Political News

జ‌వ‌హ‌ర్‌, ఏలూరి, గ‌న్ని.. విష‌యంలో బాబు రాంగ్ స్టెప్‌?

ఒక త‌ప్పు నుంచి పాఠం నేర్చుకుని.. స‌రిదిద్దుకునే ప్ర‌య‌త్నం ఎవ‌రైనా ఏ పార్టీలో అయినా..చేస్తారు. కానీ, టీడీపీలో మాత్రం ఆ దిశ‌గా పాఠాలు నేర్చుకుంటున్న ప‌రిస్థితి క‌నిపించ‌డం లేదని ప‌రిశీలకులు చెబుతున్నారు. వ్య‌వ‌స్థీకృతంగా తీవ్ర ఇబ్బందుల్లో ఉన్న పార్టీని గ‌ట్టెక్కించేందుకు పార్టీ అధినేత‌గా చంద్ర‌బాబు తాజాగా చేసిన ప్ర‌యోగం.. పార్ల‌మెంట‌రీ జిల్లా క‌మిటీల‌నుఏర్పాటు చేయ‌డం, వాటికి ఇంచార్జ్‌ల‌ను నియ‌మించ‌డం. మంచిదే. ఇప్ప‌టికైనా ఓ కీల‌క ఘ‌ట్టానికి చంద్ర‌బాబు శ్రీకారం చుట్టారు. ఇక‌, ఇప్పుడు పార్టీ ప‌రుగులు పెడుతుందా? లేదా? అనేది కాలం నిర్ణ‌యిస్తుంది.

కానీ, తాజా నిర్ణ‌యంలోనూ ప‌లు లోపాలు.. పొర‌పాట్లు చోటు చేసుకున్నాయ‌ని అంటున్నారు ప‌రిశీల‌కులు. అయితే, ఇది తెలియ‌క జ‌రిగితే.. స‌రే.. మున్ముందు స‌రిదిద్దుకునే అవ‌కాశం ఉంటుంది. కానీ, ఇప్ప‌టికే తెలిసిన పొర‌పాట్ల‌ను మ‌రింత‌గా చేస్తే.. ఇప్పుడు ఇదే టీడీపీలో చ‌ర్చ‌నీయాంశంగా మారింది. పార్టీ పార్ల‌మెంట‌రీ జిల్లా చీఫ్‌ల ఎంపిక విష‌యంలో మాజీ మంత్రి కేఎస్ జ‌వ‌హ‌ర్‌కు అవ‌కాశం ఇచ్చారు. అదేవిధంగా ప‌రుచూరు ఎమ్మెల్యే ఏలూరి సాంబ‌శివ‌రావుకు ఛాన్స్ ఇచ్చారు. ఇక‌, పశ్చిమ గోదావ‌రి జిల్లా ఉంగుటూరు మాజీ ఎమ్మెల్యే గ‌న్ని వీరాంజ‌నేయులుకు కూడా అవ‌కాశం ఇచ్చారు.

కానీ, వీరిపై ఆయా జిల్లాల్లోని త‌మ్ముళ్ల‌లో తీవ్ర అసంతృప్తి ఉంద‌నే విష‌యం చంద్ర‌బాబుకు తెలుసు. ఏలూరి విష‌యంలో ఒకింత ఫ‌ర్వాలేద‌ని అనుకున్నా.. జ‌వ‌హ‌ర్‌కు రాజ‌మండ్రి పార్ల‌మెంటు జిల్లా ఇంచార్జ్ ప‌ద‌వి ఇవ్వ‌డాన్ని అక్క‌డి నాయ‌కులు తీవ్రంగా వ్య‌తిరేకిస్తున్నారు. 2014లో కొవ్వూరు అసెంబ్లీ నుంచి గెలిచిన ఈయ‌న‌.. త‌ర్వాత‌.. పార్టీ నేత‌ల ఛీత్కారాన్ని ఎదుర్కొన్నారు. ఈ క్ర‌మంలోనే గ‌త ఎన్నిక‌ల్లో తిరువూరుకు బ‌దిలీ అయ్యారు. ఇప్ప‌టికీ.. ఈయ‌నపై కొవ్వూరు స‌హా రాజ‌మండ్రి నేత‌ల్లో సానుకూలత లేదు.

ఇక‌, గ‌న్ని వీరాంజనేయులు షార్ప్ షూట‌ర్‌. పార్టీలో అనేక స‌మ‌స్య‌లు ప‌రిష్క‌రించే విష‌యంలో ఆయ‌న దూకుడుగా ఉన్న‌మాట నిజ‌మే. అయితే, ఇప్పుడు ఆ ప‌రిస్థితి లేదు. పైగా ఆయ‌న ఉంగుటూరు ఇంచార్జ్‌గా కూడా ఉన్నారు. ఇలా.. ఒక‌టికి రెండు ప‌ద‌వులు ద‌క్కించుకున్న‌వారికి, కొన్ని చోట్ల అసంతృప్తి సెగ‌లు ఉన్న వారికి చంద్ర‌బాబు అవ‌కాశం ఇవ్వ‌డం ఏంట‌నే ప్ర‌శ్న‌లు వ‌స్తున్నాయి. ఇంకా చాలా మంది నాయ‌కులు ఎదురు చూస్తున్నార‌ని, వీరికి ఎలాంటి గుర్తింపు లేకుండా పోయింద‌ని అంటున్నారు. మ‌రి ఇది మున్ముందు పార్టీకి ఇబ్బందిగా మార‌కుండా చూసుకోవాల్సిన అవ‌స‌రం ఎంతైనా ఉంద‌నేది వాస్త‌వం.

This post was last modified on September 29, 2020 3:13 pm

Share

Recent Posts

`క‌రువు`లో ఉన్నాం.. 30 వేల కోట్లివ్వండి

తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేప‌థ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…

9 minutes ago

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

1 hour ago

వైసీపీ ట్రాప్‌.. చిక్కుకుపోయిన టీడీపీ..?

రాష్ట్ర వ్యాప్తంగా కాదుకానీ.. ప్ర‌స్తుతం జ‌రుగుతున్న గ్రామ పంచాయ‌తీ ఎన్నిక‌ల విష‌యంలో వైసీపీ స్థానిక నేత‌లు ప‌న్నిన వ్యూహానికి టీడీపీ…

4 hours ago

అస‌దుద్దీన్ నేతృత్వంలో కొత్త `కూట‌మి`

దేశంలో ప్ర‌స్తుతం జాతీయ స్థాయిలో రెండు కూట‌ములు కొన‌సాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూట‌ములు ఉన్నాయి.…

6 hours ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

8 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

9 hours ago