కటక్లో జరిగిన టీ20 మ్యాచ్లో టీమిండియా 101 పరుగుల భారీ విజయం సాధించినా, సోషల్ మీడియాలో మాత్రం కెప్టెన్ సూర్యకుమార్ యాదవ్, వైస్ కెప్టెన్ శుభ్మన్ గిల్లపై విమర్శల వర్షం కురుస్తోంది. హార్దిక్ పాండ్యా (59 రన్స్) ఒంటిచేత్తో మ్యాచ్ గెలిపిస్తే, టాప్ ఆర్డర్ ఫెయిల్యూర్స్ను ఫ్యాన్స్ ఎత్తిచూపుతున్నారు. ముఖ్యంగా వీరిద్దరి పాత స్కోర్లను బయటకు తీసి మరీ నిలదీస్తున్నారు.
కొత్త కెప్టెన్ సూర్యకుమార్ యాదవ్ ఈ మ్యాచ్లో 12 పరుగులకే (11 బంతులు) ఔటయ్యాడు. అసలు సూర్య ఫామ్ చూస్తే ఎవరికైనా భయమేస్తుందని ఫ్యాన్స్ అంటున్నారు. గత 23 ఇన్నింగ్స్లలో సూర్య స్కోర్లు చూస్తే.. 20, 1, 39, 1, 12, 5, 0, 47, 7*, 2, 0, 14, 12, 0, 1, 4, 21, 75, 8, 29, 8, 26, 58*. ఒక మ్యాచ్లో 75 కొడితే, వరుసగా ఐదారు మ్యాచ్లలో సింగిల్ డిజిట్కే పరిమితం అవుతున్నాడు. “ఒకరోజు చెలరేగి ఆడితే, మరుసటి మ్యాచ్ లలో డకౌట్ అవుతాడు. ఇదొక క్లాసిక్ ఎంటర్టైన్మెంట్ ప్యాకేజీ” అంటూ నెటిజన్లు సెటైర్లు వేస్తున్నారు.
గిల్ vs జైస్వాల్:
ఇక వైస్ కెప్టెన్ గిల్ పరిస్థితి కూడా అంతంత మాత్రంగానే ఉంది. ఈ మ్యాచ్లో 4 పరుగులకే వెనుదిరిగాడు. గత 15 ఇన్నింగ్స్లలో గిల్ స్కోర్లు: 58, 13, 34, 39, 20, 10, 5, 47, 29, 4, 12, 37, 5, 15, 46. ఇందులో ఒక్కటి కూడా భారీ ఇన్నింగ్స్ లేదు, కనీసం నిలకడ లేదు. టీ20ల్లో మొదటి బంతి నుంచే అటాక్ చేసే యశస్వి జైస్వాల్ను పక్కనపెట్టి, గిల్ను ఆడించడం పెద్ద తప్పు అని ఫ్యాన్స్ మండిపడుతున్నారు. ఓపెనింగ్ విషయంలో మనం వెనక్కి వెళ్తున్నామని విశ్లేషిస్తున్నారు.
గంభీర్ ఫేవరిజం?
సూర్యను కెప్టెన్గా, గిల్ను వైస్ కెప్టెన్గా ఎంపిక చేయడం వెనుక గంభీర్, అగార్కర్ల “ఫేవరిజం” ఉందని టాక్ నడుస్తోంది. శ్రేయస్ అయ్యర్, సంజు శాంసన్, జైస్వాల్లను కాదని గిల్కు పదవి ఇవ్వడం, హార్దిక్ పాండ్యాను కాదని సూర్యకు పగ్గాలు ఇవ్వడంపై ఫ్యాన్స్ ఆగ్రహంగా ఉన్నారు. మొత్తానికి హార్దిక్ పాండ్యా, బౌలర్ల పుణ్యమా అని టీమిండియా గెలిచింది కానీ, కెప్టెన్, వైస్ కెప్టెన్ తమ బ్యాట్తో సమాధానం చెప్పకపోతే ఈ ట్రోల్స్ ఆగేలా లేవు.
This post was last modified on December 10, 2025 2:26 pm
టాలీవుడ్ బాక్సాఫీస్ కు ఏప్రిల్ అంటే చాలా స్పెషల్. ఎందుకంటే చరిత్రలో చెప్పుకోదగిన ఎన్నో బ్లాక్ బస్టర్లు ఈ నెలలోనే…
కొన్ని కథలు ముగిసిపోవడాన్ని ప్రేక్షకులు అంతగా ఇష్టపడరు. వాటికి కొనసాగింపు ఉంటేనే బాగుంటుందని ఆశిస్తారు. వాటి మేకర్స్ కూడా ఆ…
దేవర పార్ట్ 2 ఉంటుందో లేదోననే అనుమానాలు ఇంకా కొనసాగుతుండగానే దర్శకుడు కొరటాల శివ బాలకృష్ణతో ఒక ప్రాజెక్టు లాక్…
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
ఏపీ సీఎం చంద్రబాబుపై ప్రతిపక్ష(ప్రధాన కాదు) నాయకుడు, వైసీపీ అధినేత జగన్ ఆగ్రహం వ్యక్తం చేశారు. చంద్రబాబు రాష్ట్రంలో అన్యాయంగా…