థియేటర్లు మూత పడ్డ లాక్ డౌన్ టైంలో ఓటీటీ ఫ్లాట్ ఫామ్స్ చెలరేగిపోయాయి. భారీగా సబ్స్క్రిప్షన్లు పెంచుకున్నాయి. కొత్త కంటెంట్ను కూడా పెద్ద ఎత్తున అందుబాటులోకి తెచ్చాయి. కొత్త సినిమాలను నేరుగా ఓటీటీల్లో రిలీజ్ చేసే సంప్రదాయం గత ఆరు నెలల్లో బాగా ఊపందుకుంది. థియేటర్లు మూత పడ్డ తొలి నాళ్లలో ఈ అవకాశాన్ని ఉపయోగించుకుని సబ్స్క్రిప్షన్లు పెంచుకునేందుకు అమేజాన్ ప్రైమ్ చాలా దూకుడుగా వ్యవహరించింది. నాలుగు నెలల కిందట వరుసబెట్టి అరడజనుకు పైగా సినిమాల డైరెక్ట్ రిలీజ్తో ఆశ్చర్యపరిచింది.
పొన్మగళ్ వందాల్, పెంగ్విన్, శకుంతలా దేవి, సుజాతయుం సూఫియుం, ఫ్రెంచ్ బిరియాని.. ఇలా వివిధ భాషలకు చెందిన సినిమాలను వారానికి ఒకటి చొప్పున రిలీజ్ చేసింది. దీంతో మిగతా ఓటీటీల్లోనూ వేడి పుట్టి అవి కూడా ఇలా పెద్ద ఎత్తున సినిమాలను కొనడం మొదలుపెట్టాయి. హాట్ స్టార్ సైతం దిల్ బేచారా, సడక్-2, బుజ్, లక్ష్మీబాంబ్ లాంటి పెద్ద సినిమాలను సొంతం చేసుకుని ఒకదాని తర్వాత ఒకటి రిలీజ్ చేస్తూ వస్తున్న సంగతి తెలిసిందే.
కాగా ఈ నెలలోనే థియేటర్లు పున:ప్రారంభం అవుతున్న నేపథ్యంలో ఓటీటీల జోరు కొంచెం తగ్గుతుందని అనుకున్నారు. కానీ దానికి భిన్నంగా జరుగుతోంది. థియేటర్లు తెరుచుకున్నా ఒకప్పటిలా నడవడానికి కొన్ని నెలలు పడుతుందని అర్థం చేసుకున్న ఓటీటీలు కొత్త సినిమాల కొనుగోళ్లు కొనసాగిస్తున్నాయి. అమేజాన్ ప్రైమ్ మరోసారి దండయాత్రను మొదలుపెట్టోబోతోంది. ఆ సంస్థ ఒకేసారి తొమ్మిది కొత్త సినిమాల ఓటీటీ రిలీజ్ గురించి ప్రకటన చేసింది.
ఇందులో సూర్య చిత్రం ‘ఆకాశమే హద్దురా’ కూడా ఒకటి. అది ఆల్రెడీ అక్టోబరు 30న విడుదల ఖరారు చేసుకుంది. ఇది కాక కొత్తగా 8 సినిమాలు అమేజాన్లో రిలీజ్ కాబోతున్నట్లు ప్రకటించారు. వాటిలో ఒక తెలుగు సినిమా కూడా ఉంది. విజయ్ దేవరకొండ తమ్ముడు ఆనంద్ దేవరకొండ హీరోగా తెరకెక్కిన ‘మిడిల్ క్లాస్ మెలోడీస్’ ప్రైమ్లోనే నవంబరు 20న రిలీజ్ కానుంది. ఇంకా కూలీ నంబర్ వన్, చలాంగ్, దుర్గావతి (హిందీ), మారా (తమిళం), భీమసేన నలమహారాజ, మన్నె నంబర్ 13 (కన్నడ), హలాల్ లవ్ స్టోరీ (మలయాళం) రాబోయే రెండు నెలల్లో ప్రేక్షకుల ముందుకు రానున్నాయి.
This post was last modified on October 9, 2020 2:59 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…