గ్యారేజ్ పోస్ట‌ర్‌పై ఈరోస్ మ‌ర‌క‌

గ్యారేజ్ పోస్ట‌ర్‌పై ఈరోస్ మ‌ర‌క‌

మ‌ర‌క మంచికే అని తేలిగ్గా తీసేసేవాళ్లూ ఉంటారు. అలాగే సెంటిమెంట్ల‌ను ప‌ట్టించుకునేవాళ్లూ ఉంటారు. అలాంటోళ్ల‌కు ఇది కొంచెం ఆందోళ‌న పెంచే విష‌య‌మే. తెలుగులో ఈరోస్ వాళ్లకున్న రికార్డు గురించి కొత్త‌గా చెప్పాల్సిన ప‌ని లేదు. ‘1 నేనొక్క‌డినే’ ద‌గ్గ‌ర్నుంచి.. మొన్న‌టి ‘స‌ర్దార్ గ‌బ్బ‌ర్ సింగ్’ వ‌ర‌కు వాళ్లు చేయి పెట్టిన చాలా సినిమాలు సినిమాలు దారుణ‌మైన ఫ‌లితాన్ని చూశాయి. ఇప్పుడు ‘జ‌న‌తా గ్యారేజ్‌’ను కూడా ఆ సంస్థ ప్ర‌పంచ వ్యాప్తంగా రిలీజ్ చేస్తోంద‌ట‌. ఏరియాల వారీగా బిజినెస్ జ‌రిగింద‌ని అన్నారు కానీ.. ఇప్పుడేమో ఇలా సెన్సార్ అయ్యిందో లేదో.. అలా పోస్ట‌ర్ మీదికి ఈరోస్ వాళ్ల పేరొచ్చేసింది. పైగా వ‌ర‌ల్డ్ వైడ్ రిలీజ్ అంటున్నారు.

మ‌రోవైపు ‘జ‌న‌తా గ్యారేజ్’ సెన్సార్ కార్య‌క్ర‌మాలు శుక్ర‌వార‌మే పూర్త‌య్యాయి. అనుకున్న‌ట్లే క‌ట్స్ ఏమీ లేకుండా ఈ సినిమాకు యు-ఎ స‌ర్టిఫికెట్ ఇచ్చారు. సెప్టెంబ‌రు  1న ప్ర‌పంచ వ్యాప్తంగా 2 వేల‌కు పైగా థియేట‌ర్ల‌లో తెలుగు-మ‌ల‌యాళం-త‌మిళం భాష‌ల్లో భారీగా సినిమాను రిలీజ్ చేయ‌బోతున్నారు. ముందు రోజే అమెరికాలో ప్రిమియ‌ర్లు కూడా భారీగానే ప్లాన్ చేశారు. ఎన్టీఆర్-కొరటాల కాంబినేషన్లో వస్తున్న క్రేజీ మూవీ ‘జనతా గ్యారేజ్’కు పాజిటివ్ టాక్ వస్తే క‌లెక్ష‌న్ల రికార్డులు బ‌ద్ద‌ల‌వ‌డం ఖాయ‌మ‌ని అంచ‌నా వేస్తున్నారు. ఎన్టీఆర్ స‌ర‌స‌న స‌మంత‌, నిత్యామీన‌న్ న‌టించిన ఈ సినిమాను మైత్రీ మూవీ మేక‌ర్స్ నిర్మించింది.

 

రాజకీయ వార్తలు

 

సినిమా వార్తలు