ఇది భారత క్రికెట్ ప్రియులకే కాదు.. భారతీయులందరికీ పెద్ద షాక్. భారత క్రికెట్ చరిత్రలోనే అత్యంత గొప్ప కెప్టెన్లలో ఒకడిగా పేరు తెచ్చుకున్న కోల్కతా రాకుమారుడు సౌరభ్ గంగూలీకి గుండె పోటు వచ్చింది. అతను ప్రస్తుతం కోల్కతాలోని వుడ్ల్యాండ్స్ ఆసుపత్రిలో చికిత్స పొందుతున్నాడు. ప్రస్తుతానికి గంగూలీ ఆరోగ్యం నిలకడగానే ఉందని.. అతను కోలుకుంటున్నాడని అంటున్నారు. శనివారం సాయంత్రం గంగూలీకి యాంజియోప్లాస్టీ చేయాల్సి ఉందట. ‘‘గంగూలీకి గుండె సమస్య తలెత్తింది. యాంజియోప్లాస్టీ తర్వాత అతను కొన్ని గంటల్లోనే ఆసుపత్రి నుంచి బయటికి వచ్చే అవకాశముంది’’ అని ప్రముఖ పాత్రికేయుడు బోరియా మజుందార్ పేర్కొన్నాడు. ముందుగా చాతీలో నొప్పి రావడంతో గంగూలీ ఆసుపత్రికి వెళ్లాడట. ఐతే అది గుండెపోటు అని వైద్యులు నిర్ధరించారట.
ఎంతో ఆరోగ్యంగా, హుషారుగా కనిపించే గంగూలీకి గుండె పోటు అంటే అభిమానులకు నమ్మశక్యంగా ఉండదు. క్రికెట్ కెరీర్ ముగిశాక కూడా గంగూలీ ఏమీ ఖాళీగా లేడు. కొన్నేళ్లకే బెంగాల్ క్రికెట్ సంఘం అధ్యక్షుడయ్యాడు. గత ఏడాది అనూహ్యంగా అన్నీ కలిసొచ్చి బీసీసీఐ పీఠాన్నే అధిరోహించాడు. నిబంధనల ప్రకారం పది నెలలకే పదవి నుంచి దిగిపోవాల్సి ఉన్నప్పటికీ.. మధ్యలో సవరించిన బీసీసీఐ రాజ్యాంగాన్ని మళ్లీ మార్చి తాను అధ్యక్షుడిగా కొనసాగేలా చూడాలని గంగూలీ సుప్రీం కోర్టులో పిటిషన్ వేశాడు. అది విచారణలో ఉండటంతో గంగూలీ పదవిలో కొనసాగుతున్నాడు. గంగూలీ బీసీసీఐ అధ్యక్షుడయ్యాక మళ్లీ బోర్డు ప్రపంచ స్థాయిలో బలం పుంజుకుంది. ఈ ఏడాది కరోనా వల్ల రద్దవుతుందనుకున్న ఐపీఎల్ యూఏఈలో విజయవంతంగా నిర్వహించడంలో గంగూలీది కీలక పాత్ర. ఆటగాడిగా ఉన్నపుడే కాక.. తర్వాత కూడా భారత క్రికెట్లో ఇంత కీలకంగా వ్యవహరిస్తున్న వ్యక్తికి గుండె పోటు అనేసరికి అభిమానుల్లో ఆందోళన నెలకొంది.
This post was last modified on January 2, 2021 8:24 pm
తాజాగా ఏపీలో కూటమిగా ఎన్నికలకు వెళ్తున్న టీడీపీ-బీజేపీ-జనసేన పార్టీలు మేనిఫెస్టో విడుదల చేశాయి. మొత్తంగా ఆది నుంచి చంద్రబాబు చెబుతున్న…
ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి ఇటీవలే వైసీపీ ఎన్నికల మేనిఫెస్టోను ప్రకటించారు. పాత పథకాలకే కొన్ని మెరుగులు దిద్దడం…
దర్శకుడు శంకర్ రెండో సినిమాగా ప్రేమికుడు మీద మూవీ లవర్స్ కు ప్రత్యేకమైన అభిమానం ఉంది. కొరియోగ్రాఫర్ గా ఉన్న…
యువత, సోలో, శ్రీరస్తు శుభమస్తు, గీత గోవిందం చిత్రాలతో ఒకప్పుడు టాలీవుడ్ ప్రామిసింగ్ యంగ్ డైరెక్టర్లలో ఒకడిగా కనిపించాడు పరశురామ్.…
ఆంధ్రప్రదేశ్లో జగన్ సర్కారు అధికారంలోకి వచ్చాక అతి పెద్ద వైఫల్యాల్లో ఒకటిగా మారిన అంశం నిరుద్యోగం. ఏటా జనవరి 1న…
లోకనాయకుడు కమల్ హాసన్ ‘విక్రమ్’ మూవీతో గ్రాండ్ రీఎంట్రీ ఇచ్చారు. ఇక దీని కంటే ముందు మొదలై మధ్యలో ఆగి..…