మావయ్యలంటే విపరీతమైన ప్రాణం, అభిమానం చూపించే సాయి ధరమ్ తేజ్ వాళ్ళ పక్కన నటించే ఛాన్స్ కోసం కెరీర్ మొదలైనప్పటి నుంచి చూస్తూనే ఉన్నాడు. అదృష్టం కొద్దీ బ్రోలో పవన్ కళ్యాణ్ తో సమానంగా స్క్రీన్ పంచుకునే అదృష్టం దక్కింది. ఫలితం సంగతి పక్కనపెడితే మళ్ళీ ఇలాంటి అవకాశం అంత సులభంగా దొరకదు.
రోజుల తరబడి ఇద్దరూ సెట్స్ మీద ఉండటం, స్క్రీన్ మీద చూసుకుని మురిసిపోవడం ఎప్పటికీ అలా గుర్తు ఉండిపోతుంది. ఇప్పుడు పెద్ద మావయ్యతో కూడా ఆ ఛాన్స్ కొట్టేసినట్టు లేటెస్ట్ అప్డేట్. విశ్వంభరలో ఈ కలయిక చిన్న శాంపిల్ గా చూడొచ్చని సమాచారం.
ప్రస్తుతం ఈ సినిమాకు సంబంధించి ఇంట్రో సాంగ్ షూట్ జరుగుతోంది. అందులోనే సాయి తేజ్ ఎంట్రీ ఉండొచ్చట. చిన్న బిట్ అయినా అది స్పెషలే అవుతుంది. చిరుతో ఇలా కాంబోలు పంచుకోవడం మెగా హీరోలు గతంలో చేసిందే. శంకర్ దాదా ఎంబిబిఎస్ పాటలో ఒకేసారి, శంకర్ దాదా జిందాబాద్ ఫైట్ లో మరోసారి పవన్ కళ్యాణ్ అన్నయ్యతో కలిసి నటించాడు.
ఇదే సినిమా సాంగ్ లో అల్లు అర్జున్ అలా తళుక్కున మెరిసి మావయ్యకు ముద్దు పెట్టి వెళ్ళిపోతాడు. చిరు, నాగబాబులు ఎనభై దశకంలోనే జంటగా కనిపించారు. చరణ్ – చిరు ఖైదీ నెంబర్ 150, ఆచార్య, మగధీర, బ్రూస్ లీలో కలిసి అలరించారు.
ఇదే విశ్వంభరలో నీహారిక కూడా ఉంటుందట. సైరాలో కనిపించి కనిపించకుండా మాయమైన సంగతి తెలిసిందే. చివరి దశలో ఉన్న విశ్వంభర ఇంకా విడుదల తేదీ ఖరారు చేసుకోలేదు. మే 9 లేదా జూన్ 27 రెండు ఆప్షన్లు పరిశీలనలో ఉన్నట్టు తెలిసింది. ఫైనల్ కాపీ సిద్ధమవుతున్న టైంలో నిర్ణయం తీసుకుందామని అనుకున్నట్టు ఇన్ సైడ్ టాక్.
ప్రస్తుతం షూట్ తో పాటు పోస్ట్ ప్రొడక్షన్ పనులు వేగవంతం చేస్తున్నారు. త్రిష హీరోయిన్ గా నటించిన ఈ ఫాంటసీ థ్రిల్లర్ లో సిస్టర్, చైల్డ్ సెంటిమెంట్ తో పాటు బోలెడు యాక్షన్ పార్ట్ ఉంటుంది. ఆస్కార్ విజేత కీరవాణి అందించిన పాటలు ప్రత్యేక ఆకర్షణగా ఉంటాయట.
This post was last modified on February 15, 2025 6:55 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…