విడుదల ముంగిట వచ్చిన ట్రైలర్ మీద మిశ్రమ స్పందనతో ‘దేవర’ సినిమా మీద అనేక అనుమానాలు నెలకొన్నాయి. రిలీజ్ ముందు రోజు అర్ధరాత్రి వేసి స్పెషల్ షోల నుంచి కూడా పూర్తి పాజిటివ్ టాక్ రాలేదు. కొందరేమో ఏకంగా కొరటాల శివ ‘ఆచార్య-2’ తీశాడని అన్నారు. డివైడ్ టాక్ చూస్తే సినిమా బాక్సాఫీస్ దగ్గర ఏమాత్రం నిలబడుతుందో అన్న సందేహాలు కలిగాయి. కానీ ఆ సందేహాలను పటాపంచలు చేస్తూ ‘దేవర’ సినిమా బాక్సాఫీస్ దగ్గర బలంగానే నిలబడింది.
వీకెండ్లో భారీ వసూళ్లు సాధించింది. తర్వాత కొంచెం వెనుకబడ్డట్లు కనిపించినా.. మళ్లీ దసరా సెలవులు రాగానే పుంజుకుంది. సినిమాకు లాంగ్ రన్ రావడంతో బయ్యర్లందరూ సేఫ్ అయిపోయారు. కొన్ని చోట్ల లాభాలు వచ్చాయి. కొన్ని చోట్ల జస్ట్ బ్రేక్ ఈవెన్ అయింది. ఓవరాల్గా సినిమా సక్సెస్ ఫుల్ అనిపించుకుంది.
తాజాగా ‘దేవర’ అరుదైన క్లబ్బులోకి అడుగు పెట్టింది. ఆంధ్రప్రదేశ్ రాష్ట్రంలో వంద కోట్ల షేర్ రాబట్టిన మూడు చిత్రాల్లో ఒకటిగా మారింది. ఇప్పటిదాకా బాహుబలి-2, ఆర్ఆర్ఆర్ చిత్రాలు మాత్రమే ఈ ఘనత సాధించాయి. ప్రభాస్ సినిమాలు సలార్, కల్కి ఘనవిజయం సాధించినప్పటికీ ఏపీలో ఈ మార్కును అందుకోలేకపోయాయి. కానీ ‘దేవర’ మాత్రం ఈ రేర్ ఫీట్ను సాధ్యం చేసింది. ‘ఆర్ఆర్ఆర్’ను కూడా కలిపితే ఏపీలో రెండు వంద కోట్ల షేర్ సినిమాలు ఉన్న ఏకైక హీరో జూనియన్ ఎన్టీఆర్ నిలిచాడు. కొంచెం మిక్స్డ్ టాక్ తెచ్చుకున్న సినిమాతో ఈ ఫీట్ సాధించడం అంటే చిన్న విషయం కాదు.
‘దేవర’ తర్వాత సరైన సినిమాలు పడకపోవడంతో ఇప్పటికీ ఈ చిత్రం థియేట్రికల్ రన్ కొనసాగుతోంది. తక్కువ స్క్రీన్లలో ఒక మోస్తరు వసూళ్లతో సినిమా నడుస్తోంది. ఓవరాల్గా ‘దేవర’ గ్రాస్ వసూళ్లు రూ.500 కోట్ల మార్కును టచ్ చేసినట్లు చిత్ర బృందం ప్రకటించిన సంగతి తెలిసిందే.
This post was last modified on October 23, 2024 10:19 am
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…
ఐపీఎల్లో చెన్నై సూపర్ కింగ్స్కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…
మైక్రోసాఫ్ట్ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…
లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…
చిన్న వయసులో సక్సెస్ రావడం అంత ఈజీ కాదు. దాన్ని నిలబెట్టుకోవడమే పెద్ద ఛాలెంజ్. ఇది అందరి వల్లా కాదు.…
ఏపీ సీఎం చంద్రబాబు మంగళవారం ఢిల్లీలో పర్యటించారు. కేంద్ర ఆర్థిక మంత్రి నిర్మలాసీతారామన్తో ఆయన భేటీ అయ్యారు. సుమారు గంటన్నర…