వాళ్లిద్దరికీ ప్రభుదేవా తో గొడవేంటి?

వాళ్లిద్దరికీ ప్రభుదేవా తో గొడవేంటి?

రెండేళ్ల కిందట నడిగర్ సంఘం ఎన్నికల్లో పెద్ద పెద్దోళ్లను ఢీకొట్టి విశాల్, కార్తి టీం ఘన విజయం సాధించి సంచలనం సృష్టించింది. పగ్గాలు చేపట్టాక వీళ్ల టీం సంఘం కోసం సొంత భవనం కట్టించడానికి నడుం బిగించింది. ఇందుకోసం ముందుగా క్రికెట్ మ్యాచ్ నిర్వహించింది.

తర్వాత తామిద్దరం పారితోషకం తీసుకోకుండా ఓ సినిమా చేసి.. దాని ద్వారా వచ్చిన ఆదాయాన్ని నడిగర్ సంఘం కోసం ఇస్తామని హామీ ఇచ్చారు. ఇందులో భాగంగా ప్రభుదేవా దర్శకత్వంలో ‘కరుప్పు రాజా వెల్లరాజా’ (నల్ల రాజా.. తెల్ల రాజా) అనే సినిమాకు శ్రీకారం చుట్టారు. ఈ సినిమా ఇంకొన్ని రోజుల్లోనే సెట్స్ మీదికి వెళ్లాల్సి ఉంది.

ఐతే ఇప్పుడు ఏమైందో ఏమో కానీ.. విశాల్, కార్తి ఈ సినిమా చేయట్లేదట. వేరే కమిట్మెంట్లతో బిజీ అయిపోయిన వీళ్లిద్దరూ ఈ సినిమా నుంచి తప్పుకున్నట్లు సమాచారం. మరి నడిగర్ సంఘానికి డబ్బులు తెచ్చి పెడతామన్న హామీ సంగతి ఏమైందో తెలియట్లేదు. ప్రభుదేవాతో పడకే విశాల్, కార్తి ఈ సినిమా నుంచి తప్పుకున్నట్లుగా వార్తలొస్తున్నాయి. ప్రభుదేవా ఇప్పుడు తన సినిమా కోసం వేరే హీరోల్ని ఎంచుకునే ప్రయత్నంలో ఉన్నాడట.

మరి నడిగర్ సంఘం కోసం విశాల్, కార్తి ఇంకో సినిమా ఏదైనా చేస్తారేమో చూడాలి. కార్తి ప్రస్తుతం ‘ధీరన్ ఒండ్రు అధికారి’ (తెలుుగలో ఖాకి) అనే సినిమా చేస్తుండగా.. విశాల్ ‘తుప్పారివాలన్’ అనే సినిమాలో నటిస్తున్నాడు.

 

రాజకీయ వార్తలు

 

సినిమా వార్తలు