ఎల్లుండి విడుదల కాబోతున్న ‘క’ ఫలితం గురించి కిరణ్ అబ్బవరం టీమ్ చాలా ఎగ్జైట్ మెంట్ తో ఎదురు చూస్తోంది. రిస్క్ అని తెలిసినా రేపు సాయంత్రమే ప్రీమియర్లకు సిద్ధపడటం కాన్ఫిడెన్స్ ని చూపిస్తోంది. క్లైమాక్స్ నచ్చకపోతే ఏకంగా సినిమాలే మానేస్తానని హీరో చెప్పడం ఈ మధ్య కాలంలో జరగలేదు. అందులోనూ సాఫ్ట్ గా బ్యాలన్స్ గా మాట్లాడే కిరణ్ ఒక్కసారిగా ఈ స్టేట్ మెంట్ ఇవ్వడంతో అంచనాలు పెరిగాయి. ఇక నెగ్గాల్సిన మూడు పరీక్షలేంటో చూద్దాం. మొదటిది బ్రేక్ ఈవెన్. సుమారు 12 కోట్లకు థియేట్రికల్ బిజినెస్ జరిగిందని ట్రేడ్ టాక్. ఇంత మొత్తం షేర్ రావాలంటే బ్లాక్ బస్టర్ టాక్ వస్తేనే సాధ్యమవుతుంది.
రెండో పరీక్ష నాన్ థియేట్రికల్ డీల్. ఇన్ సైడ్ టాక్ ప్రకారం ఓటిటి అమ్మకం ఇంకా జరగలేదు. నిర్మాతలు ఆశిస్తున్న మొత్తానికి ప్రైమ్ లాంటి పెద్ద కంపెనీలు చెబుతున్న అమౌంట్ కి వ్యత్యాసం ఉండటం వల్ల రిలీజయ్యాక మాట్లాడుకుందామని పెండింగ్ పెట్టారట. హిట్ అయితే ఎవరైనా తీసుకుంటారనే నమ్మకంతోనే ఇలా నిర్ణయించుకున్నారని వినికిడి. ఇక మూడో పరీక్ష పోటీ. లక్కీ భాస్కర్ ని సితార సంస్థ భారీ ఎత్తున రిలీజ్ చేస్తోంది. అమరన్ కు సురేష్ – ఏషియన్ అండదండలున్నాయి. బఘీరాకు ప్రశాంత్ నీల్ బ్రాండింగ్ వాడుతున్నారు. మల్టీప్లెక్సుల్లో సింగం అగైన్, భూల్ భూలయ్యా 3లు కవ్విస్తున్నాయి.
వీటిని తట్టుకుని ‘క’ కనక విజయం సాధిస్తే కిరణ్ అబ్బవరం మళ్ళీ ట్రాక్ లోకి వచ్చేస్తాడు. నేను మీకు బాగా కావలసినవాడిని, మీటర్, రూల్స్ రంజన్ పరాజయాలు మార్కెట్ ని బాగా ప్రభావితం చేశాయి. వినరో భాగ్యము విష్ణు కథ ఒక్కటే పర్వాలేదనిపించింది తప్ప మరీ సూపర్ డూపర్ హిట్ అనిపించుకోలేదు. అందుకే ‘క’ని కసి మీద చేశాడు. బ్రేక్ ఈవెన్ లక్ష్యం మరీ పెద్దది కాదు కాబట్టి పాజిటివ్ టాక్ వస్తే దాన్ని అందుకోవడం కష్టం కాదు. అందులోనూ సుదీర్ఘమైన వీకెండ్ బాగా కలిసి వస్తుంది. సుజీత్ – సందీప్ జంట దర్శకత్వం వహించిన ‘క’కు సామ్ సిఎస్ అందించిన బ్యాక్ గ్రౌండ్ స్కోర్, సెకండాఫ్ ట్విస్టులు హైలైటట.
This post was last modified on October 29, 2024 5:26 pm
ప్ర‌పంచంలోనే అత్యంత ధ‌నికుల జాబితాలో ఉండే ముకేష్‌ అంబానీ కుటుంబానికి ఇండియాలో అస‌లు పోటీయే లేదు. ఎప్ప‌టిక‌ప్పుడు వారి సంప‌ద…
పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే…
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
ప్ర‌ధాని మోడీ మెడ‌లు వంచుతామ‌ని.. ఆయ‌న‌ను గ‌ద్దె నుంచి దింపుతామ‌ని తెలంగాణ ముఖ్య‌మంత్రి రేవంత్ రెడ్డి వ్యాఖ్యానించారు. ఆదివారం ఢిల్లీలోని…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…
దేశంలోని ముఖ్యమంత్రుల పనితీరు మీద తరుచుగా సర్వేలు జరుగుతుండటం మనకు తెలిసిందే. ముఖ్యమంత్రుల పనితీరు, ప్రజాదరణను బట్టి వారికి ర్యాంకులు…