సైబర్ నేరగాళ్ల ఆగడాలు రోజురోజుకు పెరిగిపోతున్నాయి. కానీ ఢిల్లీకి చెందిన ఒక వ్యక్తి మాత్రం తన తెలివితేటలతో ఒక స్కామర్ని బురిడీ కొట్టించి, అతన్ని ఏడ్పించాడు. దీనికి అతను వాడింది లేటెస్ట్ టెక్నాలజీ ChatGPT. తనకు ఫేస్బుక్లో పరిచయమైన ఒక కాలేజీ సీనియర్ పేరుతో ఒక స్కామర్ వల వేశాడు. తానొక ఐఏఎస్ ఆఫీసర్ అని, తన ఫ్రెండ్ సీఆర్పీఎఫ్ ఆఫీసర్ ట్రాన్స్ఫర్ అవుతున్నాడని, అందుకే ఫర్నిచర్ చౌకగా అమ్ముతున్నాడని నమ్మబలికాడు.
అయితే, ఆ మెసేజ్ చూడగానే ఢిల్లీ కుర్రాడికి డౌట్ వచ్చింది. వెంటనే తన సీనియర్కి వాట్సాప్లో మెసేజ్ చేసి కనుక్కోగా, అది ఫేక్ అని తేలింది. కానీ ఇతను అక్కడితో ఆగలేదు. స్కామర్కి బుద్ధి చెప్పాలనుకున్నాడు. ఫర్నిచర్ ఫోటోలు పంపి, వెంటనే డబ్బు పంపమని స్కామర్ ఒత్తిడి చేస్తుండటంతో, ఇతను ఒక మాస్టర్ ప్లాన్ వేశాడు. “చాట్జీపీటీ” సాయంతో ఒక ఫేక్ పేమెంట్ పోర్టల్ కోడ్ రాశాడు.
ఆ వెబ్సైట్ చూడటానికి అచ్చం పేమెంట్ గేట్వే లాగే ఉంటుంది కానీ, అసలు పని వేరే. ఎవరైనా ఆ లింక్ ఓపెన్ చేస్తే చాలు, వారి లొకేషన్, ఐపీ అడ్రస్, అంతెందుకు వాళ్ల ఫ్రంట్ కెమెరా నుంచి ఫోటో కూడా తీసుకునేలా సెటప్ చేశాడు. “డబ్బులు పంపడానికి ఈ లింక్లో క్యూఆర్ కోడ్ అప్లోడ్ చెయ్” అని స్కామర్కి పంపాడు. డబ్బు ఆశతో ఆ స్కామర్ లింక్ క్లిక్ చేయగానే.. అతని ఫోటో, లొకేషన్ మొత్తం ఈ కుర్రాడి చేతికి వచ్చేశాయి.
అంతే.. సీన్ రివర్స్ అయ్యింది. ఆ స్కామర్ ఫోటోను, అతని అడ్రస్ను తిరిగి అతనికే పంపి “నిన్ను పట్టేసుకున్నా” అని చెప్పాడు. దీంతో స్కామర్ గుండె ఆగినంత పనైంది. వెంటనే వేరు వేరు నంబర్ల నుంచి కాల్ చేసి, “ప్లీజ్ వదిలేయండి సార్.. ఇకపై ఇలాంటి పనులు చేయను, మానేస్తాను” అంటూ బతిమిలాడటం మొదలుపెట్టాడు. దొంగను పట్టుకుని, వాడినే భయపెట్టి ఆడుకోవడంలో కిక్కే వేరప్పా అని ఆ కుర్రాడు రెడిట్ లో తన అనుభవాన్ని పంచుకున్నాడు.
స్కామర్లు ఎంత తెలివైన వాళ్లయినా, టెక్నాలజీ తెలిసిన వాళ్ల దగ్గర పప్పులు ఉడకవని ఈ ఘటన నిరూపించింది. స్కామర్ని పోలీసులకు పట్టించకపోయినా, అతనికి జీవితంలో మర్చిపోలేని షాక్ ఇచ్చి వదిలేశాడు. “దొంగ దగ్గరే దొంగతనం చేస్తే ఆ మజానే వేరు” అని నెటిజన్లు కామెంట్స్ చేస్తున్నారు.
This post was last modified on December 4, 2025 3:12 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…