ప్ర‌పంచంలోనే అతిపెద్ద జెండా ఆవిష్క‌రించ‌నున్న ప‌వ‌న్

ప్ర‌పంచంలోనే అతిపెద్ద జెండా ఆవిష్క‌రించ‌నున్న ప‌వ‌న్

హైద‌రాబాదులో రేపు మొద‌టి స్వాతంత్ర్య సంగ్రామ దినోత్స‌వం జ‌రుగుతోంది. ముఖ్య అతిథి జ‌న సేన అధినేత అట‌. 1857 మే 10వ తేదీన మొద‌టి స్వాతంత్ర్య సంగ్రామం మొద‌లుకాగా 18 నెల‌లు కొన‌సాగి 1858 న‌వంబ‌రులో ముగిసింది. ఆ మ‌హా సంగ్రామాన్ని పుర‌స్క‌రించుకుని మాజీ రాష్ట్రప‌తి, సైంటిస్ట్ అబ్దుల్ క‌లాం భావ‌జాలంతో స్థాపించిన వైబ్రంట్స్ సంస్థ రేపు ఒక కార్య‌క్ర‌మాన్ని ఏర్పాటుచేసింది. ఈ సంస్థ *క‌లామిజం*ను ప్ర‌చారం చేస్తోంది.

ప్ర‌పంచంలోనే అతిపెద్ద భార‌తీయ జాతీయ జెండాను ఆవిష్క‌రించ‌నున్నారు. 22326 చ‌ద‌ర‌పు అడుగులు ఉన్న ఈ జెండాను ప‌వ‌న్‌క‌ళ్యాణ్ ఆవిష్క‌రిస్తార‌ట‌. ఈ కార్య‌క్ర‌మానికి రేపు ఉద‌యం ప‌ది గంట‌ల‌కు ప‌వ‌న్ క‌ళ్యాణ్ హాజ‌రుకానున్న‌ట్లు ఆ పార్టీ ట్విట్ట‌రు ద్వారా ప్ర‌క‌టించింది. ఈ జెండా 122 అడుగుల వెడ‌ల్పు, 183 అడుగుల పొడ‌వు త‌యారుచేశార‌ట‌. ఈ కార్య‌క్ర‌మాం హైద‌రాబాదులోని ఎన్టీఆర్ స్టేడియంలో జ‌రుగుతోంది.


 

రాజకీయ వార్తలు

 

సినిమా వార్తలు