సీఎం చంద్ర‌బాబు ప‌దే ప‌దే తాము ప్ర‌జా సేవ‌కులమ‌ని చెబుతుంటారు. త‌మ‌కు అధికారం ఇచ్చినా.. ఆ అధికారాన్ని ప్ర‌జ‌ల సేవ కోసం వినియోగిస్తామ‌ని ఆయ‌న అంటూ ఉంటారు. అలానే ఆయ‌న కూడా వ్య‌వహ‌రిస్తున్నారు. విజ‌య‌వాడ వ‌ర‌ద ప్ర‌భావిత ప్రాంతాల్లో మోకాల్లోతు నీటిలోకి దిగి.. చంద్ర‌బాబు బాధితులను ప‌రామ‌ర్శించారు. దీంతో త‌మ‌కు వచ్చిన గంభీర‌మైన ఆవేద‌న‌ను కూడా బాధితులు దిగ‌మింగుకుని క‌నిపించారు. ఇక, మంత్రులు మొత్తంగా చంద్ర‌బాబు పిలుపుతో సేవ‌ల‌కు రంగంలోకి దిగారు.
అయితే.. ఉన్న‌ది ఉన్న‌ట్టు చెప్పాలంటే.. ముగ్గురు మంత్రులు మాత్ర‌మే సేవ‌కులుగా క‌నిపిస్తే.. మిగిలిన వారు కాలికి నీళ్లు త‌గ‌ల‌కుండా ప‌నిచేశారు. ఇప్పుడు ఈ జాబితానే చంద్ర‌బాబు రెడీ చేసుకున్నారు. స‌రే.. ఈ స్టోరీ ఎలా ఉన్న‌ప్ప‌టికీ.. ఆ ముగ్గురు మంత్రుల గురించి.. చంద్ర‌బాబు ప్ర‌స్తావిస్తూ.. పొగ‌డ్త‌ల వ‌ర్షం కురిపించారు. వారిలో ముందు వ‌రుస‌లోఉన్న‌ది నిమ్మ‌ల రామానాయుడు. రెండో మంత్రి గొట్టిపాటి ర‌వి, మూడో మంత్రి అన‌గాని స‌త్య‌ప్ర‌సాద్. వీరంతా కూడా.. అధికారం చ‌లాయించ‌కుండా.. వ‌ర‌దల స‌మ‌యంలో నిజ‌మైన ప్ర‌జాసేవ‌కులుగా ప‌నిచేయ‌డం గ‌మ‌నార్హం.
నిమ్మ‌ల: బుడ‌మేరు వ‌ర‌ద ప్ర‌భావిత ప్రాంతాల్లో ఆయ‌న తొలి రోజు ప‌ర్య‌టించారు. దీనికి కార‌ణం తెలుసుకున్నారు. ఆ వెంట‌నే బుడ‌మేర‌కు ప‌డిన భారీగండిని పూడ్చే ప‌నిని సీఎం ఆదేశాల‌తో యుద్ధ‌ప్రాతిప‌దిక‌న చేప‌ట్టారు. ఆర్మీని, జలవనరుల శాఖ అధికారుల‌ను కూడా స‌మ‌న్వ‌యం చేసుకుంటూ.. రేయింబ‌వ‌ళ్లు అక్క‌డే ఉండి.. గండిని పూడ్చారు. ఫ‌లితంగా.. నాలుగు రోజుల పాటు తిప్ప‌లు పెట్టిన వ‌ర‌ద‌ల‌కు బ్రేకు ప‌డింది. ఈయ‌న‌కు అప్ప‌ట్లోనే మంచి ఎలివేష‌న్ వ‌చ్చింది.
గొట్టిపాటి, అన‌గాని: ఇద్ద‌రూ కూడా తెనాలి ప్రాంతంలో కృష్ణాన‌ది వ‌ర‌ద కార‌ణంగా కుడి క‌ర‌క‌ట్ట‌కు ప్ర‌మాదం పొంచి ఉంద‌ని తెలిసి..యుద్ధ‌ప్రాతిప‌దిక‌న రంగంలోకి దిగారు. కరకట్టను ప‌టిష్ఠ ప‌రిచేందుకు రేయింబ‌వ‌ళ్లు క‌ష్ట‌ప‌డ్డారు. మంత్రులు ఇద్ద‌రూ అక్క‌డే తిష్ఠ‌వేసి మరీ కరకట్టను బ‌లోపేతం చేశారు. మొత్తం 35 కిలో మీట‌ర్ల మేర‌కు కరకట్టను బ‌లోపేతం చేశారు. దీనికిగాను సొంతంగానే సైన్యాన్ని రంగంలోకి దింపారు. 8 జేసీబీలు, 100కు పైగా ట్రాక్ట‌ర్ల‌ను వినియోగించారు. వీరి ప్ర‌య‌త్నం స‌ఫ‌లం అయింది. అలా కాక‌పోయి ఉంటే.. ప‌దుల సంఖ్య‌లో ప్ర‌జ‌లు నీట మునిగిపోయి ఉండేవారు. వీరిని కృషిని గుర్తించిన చంద్ర‌బాబు తాజాగా ప్ర‌శంస‌ల‌తో ముంచెత్తారు.
This post was last modified on September 20, 2024 3:45 pm
తెలంగాణలో కాళేశ్వరం ప్రాజెక్టు అక్రమాలపై జరుగుతున్న విచారణలో రాష్ట్ర జలవనరుల అభివృద్ధి సంస్థ మాజీ చైర్మన్ వి.ప్రకాశ్ కీలక సమాచారాన్ని…
బతుకుదెరువు కోసం ఎక్కడెక్కడికో వెళ్లిన వారు తమ ఇళ్లకు వెళుతున్నారు. ఇంటికొచ్చిన వారు బతుకుదెరువు కోసం కార్యస్థానాలకు బయలుదేరారు. అందరికీ…
బాలీవుడ్లో ఒకప్పుడు నిలకడగా సూపర్ హిట్ సినిమాలు అందిస్తూ వైభవం చూసిన నటుడు అక్షయ్ కుమార్. ఖాన్ త్రయం భారీ…
ఏపీలోని కూటమి సర్కారు బుధవారం కీలక నిర్ణయం తీసుకుంది. తిరుపతిలో జరిగిన తొక్కిసలాటపై న్యాయ విచారణకు ప్రభుత్వం ఆదేశాలు జారీ…
దేశంలో ఇంకా అరాచకాలు జరుగుతూనే ఉన్నాయి. నానాటికీ అభివృద్ధి చెందుతున్న టెక్నాలజీతో పోటీ పడి మరీ పరుగులు పెడుతుంటే… దేశ…
రామ్ గోపాల్ వర్మలో ఎప్పుడూ లేని పశ్చాత్తాప భావన చూస్తున్నాం ఇప్పుడు. ఒకప్పుడు రంగీలా, సత్య లాంటి క్లాసిక్స్ తీసిన…