అరియానాకి ఎర్త్ పెట్టిన బిగ్‍బాస్‍?

ఈ సీజన్‍ బిగ్‍బాస్‍లో సరిగ్గా ఆడుతోన్న కంటెస్టెంట్‍ ఒక్కరూ లేరంటే రాంగ్‍ స్టేట్‍మెంట్‍ కానే కాదు. దీంతో ఆడియన్స్ కూడా ఫ్లిప్‍ అవుతూ రెండు వారాలకో కొత్త ఫేవరెట్‍ను వెతుక్కుంటున్నారు. దివి, సోహైల్‍ తర్వాత ఇప్పుడు అరియానాకు ఓట్లు ఎక్కువగా వేస్తున్నారు. నిజానికి ఈ యాంకర్‍ అక్కడ ఆడుతున్నదేమీ లేదు. మొదట్నుంచీ ఆమె ఆట కెమెరాల కోసమే ఆడుతూ వచ్చింది.

సింపతీ గెయిన్‍ చేసే ఏ పాయింట్‍నీ ఆమె విడిచిపెట్టదు. అవసరం వున్నా లేకపోయినా వుమన్‍ కార్డ్ వాడకుండా వుండదు. అవతలి వారి తప్పులను ఎన్నడానికి ముందుంటుంది. అలాగే తన తప్పులను ఎవరైనా ఎత్తి చూపిస్తే మాత్రం అక్కడ్నుంచి వాకౌట్‍ చేసేస్తుంది. విక్టిమ్‍ కార్డ్ ప్లే చేసి ఆడియన్స్ సింపతీ కోసం చూస్తుంటుంది. ఇలాంటి అవ లక్షణాలు ఎన్ని వున్నా కానీ షో ఫాలోవర్స్ మాత్రం ఆమె ట్రాప్‍లో పడిపోయారు. బిగ్‍బాస్‍ డైరెక్టర్లు అరియానా గ్రాఫ్‍ పెరగడం గమనించారు. అలాగే హౌస్‍లో ఎవరూ కూడా ఆమెను సీరియస్‍ కంటెండర్‍గా కన్సిడర్‍ చేయకపోవడం కూడా తెలుసుకున్నారు.

అందుకే అరియానా ఏమిటనేది తెలియజేయడానికి రేషన్‍ మేనేజర్‍ విషయంలో ఆమె ఫ్లిప్పింగ్స్ చూపించారు. ఇకపోతే నోయెల్‍ని ఆరోగ్య కారణాలతో బయటకు పంపించారు. అతను త్వరలోనే మళ్లీ తిరిగి వస్తాడు. బయటి విషయాలేమిటనేది తెలుసుకుని వస్తాడు కనుక మిగతా కంటెస్టెంట్లు అలర్ట్ అవుతారు. గతంలో కౌశల్‍ విషయంలో క్లూస్‍ ఇవ్వడానికి సామ్రాట్‍ని అలాగే బయటకు పంపించి మళ్లీ లోనికి తీసుకొచ్చారు. ఈసారి ఇక వైల్డ్ కార్డ్లు ఏమీ లేవు కనుక నోయెల్‍ని ఇలా వాడుతున్నట్టున్నారు.