ఆగస్టు 30వ తేదీ నుంచి జరగబోతున్న ఆసియా కప్ కోసం క్రికెట్ అభిమానులు ఆసక్తిగా ఎదురు చూస్తున్న సంగతి తెలిసిందే. చాలా ఏళ్ల తర్వాత 50 ఓవర్ల ఫార్మాట్ లో ఆసియా కప్ జరగబోతున్న నేపథ్యంలో ఈ టోర్నీ కోసం ఆసక్తిగా ఎదురుచూస్తున్నారు. రాబోయే వన్డే ప్రపంచ కప్ నుకు ముందు టీమిండియాకు ఈ టోర్నీ సెమీ ఫైనల్ వంటిది. అందుకే ఈ టోర్నీని బీసీసీఐ ప్రతిష్టాత్మకంగా తీసుకుంది. ఈ నేపథ్యంలోనే తాజాగా ఆసియా కప్ లో పాల్గొనబోయే భారత క్రికెట్ జట్టు సభ్యుల పేర్లను బీసీసీఐ ప్రకటించింది. 17 మందితో కూడిన జట్టులో తెలుగు తేజం, హైదరాబాదీ యంగ్ సెన్సేషన్ తిలక్ వర్మ చోటు దక్కించుకున్నాడు.
ఆగస్టు 30వ తేదీన పాకిస్థాన్ లోని ముల్తాన్ లో పాకిస్తాన్-నేపాల్ ల మధ్య మ్యాచ్ తో ఈ మెగా టోర్నీ ప్రారంభం కాబోతోంది. పాకిస్తాన్ తో పాటు శ్రీలంక ఆసియా కప్ కు సంయుక్తంగా ఆతిధ్యం ఇస్తున్న సంగతి తెలిసిందే. ఇక, పాక్ లో ఆడేందుకు భారత్ సుముఖత వ్యక్తం చేయకపోవడంతో ఇండో-పాక్ మ్యాచ్ ను సెప్టెంబర్ 2వ తేదీన శ్రీలంకలోని క్యాండీలో నిర్వహించనున్నారు. దాయాది జట్ల మధ్య జరగబోతున్న ఈ హై ఆక్టేన్ మ్యాచ్ కోసం ప్రపంచంలోని క్రికెట్ ప్రేమికులంతా తీవ్ర ఆసక్తితో ఎదురుచూస్తున్నారు. ఇక, సెప్టెంబర్ 4వ తేదీన క్యాండీ వేదికగా భారత్ తన రెండో, చివరి గ్రూప్ మ్యాచ్ ను నేపాల్ తో ఆడనుంది.
ఆగస్టు 30 నుండి సెప్టెంబర్ 17 వరకు ఆసియా కప్ జరగనుంది. నాలుగు మ్యాచ్ లు పాకిస్థాన్ లో, తొమ్మిది మ్యాచ్ లు శ్రీలంకలో జరగనున్నాయి. మొత్తం ఆరు దేశాలు ఈ టోర్నీలో పాల్గొనబోతున్నాయి. గ్రూప్ ఏ లో భారత్, పాకిస్తాన్, నేపాల్ ఉండగా… గ్రూప్ బి లో బంగ్లాదేశ్, ఆఫ్గనిస్తాన్, శ్రీలంక ఉన్నాయి. సెప్టెంబర్ 17న కొలంబోలో ఆసియా కప్ ఫైనల్ జరగనుంది. గ్రూప్ దశలో గెలిచి టాప్ 4 లో నిలిచిన నాలుగు జట్లు సూపర్ ఫోర్ దశలో తలపడనున్నాయి. సూపర్ 4 దశలో టాప్ 2 లో నిలిచిన జట్ల మధ్య ఫైనల్ జరగనుంది.
ఆసియా కప్ లో పాల్గొనే టీమిండియా జట్టు:
రోహిత్ శర్మ (కెప్టెన్), శుభ్ మన్ గిల్, విరాట్ కోహ్లీ, శ్రేయస్ అయ్యర్, సూర్యకుమార్ యాదవ్, తిలక్ వర్మ, కేఎల్ రాహుల్, ఇషాన్ కిషన్, హార్ధిక్ పాండ్యా (వైస్ కెప్టెన్), రవీంద్ర జడేజా, శార్దూల్ ఠాకూర్, అక్సర్ పటేల్, కుల్దీప్ యాదవ్, జస్ప్రీత్ బుమ్రా, మొహమ్మద్ షమీ, మొహమ్మద్ సిరాజ్, ప్రసిద్ధ్ కృష్ణ. ట్రావెలింగ్ స్టాండ్ బై ప్లేయర్ (రిజర్వ్ వికెట్ కీపర్)గా సంజు శాంసన్ ను ఎంపిక చేశారు.
This post was last modified on August 21, 2023 4:21 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…