Movie News

రాజ‌కీయాలు వ‌ద్దులే.. టాలీవుడ్ సంచ‌ల‌న నిర్ణ‌యం?

రాజ‌కీయాల‌కు-సినిమా ఇండ‌స్ట్రీకి మ‌ధ్య అవినాభావ సంబంధం ఉన్న విష‌యం తెలిసిందే. అన్న‌గారు ఎన్టీఆర్‌తో ప్రారంభ‌మైన సినీ రాజ‌కీయాలు.. నిన్న మొన్న‌టి వ‌ర‌కు సాగుతూనే ఉన్నాయి. చాలా మంది న‌టులు, నిర్మాత‌లు, ద‌ర్శ‌కులు కూడా రాజకీయాలు చేశారు. త‌మ పేరును చాటుకున్నారు. దాస‌రి నారాయ‌ణ‌రావు, కృష్ణ‌, రామానాయుడు, శార‌ద ఇలా చాలా మంది రాజ‌కీయ అరంగేట్రం చేసి త‌మ స‌త్తా చాటారు. కానీ, ఇప్పుడు ప‌రిస్థితులు మారాయి.

ఒక‌ప్పుడు టాలీవుడ్ కోసం రాజ‌కీయ నాయ‌కులు కూడా ఎదురు చూసిన సంద‌ర్భాలు ఉన్నాయి. కానీ, ఇప్పుడు టాలీవుడ్ ప్ర‌భావం పెద్ద‌గా క‌నిపించ‌డం లేదు. పైగా.. న‌టులు నిర్మాత‌లు కూడా.. వెన‌క్కి త‌గ్గు తున్న ప‌రిణామాలు క‌నిపిస్తున్నాయి. ఇటు ఏపీలో, అటు తెలంగాణ‌లో కూడా టాలీవుడ్ నుంచి ఇప్పుడు రాజ‌కీయాల‌పై సంద‌డి త‌గ్గిందనే చెప్పాలి. ఒక పార్టీకి అనుకూలంగా ప‌నిచేయ‌డం.. మ‌రో పార్టీ అధికారంలోకి రావ‌డంతో నాయ‌కులు, ద‌ర్శ‌కులు, నిర్మాతల ప‌రిస్థితి మార్పుచెందుతోంది.

వేధింపులు, క‌క్ష సాధింపులు ఇప్పుడు రెండు తెలుగు రాష్ట్రాల్లోనూ క‌నిపిస్తున్నాయ‌న్న‌ది టాలీవుడ్ చెబుతున్న మాట‌. తాజాగా అంత‌ర్గ‌త స‌మావేశంలో తెలంగాణ సినీ ఇండ‌స్ట్రీ ఇదే అభిప్రాయం వెల్ల‌డించింది. గ‌తంలో బీఆర్ ఎస్ పార్టీకి అనుకూలంగా ఉన్న కొంద‌రు ద‌ర్శ‌కులు ఇప్పుడు సినిమాలు తీసుకునేందుకు లొకేష‌న్లు ల‌భించ‌ని పరిస్థితి ఏర్ప‌డ‌డంతో అత్యంత ర‌హ‌స్యంగా ఈ భేటీ నిర్వ‌హించారు. అలాగ‌ని కాంగ్రెస్ పార్టీ ప్ర‌భుత్వానికి మ‌ద్ద‌తు ఇస్తే.. మ‌ళ్లీ బీఆర్ ఎస్ అధికారంలోకి వ‌స్తే.. త‌మ ప‌రిస్థితి ఏంట‌ని వారు త‌ల్ల‌డిల్లుతున్నారు.

ఇక‌, ఏపీలోనూ ఇదే ప‌రిస్థితి క‌నిపిస్తోంది. చాలా మంది నటులు, నిర్మాత‌లు, ద‌ర్శ‌కులు కూడా త‌ట‌స్థంగా మారుతున్నారు. వైసీపీని స‌మ‌ర్ధించిన న‌టులు, ద‌ర్శ‌కులు ఇప్పుడు ఆ పార్టీకి దూరంగా ఉంటున్నారు. ఒక‌రిద్ద‌రు కేసులు ఎదుర్కొంటున్నారు. దీంతో అస‌లు రాజ‌కీయాలు ఎందుకు? అనే ధోర‌ణి టాలీవుడ్‌లో పెరిగిపోయింది. ఇదిలావుంటే.. గ‌తంలో మాదిరిగా.. న‌టులు ప్ర‌చారం చేసినంత మాత్రాన ప్ర‌జ‌లు ఓటేస్తార‌న్న సంస్కృతి కూడా పోయింది. దీంతో టాలీవుడ్ దాదాపు రాజకీయాల‌కు స్వ‌స్తి చెప్పే దిశ‌గానే అడుగులు వేస్తుండ‌డం గ‌మ‌నార్హం.

This post was last modified on March 20, 2025 4:54 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

2 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

3 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

3 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

3 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

3 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

3 hours ago