అంతర్జాతీయగా మోస్ట్ పాపులర్, సక్సెస్ ఫుల్ వెబ్ సిరీస్ల్లో.. ‘స్క్విడ్ గేమ్’ ఒకటి. ఈ కొరియన్ వెబ్ సిరీస్ మూడేళ్ల కిందట సంచలనం రేపింది. ఈ పేరు వింటే ఓటీటీ ప్రేక్షకుల్లో ఒక రకమైన అలజడి కలుగుతుంది. అంత ఉత్కంఠభరితంగా.. ఒళ్లు గగుర్పొడిచేలా.. ఉర్రూతలూగిస్తూ సాగింది ఆ సిరీస్. వెబ్ సిరీస్ల చరిత్రలోనే అత్యంత ఆదరణ పొంది.. ఓటీటీల్లో వ్యూస్ పరంగా అన్ని రికార్డులనూ బద్దలు కొట్టేసిన ఘనత ఈ సిరీస్ సొంతం.
అంతర్జాతీయ స్థాయిలో టాప్ క్వాలిటీ సినిమాలు, సిరీస్లకు పెట్టింది పేరైన కొరియా నుంచి వచ్చిన ‘స్క్విడ్ గేమ్’ సిరీస్లో ప్రతి ఎపిసోడ్ తీవ్ర ఉత్కంఠకు, ఉద్వేగానికి గురి చేసేదే. హ్వాంగ్ డాంగ్ హ్యూక్ రూపొందించిన ఈ సిరీస్ చిన్న పిల్లలను సైతం విపరీతంగా ఆకట్టుకుని.. దాని మీద ఎన్నో గేమ్స్ రావడానికి కూడా దోహదం చేసింది. ఈ సిరీస్ చూసిన ప్రతి ఒక్కరూ సీక్వెల్ కోసం ఎదురు చూస్తున్నారు. వారి నిరీక్షణకు ఇంకో రెండు రోజుల్లో తెరపడనుంది.
స్క్విడ్ గేమ్-2 ఈ నెల 26 నుంచి నెట్ ఫ్లిక్స్లో ప్రసారం కాబోతోంది. తొలి సీజన్ సూపర్ సక్సెస్ అయిన నేపథ్యంలో చాలా టైం తీసుకుని రెండో సీజన్ను తీర్చిదిద్దాడు హ్వాంగ్ డాంగ్ హ్యూక్. తొలి సీజన్ మాదిరే ఇది కూడా తీవ్ర ఉత్కంఠ రేపుతూ సాగుతుందని అంటున్నారు. ఇటీవలే రిలీజైన ట్రైలర్ కూడా ఆకట్టుకునేలా సాగింది. ‘స్క్విడ్ గేమ్’ కాన్సెప్ట్ చాలా షాకింగ్గా ఉంటుంది.
మల్టీ మిలియనీర్లయిన కొంతమంది.. జీవితంలో అనేక కష్టాలు ఎదుర్కొంటూ, అప్పుల పాలై డబ్బు కోసం వెంపర్లాడుతున్న వ్యక్తులను ఎంచుకుని ఒక దీవిలోకి తీసుకొచ్చి వాళ్లతో డేంజరస్ గేమ్స్ ఆడిస్తారు. ఈ క్రమంలో తప్పులు చేసిన వాళ్లు వరుసగా ప్రాణాలు కోల్పోతుంటారు. ఈ డేంజరస్ గేమ్స్ చూసి ఆ మల్టీ మిలియనీర్లు వినోదం పొందుతుంటారు. ఆ గేమ్స్ సాగే వైనం.. తీవ్ర ఉత్కంఠతో ఉంటుంది. ఒక ఎపిసోడ్ మొదలుపెడితే.. అన్నీ చూసేదాకా వదల్లేని థ్రిల్, టెన్షన్ ఉంటుంది ఈ సిరీస్లో.
“స్క్విడ్ గేమ్” దర్శకుడు మరియు రచయిత హ్వాంగ్ డాంగ్-హ్యుక్, AFPకి ఇచ్చిన ఒక ఇంటర్వ్యూలో,
సిరీస్ ప్రధాన పాత్ర సియోంగ్ గీ-హన్ పాత్రకు 2009లో జరిగిన కార్మిక సమ్మెలు ఎలా ప్రేరణగా మారాయో తెలిపాడు దర్శకుడు. ఆ కాలం చాలా కష్టసమయం, ఒక కంపెనీ ఆర్థిక సమస్యలతో సతమతమవుతూ, దాదాపు 2,600 మంది ఉద్యోగులను తొలగించింది. ఈ పరిస్థితి ఆ కుటుంబాలపై చాలా తీవ్ర ప్రభావం చూపించింది, ఈ సంఘటనలే ఆ పాత్ర రూపకల్పనకు ఆవశ్యకమైన భావోద్వేగాలను అందించాయని దర్శకుడు తెలిపాడు.
తొలి సీజన్ను ఎలాంటి అంచనాలు లేకుండా చూసి.. అందులో కాన్సెప్ట్కు థ్రిల్లయిపోయారు ప్రేక్షకులు. ఇప్పుడు కాన్సెప్ట్ ఏంటో తెలుసు కాబట్టి.. ఈసారి వారిని థ్రిల్ చేయడం సవాలే. ఈ నేపథ్యంలో ‘స్క్విడ్ గేమ్-2’ అంచనాలను ఎలా అందుకుంటుందో చూడాలి.
This post was last modified on December 24, 2024 7:51 pm
సౌత్ ఇండియన్ టాప్ మ్యూజిక్ డైరెక్టర్లలో ఒకడైన దేవిశ్రీ ప్రసాద్ వయసు ప్రస్తుతం 46 ఏళ్లు. కానీ ఇంతలోనే అతను 27 ఏళ్ల…
ఎట్టకేలకు ప్రశాంత్ కిషోర్ ఎన్నికల్లో గెలిచాడు. జులై 30 వ తేదీన బీహార్ ఉప ఎన్నికల్లో బంకీపూర్ నుంచి ఎన్నికల…
ఒకపెద్ద సినీ కుటుంబం నుంచి పరిచయం అయ్యే కొత్త హీరో మాస్ ఇమేజ్ కోసమే తపన పడతాడు. కానీ వరుణ్ తేజ్ మాత్రం…
భారత అత్యున్నత న్యాయస్థానం సుప్రీంకోర్టు ఓ సంచలన తీర్పును వెలువరించింది. మారుతున్నకాలానికి అనుగుణంగా మనిషి జీవనయానంలోనూ మార్పులు చోటుచేసుకుంటూ వస్తోంటే... ఆ…
అదేంటో స్పైడర్ మ్యాన్ జ్వరం మనోళ్లకు ఓ రేంజ్ లో పట్టేసింది. భాషతో సంబంధం లేకుండా ముంబై నుంచి మచిలీపట్నం…
వైసీపీ అధినేత జగన్ పలువురు కీలక రాజకీయ వ్యూహకర్తలతో భేటీ అయ్యారా? వచ్చే ఎన్నికలు.. దీనికి ముందు ఆయన చేయనున్న…