విమానాలు భయపెడుతున్నాయి. గత వారం ఫ్లై దుబాయ్ విమానాన్ని కూల్చివేసేందుకు కో పైలట్ ప్రయత్నం చేయడం ప్రపంచ వ్యాప్తంగా వార్తయ్యింది. ఆ ఘటన మరిచిపోక ముందే మరో విమానం అచ్చం ఫ్లై దుబాయ్ విమానం తరహాలో ఆకాశంలో నుంచి ఒక్కసారిగా వేల మీటర్లు కిందకు దిగిపోవడంతో ప్రయాణికుల వెన్నులో వణుకు పుట్టింది. మళ్ళీ ఏమైనా దుశ్చర్య జరగబోతుందాని గుండెల్లో రైళ్లు పరిగెత్తాయి.
లండన్ నుంచి చికాగో బయలుదేరిన బ్రిటిష్ ఎయిర్ వేస్ బీఏ 295 బోయింగ్ 777-200 ఈఆర్ విమానం ఉదయం 11.50 గంటల సమయంలో బయలుదేరింది. ఐర్లాండ్ మీదుగా 37 వేల అడుగుల ఎత్తులో ప్రయాణిస్తుండగా ఒక్కసారిగా 28 వేల అడుగుల మేర కిందకు పడిపోయింది. కొద్ది నిమిషాల్లోనే దాదాపు 9 వేల అడుగుల ఎత్తుకు చేరుకుంది. దీంతో పైలట్లు అంతర్జాతీయ అత్యవసర సంకేతాలు విడుదల చేయడంతో ప్రయాణికులు ఒక్కసారిగా ఉలిక్కిపడ్డారు. అత్యవసర పరిస్థితికి కారణం తెలియక భయాందోళనకు గురయ్యారు.
ఈ పరిస్థితి ఊహించని పైలట్లు సైతం ఆందోళనకు గురయినట్లు సమాచారం. వెంటనే అంతర్జాతీయ విమానయాన అత్యవసర సంకేతమైన 7700 కోడ్ను ఎయిర్ ట్రాఫిక్ కంట్రోల్కు పంపారు. ఈ వార్త నిముషాల్లోనే మీడియాకు చేరింది. వెంటనే ప్రపంచ వ్యాప్తంగా వివిధ ఛానెల్లు, సోషల్ మీడియా వేదికల ద్వారా ప్రసారం అయ్యింది. ఇందులోని ప్రయాణికులు లండన్ హీ త్రూ విమానాశ్రయం నుంచి బయలుదేరి అమెరికాలోని చికాగో ఓహేర్ అంతర్జాతీయ విమానాశ్రయానికి ప్రయాణం చేస్తున్నారు. దీంతో ఈ రెండు దేశాల ప్రభుత్వాలు అప్రమత్తం అయ్యాయి.
కొద్ది సేపటి తర్వాత విమానాన్ని వెనక్కి తిప్పి తిరిగి లండన్ విమానాశ్రాయానికి చేర్చడంతో ప్రయాణికులు, వారి కుటుంబ సభ్యులు ఊపిరి పీల్చుకున్నారు. అంటే విమానం చికాగోకు వెళ్లకుండానే రిటర్న్ వచ్చేసింది. అయితే వారికి ప్రత్యామ్నాయ ఏర్పాటు చేసినట్లు విమానయాన అధికారులు తెలిపారు. ఈ సమస్యకు కారణం ఏమిటి, ఆ సమయంలో విమానంలో ఎంతమంది ప్రయాణికులు వున్నారు అన్న విషయాలను అధికారులు ప్రకటించలేదు. వరస ప్రమాదాలతో అమెరికా, ఇజ్రాయిల్, సౌదీ అరేబియా వెళ్లే విమాన ప్రయాణికులు భయపడి పోతున్నారు.
This post was last modified on October 6, 2026 8:24 am
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…
ఐపీఎల్లో చెన్నై సూపర్ కింగ్స్కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…
మైక్రోసాఫ్ట్ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…
లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…