Movie News

కష్టాల్లో ఉన్న కెన్నడీకి టాలీవుడ్ అండ

బాలీవుడ్ ఫిలిం మేకర్ అనురాగ్ కశ్యప్ గురించి కొత్తగా పరిచయం అక్కర్లేదు. బ్లాక్ ఫ్రైడే, గ్యాంగ్స్ అఫ్ వసేపూర్ లాంటి క్లాసిక్స్ పరిశ్రమకు అందించిన దర్శకుడిగా ఈయన ఫాలోయింగ్ పెద్దదే. రామ్ గోపాల్ వర్మ దగ్గర రచయితగా చేయడం దగ్గరి నుంచి తనకంటూ ఒక బ్రాండ్ సృష్టించుకోవడంలో ఇతను వేసిన ముద్ర ప్రత్యేకం.

ఇటీవలి కాలంలో నటుడిగా మారిపోయి తమిళ సినిమాల్లో ఎక్కువగా కనిపిస్తున్నారు. విజయ్ సేతుపతి మహారాజ, విడుదల పార్ట్ 2 లాంటివి బాగానే పేరు తీసుకొచ్చాయి. అయితే డైరెక్టర్ గా అనురాగ్ కశ్యప్ గత కొంత కాలంగా ఫామ్ లో లేరు. వరస ఫ్లాపులు గ్రాఫ్ ని కిందకు తీసుకొచ్చాయి.

ఆయన కొత్త సినిమా కెన్నడీ విడుదలకు సిద్ధంగా ఉంది కానీ రెండేళ్లుగా ల్యాబ్ నుంచి బయటికి రాలేక అష్టకష్టాలు పడుతోంది. 2023లో కేన్స్ ఫిలిం ఫెస్టివల్ లో విమర్శకుల ప్రశంసలు అందుకుంది. జియో మామి చిత్రోత్సవంలో రెండు వేల మంది ప్రీమియర్ చూసి లేచి నిలబడి చప్పట్లతో అభినందించారు.

కానీ కెన్నడీ ఇప్పటిదాకా థియేట్రికల్ గా బయటికి రాలేదు. తాజాగా హైదరాబాద్ లో వేసిన షోకు టాలీవుడ్ ప్రముఖులు విచ్చేయడం హాట్ టాపిక్ గా మారింది. సందీప్ రెడ్డి వంగా, సుకుమార్, విజయేంద్ర ప్రసాద్, సురేష్ బాబు, రానా దగ్గుబాటి తదితరులు హాజరయ్యారు. హడావిడి లేకుండా ప్రీమియర్ వేశారు.

షో అయ్యాక సుమారు రెండు గంటల పాటు వీళ్లంతా అనురాగ్ కశ్యప్ తో కెన్నడీ గురించి మాట్లాడ్డం విశేషం. నిర్మాతల అలసత్వం వల్ల రిలీజ్ ఆగిపోయిన కెన్నడీకి సురేష్ సంస్థ అండదండలు దొరకొచ్చని ఇన్ సైడ్ టాక్. అందులో భాగంగానే ఈ ప్రదర్శన ఏర్పాటు చేసినట్టు వినికిడి.

కంటెంట్ ఉన్న సినిమాలకు మోక్షం కలిగించేందుకు రానా ఎప్పుడూ ముందుంటాడు. మరి కెన్నడీకి నిజంగా మద్దతు ఇస్తాడా లేక కేవలం మార్కెటింగ్ కోసం షో వేశారా అనేది తెలియాల్సి ఉంది. రాహుల్ భట్, సన్నీ లియోన్ ప్రధాన పాత్రలు పోషించారు. నిద్రకు సంబంధించిన వ్యాధితో బాధపడే ఒక ఎక్స్ పోలీస్ ఆఫీసర్ కథే కెన్నడీ.

This post was last modified on February 12, 2025 3:31 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

2 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

3 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

4 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

4 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

5 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

5 hours ago