చెప్పేస్తే ఈ నెలలో టీజర్ విడుదల చేయాలనేది మారుతీ ప్లాన్. దాని వల్ల బిజినెస్ డీల్స్ వేగంగా పూర్తవుతాయనే ఆలోచన పీపుల్స్ మీడియాలో ఉంది. ఫౌజీని పరుగులు పెట్టించిన హను రాఘవపూడి బ్యాలన్స్ ఫినిష్ చేయడం కోసం పక్కా ప్లానింగ్ తో ఉన్నాడు. మధ్యలో ప్రశాంత్ వర్మ మూవీ తాలూకు వార్తలు, క్యాస్టింగ్ లీక్స్ ఎందుకు వస్తున్నాయో అర్థం కాక ప్రభాస్ అభిమానులు అయోమయానికి గురవుతున్నారు.

టయర్ 1 లో ఉన్న వేరే ఏ స్టార్ హీరోకి ఇలాంటి పరిస్థితి లేదు. ఒకేసారి నాలుగైదు కమిట్ మెంట్స్ ఇవ్వడం వల్ల ప్రభాస్ మధ్యలో ఉక్కిరిబిక్కిరి అయిపోతున్నాడు. పోనీ రిలీజులు వేగంగా అవుతున్నాయా అంటే అదీ లేదు. ఇంకో నెలలో కల్కి యానివర్సరీ వచ్చేస్తుంది. ఇప్పటిదాకా ప్రభాస్ సోలో హీరోగా నిర్మాణంలో ఉన్న కొత్త వాటి రిలీజ్ డేట్లు ఖరారు కాలేదు. కన్నప్పలో క్యామియో కాబట్టి దాన్ని మంచు విష్ణు ప్రోడక్ట్ గానే భావించాలి. సో 2026లో ది రాజా సాబ్, ఫౌజీలో ఏదో ఒకటి రావాలనేది అభిమానుల డిమాండ్. దానికి అనుగుణంగా ప్రభాస్ వేగం పెంచుతాడా లేదానేది విదేశాల నుంచి రాగానే తేలుతుంది.