ఎన్టీఆర్ కి తమన్.. ఏం చేస్తాడో?

ఎన్టీఆర్ కి తమన్.. ఏం చేస్తాడో?

ఈ సమ్మర్ లో పెద్ద సినిమాలు అన్నీ వరుస పెట్టి క్యూ కట్టి రిలీజ్ అయిపోయాయి. మహానటి తర్వాత ఆ స్థాయిలో ఆసక్తి కలిగించే మూవీ ఏదీ దగ్గరలో రిలీజ్ కి కూడా కనిపించడం లేదు. సెట్స్ పై ఉన్నవాటిలో వీలైనంత త్వరగా విడుదల అయ్యే భారీ చిత్రాల్లో మొదటగా ఎన్టీఆర్ మూవీ గురించే చెప్పుకోవాలి.
 
అరవింద సమేత వీర రాఘవ అంటూ టైటిల్ ను డిసైడ్ చేయడమే కాదు.. ఫస్ట్ లుక్ పోస్టర్లను కూడా ఇచ్చేశారు. ఈ సినిమా రెగ్యులర్ షూటింగ్ ప్రారంభమయ్యేందుకు ముందే.. అజ్ఞాతవాసి దెబ్బకు త్రివిక్రమ్ చాలానే మార్పులు చేసుకోవాల్సి వచ్చింది. వీటిలో సంగీత దర్శకుడు అనిరుధ్ ను రీప్లేస్ చేయడం ప్రముఖంగా చెప్పుకోవాలి. పవన్ కి ఫ్లాప్ ఇవ్వడంలో అనిరుధ్ కూడా తన వంతు పాత్ర పోషించాడు. ఈ దెబ్బతో కోలీవుడ్ సెన్సేషన్ ను మార్చాల్సిందే అని హీరో పట్టుపట్టాడని అన్నారు. ఆ వెంటనే వినిపించిన పేరు దేవిశ్రీ ప్రసాద్.

కానీ ఈ సినిమాను రిలీజ్ ను ప్లాన్ చేసిన ప్రకారం చూస్తే.. డీఎస్పీ డేట్స్ కేటాయించడం చాలా కష్టమైన విషయం. అందుకే ఇప్పుడు ఎస్ఎస్ థమన్ ను తీసుకున్నారు. మోషన్ పోస్టర్ లో థమన్ ఇచ్చిన మ్యూజిక్ బాగానే ఆకట్టుకుంది. అయితే.. థమన్ ఎంత క్రేజీ కంపోజర్ అయినా.. ఇంకా దేవిశ్రీ.. అనిరుధ్ మాదిరిగా రేంజ్ పెంచుకోలేకపోయాడు. వారిని కాదనుకుని.. థమన్ చేతికి అరవింత సమేత వచ్చి చేరింది. ఇప్పటికే మ్యూజిక్ సిట్టింగ్స్ కూడా నడుస్తుండగా.. ఈ డిఫరెంట్ మూవీకి థమన్ ఎలాంటి సంగీతం అందించనున్నాడో చూడాలి.

 

రాజకీయ వార్తలు

 

సినిమా వార్తలు