చరణ్‌ రేంజ్‌లో పెంచేసిన రామ్‌!

చరణ్‌ రేంజ్‌లో పెంచేసిన రామ్‌!

'ధృవ' చిత్రం కోసం రామ్‌ చరణ్‌ ఏ స్థాయిలో కండలు పెంచాడనేది తెలిసిందే. ఫిజికల్‌ ట్రెయినర్‌ని పెట్టుకుని, ధృవలోని మొదటి పాట కోసం రామ్‌ చరణ్‌ అద్భుతమైన బాడీ డెవలప్‌ చేసాడు. ఇప్పుడు ఆ బాడీని తగ్గించి సుకుమార్‌ సినిమా కోసం సన్నబడే పనిలో వున్నాడనుకోండి.

అదలావుంటే, మరో యువ హీరో రామ్‌ కూడా ఇప్పుడు విపరీతంగా కండలు పెంచేస్తున్నాడు. తన తదుపరి చిత్రం ఏమిటనే దానిపై రామ్‌కి ఇంకా క్లారిటీ లేదు కానీ ఈ టైమ్‌లో ఖాళీగా వుండడం దేనికని బాడీ మీద శ్రద్ధ పెట్టాడు. ఇంతకాలం సన్నగా, పక్కింటి కుర్రాడిలా కనిపించిన రామ్‌ తన తదుపరి చిత్రంలో బాడీ బిల్డర్‌లా కనిపించబోతున్నాడన్న మాట. అలాగే గడ్డం, జుట్టు కూడా పెంచి రామ్‌ సరికొత్త లుక్‌తో కనిపిస్తున్నాడు.

 సడన్‌గా చూస్తే పోల్చుకోలేనంతగా రామ్‌ మేక్‌ ఓవర్‌ జరిగిపోయింది. మరి రామ్‌ పెంచిన ఈ బాడీకి న్యాయం చేసే సబ్జెక్ట్‌, క్యారెక్టర్‌ని ఏ డైరెక్టర్‌ తీసుకెళతాడో చూడాలి. సిక్స్‌ ప్యాక్‌ పెంచే పనిలో వున్నా తన బాడీ ఎలా ఉంటుందనేది వెండితెర మీదే చూపించాలని రామ్‌ డిసైడయ్యాడు. అందుకే తన బాడీ తాలూకు స్కెచ్‌లే తప్ప ఫోటోలు వదలడం లేదు.

 

రాజకీయ వార్తలు

 

సినిమా వార్తలు