మీడియా రిపోర్టులతో నితిన్‍ని లాక్‍ చేసేసారు!

చంద్రశేఖర్‍ ఏలేటి దర్శకత్వంలో ‘చెక్‍’ సినిమా షూటింగ్‍ నితిన్‍ ఏనాడో మొదలు పెట్టాడు కానీ దానిపై ఎందుకో అంత ఆసక్తి చూపించలేదు. ‘భీష్మ’ తర్వాత ‘రంగ్‍ దే’పైనే నితిన్‍ ఫోకస్‍ పెట్టాడు. ఆ సినిమా షూటింగ్‍ పూర్తయిన తర్వాత ‘అంధాధూన్‍’ రీమేక్‍ పనులకు నితిన్‍ సమాయత్తమవుతున్నాడు. ఇంతలో మీడియా ఏలేటి సినిమాను గుర్తు చేసి నితిన్‍ ఆ సినిమాను అటకెక్కించేసినట్టున్నాడంటూ కథనాలు రాసింది. దాంతో ఆ సినిమా నిర్మాతలు నితిన్‍పై ఒత్తిడి తెచ్చారు.

తమ సినిమాను పక్కనపెట్టి వేరేది చేస్తే కనుక దీనిని మీడియా పూర్తిగా ‘రైట్‍ ఆఫ్‍’ చేసేస్తుందని, తర్వాత ఈ సినిమా న్యూస్‍లోకి వచ్చినా కానీ అవుట్‍ డేటెడ్‍ అనిపిస్తుందని మీడియా రిపోర్టులు చూపించి నితిన్‍ని కార్నర్‍ చేసారు. దీంతో సదరు సినిమా టైటిల్‍ సడన్‍గా అనౌన్స్ చేసారు.

చెక్‍ అనే టైటిల్‍ చాలా కాలంగా మీడియాలో నానుతున్నా కానీ దానినిప్పుడు ఖరారు చేసారు. ఈ చిత్రం షూటింగ్‍ దాదాపు పూర్తి కావచ్చిందని చెబుతున్నారు కానీ బ్యాలెన్స్ వర్క్ చాలానే వుందట. నితిన్‍ ఈ సినిమా పూర్తి చేసి కానీ అంధాదూన్‍ రీమేక్‍ మొదలు పెట్టే వీల్లేకుండా టైటిల్‍ అనౌన్స్మెంట్‍తో అతడిని లాక్‍ చేసి అలాగే ఈ సినిమా ఆగిపోయిందనే రూమర్లకు కూడా చెక్‍ పెట్టేసారు.