కోలీవుడ్ టాప్ స్టార్లలో ఒకడైన అజిత్ కుమార్.. ఈ సంక్రాంతికి ‘విడాముయర్చి’ సినిమాతో ప్రేక్షకుల ముందుకు రాబోతున్నాడు. మగిల్ తిరుమణి దర్శకత్వంలో లైకా ప్రొడక్షన్స్ నిర్మించిన చిత్రమిది. ఇటీవలే రిలీజైన టీజర్ యాక్షన్ ప్యాక్డ్గా సాగి అజిత్ అభిమానులను ఆకట్టుకుంది. ఐతే నిజానికి ఈ సినిమా స్థానంలో అజిత్ వేరే చిత్రం చేయాల్సింది. లైకా నిర్మాణంలో నయనతార భర్త విఘ్నేష్ శివన్ దర్శకుడిగా అజిత్ సినిమాను అనౌన్స్ చేశారు. కానీ తర్వాత ఏమైందో ఏమో.. ఈ సినిమా పక్కకు వెళ్లిపోయింది. మగిల్ కథ తెరపైకి వచ్చింది. అదే సినిమాగా తెరకెక్కింది.
అజిత్తో తన సినిమా ఏమైందనే విషయాన్ని ఇప్పుడు ఓ రౌండ్ టేబుల్ సమావేశంలో విఘ్నేష్ శివన్ వెల్లడించాడు.తన దర్శకత్వంలో వచ్చిన హిట్ మూవీ ‘నానుం రౌడీ దా’ అజిత్కు చాలా నచ్చిందని.. పెద్ద సినిమాలు చూడని అజిత్ ఆ చిత్రాన్ని మాత్రం రెండుసార్లు చూసినట్లు తనకు చెప్పాడని.. అందులో పార్తీబన్ పాత్ర ఆయనకు బాగా నచ్చి ఆ తరహలో డార్క్ క్యారెక్టర్ను లీడ్ రోల్గా చేసి ఎంటర్టైనర్ కథ చేసుకు రావాలని తనకు అజిత్ చెప్పాడని విఘ్నేష్ వెల్లడించాడు. తాను ఆయన చెప్పిన ప్రకారమే కథ రెడీ చేశానని.. ఫాహద్ ఫాజిల్ మూవీ ‘ఆవేశం’ తరహాలో ఆ స్క్రిప్టు తయారైందని.. యునీక్ స్టోరీ రెడీ చేశానని.. తర్వాత లైకా అధినేతలకు ఆ కథ చెప్పానని విఘ్నేష్ తెలిపాడు.
ఐతే ఆ స్క్రిప్టు విన్నపుడు కామెడీ చాలా ఎక్కువైందని అన్నారని.. అజిత్ సినిమా అంటే మాస్ ఎలిమెంట్స్, హీరో ఎలివేషన్స్ ఉండాలని వాళ్లు చెప్పారని.. ఒక సెట్ ఆఫ్ మైండ్తో వాళ్లు అజిత్ సినిమాను తీయాలనుకున్నారని.. తన కథలో కామెడీ ఎక్కువైందనే ఉద్దేశంతో ఆ సినిమాను ఆపేశారని విఘ్నేష్ తెలిపాడు. ఇక ఇదే లైకా సంస్థలో శివకార్తికేయన్ హీరోగా తాను ‘ఎల్ఐసీ’ పేరుతో ఓ సినిమా చేయాల్సిందని.. ఐతే భవిష్యత్ నేపథ్యంలో నడిచే ఆ కథకు బడ్జెట్ ఎక్కువు అవుతుందని.. అదే కథను ప్రస్తుత సమయంలోకి మార్చి సినిమా చేయమని తనకు చెప్పారని.. కానీ ‘బాహుబలి’ కథను వర్తమానంలో నడిపితే ఎలా సూట్ కాదో, తన కథను కూడా భవిష్యత్తులో కాకుండా ప్రస్తుత సమయంలో తీస్తే బాగుండదనే ఉద్దేశంతో నిర్మాతలకు గుడ్ బై చెప్పేశానని.. తన ప్రొడక్షన్లోనే ఈ సినిమా చేసే ప్రయత్నం చేస్తున్నానని విఘ్నేష్ వెల్లడించాడు.
టాలీవుడ్ నుంచి మరో మెగా మూవీకి సంబంధించి అనౌన్స్మెంట్ వచ్చింది. కొన్నేళ్ల నుంచి చర్చల్లో ఉన్న గాడ్ ఆఫ్ వార్…
జనసేన పార్టీని పుంజుకునేలా చేయాలన్నది పార్టీ అధిపతి, డిప్యూటీ సీఎం పవన్ కల్యాణ్ ఆలోచన. అందుకే ఆయన తరచుగా కమిటీలు…
పోలీసు స్టేషన్లకు వెళ్లి ఫిర్యాదు చేయాల్సిన అవసరం లేకుండా.. ఇక నుంచి వాయిస్ మెసేజ్ల ద్వారా కూడా ఫిర్యాదులు చేసే…
ఏపీలో వైసీపీ అదికారంలో ఉన్నప్పుడు రాష్ట్రంలోని పాత జిల్లాలతో పాటుగా వైసీపీ సర్కారే కొత్తగా ఏర్పాటు చేసిన కొత్త జిల్లాల్లోనూ…
పవన్ కళ్యాణ్ భుజాల లోపల కలిగిన గాయం ఊహించిన దానికంటే తీవ్రంగా ఉన్నట్లు వైద్యులు నిర్ధారించారు. ముంబైలోని కోకిలాబెన్ ధీరూభాయ్…
ఏపీ అసెంబ్లీ డిప్యూటీ స్పీకర్ రఘురామకృష్ణరాజును వేధింపులకు గురిచేసి.. కస్టడీలో టార్చర్ చేశారన్న ఆరోపణలు ఎదుర్కొంటున్న ఐపీఎస్ సునీల్ కుమార్…