క్రికెట్ ప్రపంచంలో ఐపీఎల్ కి ఉన్న క్రేజే వేరు. ఇక్కడ ఒకవైపు అనుభవజ్ఞులైన దిగ్గజాలు ఉంటే, మరోవైపు ఇప్పుడిప్పుడే కెరీర్ మొదలుపెడుతున్న కుర్రాళ్లు ఉంటారు. ఈ 2026 సీజన్లో మరో ఆసక్తికరమైన విషయం ఏమిటంటే, టోర్నీలో ఆడుతున్న పెద్ద వయస్కుడికి, చిన్న వయస్కుడికి మధ్య ఏకంగా 29 ఏళ్ల తేడా ఉంది. మార్చి 28 నుంచి మొదలయ్యే ఈ పోరులో 15 ఏళ్ల వైభవ్ సూర్యవంశీ నుండి 44 ఏళ్ల ధోనీ వరకు అందరూ తమ అదృష్టాన్ని పరీక్షించుకోబోతున్నారు.
ఈ సీజన్లో అందరి కళ్లు వైభవ్ సూర్యవంశీపైనే ఉన్నాయి. కేవలం 15 ఏళ్ల వయసులోనే (2011, మార్చి 27) రాజస్థాన్ రాయల్స్ తరపున బరిలోకి దిగుతున్న ఇతను, గత ఏడాది అద్భుతమైన సెంచరీతో అందరినీ ఆశ్చర్యపరిచాడు. ఇటీవలే అండర్ 19 వరల్డ్ కప్ నెగ్గిన ఉత్సాహంలో ఉన్న వైభవ్, ఈసారి తన రెండో ఐపీఎల్ సీజన్లో ఏ రేంజ్లో చెలరేగుతాడో చూడాలి. అలాగే సీఎస్కే ప్లేయర్ ఆయుష్ మాత్రే (18), ఆర్సీబీ స్పిన్నర్ సాత్విక్ దేశ్వాల్ (18) వంటి కుర్రాళ్లు కూడా ఈసారి తమ ముద్ర వేయాలని చూస్తున్నారు.
సీనియర్ల విషయానికి వస్తే, 44 ఏళ్ల వయసులోనూ ఎంఎస్ ధోనీ ఫిట్నెస్ చూస్తుంటే ముచ్చటేస్తోంది. 2008 నుండి ఇప్పటివరకు అన్ని సీజన్లు ఆడిన అతికొద్ది మందిలో ధోనీ ఒకరు. గత సీజన్లో రుతురాజ్ గైక్వాడ్ గాయపడటంతో కెప్టెన్సీ బాధ్యతలు కూడా మోయాల్సి వచ్చింది. బహుశా ఇదే ధోనీకి ఆఖరి సీజన్ కావొచ్చనే ప్రచారం జరుగుతుండటంతో, అభిమానులు అతన్ని మైదానంలో చూసేందుకు ఆత్రుతగా ఉన్నారు. ధోనీతో పాటు రోహిత్ శర్మ (38), విరాట్ కోహ్లీ (37) వంటి సీనియర్లు కూడా తమ అనుభవంతో జట్లను నడిపించబోతున్నారు.
ముఖ్యంగా విరాట్ కోహ్లీకి ఈ సీజన్ చాలా ప్రత్యేకం. 18 ఏళ్ల సుదీర్ఘ నిరీక్షణ తర్వాత 2025లో ఆర్సీబీకి తొలి ఐపీఎల్ టైటిల్ అందించి, ఇప్పుడు డిఫెండింగ్ ఛాంపియన్గా బరిలోకి దిగుతున్నాడు. ఐపీఎల్ చరిత్రలోనే 8,500 పరుగులతో టాప్ స్కోరర్గా ఉన్న కోహ్లీ, తన అగ్రెసివ్ బ్యాటింగ్తో మరోసారి పరుగుల వరద పారించాలని కసితో ఉన్నాడు.
అటు కేకేఆర్ కెప్టెన్ అజింక్యా రహానే (37), గుజరాత్ టైటాన్స్ పేసర్ ఇషాంత్ శర్మ (37) కూడా తమ సత్తా చాటేందుకు సిద్ధమయ్యారు. నిజానికి ఐపీఎల్ అంటేనే టాలెంట్ కి దొరికే ఒక పెద్ద ప్లాట్ఫామ్. ఇక్కడ వయసుతో సంబంధం లేదు, కేవలం పెర్ఫార్మెన్స్ మాత్రమే మాట్లాడుతుంది. ఒకవైపు సునీల్ నరైన్ (37) లాంటి మిస్టరీ స్పిన్నర్లు 200 వికెట్ల రికార్డుకు చేరువలో ఉంటే, మరోవైపు యువ బ్యాటర్లు వారి బౌలింగ్ను ఎలా ఎదుర్కొంటారో చూడాలి.
This post was last modified on March 24, 2026 7:21 pm
తెలుగులో అసలే పేరే లేకుండా రిలీజైన సినిమా ఒకటుంది. జేడీ చక్రవర్తి నటించిన ఆ చిత్రానికి రిలీజ్ తర్వాత ‘పాపే…
ఈత రాదు.. చేతులకు గ్లౌజులు లేవు.. కాళ్లకు బూట్లు కూడా లేవు. అయినా నదిలోకి దిగాడు. ప్లాస్టిక్, చెత్తతో కలుషితమైన…
ఈ రోజుల్లో ఏదైనా పెద్ద సినిమా మొదట ప్రకటించిన డేటుకు రిలీజైతే ఆశ్చర్యపోయే పరిస్థితి ఉంటోంది. ఎంత ప్రణాళికాబద్ధంగా షూటింగ్…
బహుముఖ ప్రజ్ఞాశాలి అడివి శేష్ నుంచి ఒక సినిమా వస్తోందంటే.. ప్రేక్షకుల్లో దానిపై మంచి అంచనాలుంటాయి. ఈ వేసవిలో ‘డెకాయిట్’…
ఆంధ్రప్రదేశ్, తెలంగాణా రాష్ట్రాల్లో రాజకీయాలు రసవత్తరంగా మారుతున్నాయి. తెలంగాణా అధికార కాంగ్రెస్లో పరిస్థితి నూటెనిమిది డిగ్రీల సెల్సియస్ దాటింది. కొండా సురేఖ…
మంచి సినిమా తీశాం అన్న ధీమా కావచ్చు. లేదంటే సినిమాను ఎలాగోలా జనాల్లోకి తీసుకెళ్లాలి అనే డెస్పరేషన్ కావచ్చు. ఈ…