ఏలూరు పార్లమెంటు నియోజకవర్గంలో కీలక నేతగా చక్రం తిప్పుతున్న మాజీ ఎంపీ.. సుదీర్ఘ రాజకీయ అనుభవం, విస్తృత పరిచయాలు ఉన్న మాగంటి కుటుంబంలో రాజకీయాలు అనూహ్యంగా మారిపోయా యి. ఆయన సైకిల్ దిగుతున్నారనే ప్రచారం ఇటీవల కాలంలో ఊపందుకున్నా.. అలాంటివన్నీ.. బూటకమని, వెబ్ మీడియాకు పనీపాటా లేకుండా రాతలు రాస్తోందని ఈసడించుకున్న టీడీపీలోని ఓ వర్గం.. తాజాగా వెలువడుతున్న సంకేతాలతో షాక్కు గురవుతోంది. అజాత శతృవుగా పేరు తెచ్చుకున్న మాగంటి బాబు.. టీడీపీకి పెద్ద ఎస్సర్టే అనడంలో సందేహం లేదు.
ఆయన రాజకీయంగా దూకుడు చూపించడంలోను, కార్యకర్తలనుకలుపుకొని పోవడంలోనూ తనదైన శైలిని ప్రదర్శించారు. ఎన్నికల సమయంలోనూ ఆర్థికంగా పార్టీకి అండగా నిలిచేవారు. అయితే, ఆయన గత కొన్నాళ్లుగా తీవ్ర అసంతృప్తితో ఉన్నారు. తనకు చెందిన వ్యాపారానికి అనుమతులు ఇచ్చే విషయం సహా.. తన కుమారుడి రాజకీయ భవితవ్యంపైనా ఆయన దిగులు పెట్టుకున్నారు. చంద్రబాబు అధికారంలో ఉండగా.. తాను ఎంపీగా ఉన్న సమయంలోనే తన వ్యాపార విస్తరణకు అనుమతి ఇవ్వాలని ఒత్తిడి చేసినా.. రేపు చూద్దాం.. మాపు చూద్దాం.. అంటూ దాటవేశారు. తీరా ఎన్నికలు అయ్యాక… వైసీపీ అధికారంలోకి వచ్చింది.
పోనీ. వ్యాపారాలను పక్కన పెడితే..కుమారుడు రాంజీ విషయాన్నయినా పట్టించుకుని హామీ ఇవ్వాలని ఆయన బాబు ను కోరారు. ఈ విషయంలోనూ బాబు మౌనంగానే ఉన్నారు. మరో పక్క, మాగంటి ఆరోగ్యం కూడా ఇబ్బందిగా ఉంది. ఈ పరిణామాల నేపథ్యంలో ఆయన అసంతృప్తిని గమనించిన వైసీపీ నాయకుడు, మాజీ మంత్రి, ప్రస్తుతం రాజ్యసభ సభ్యుడిగా ఉన్న మాగంటి మిత్రుడు.. ఒకరు మా పార్టీలోకి వచ్చెయ్.. అంతా సీఎం చూసుకుంటారు. అని హామీ ఇచ్చారని, దీంతో మాగంటి ఫ్యామిలీ పార్టీ మారేందుకు రెడీ అయిందని అంటున్నారు. దీనికి పార్టీ కూడా ఓకే చెప్పిందని తెలిసింది. ఇక.. వీటిని బలపరుస్తున్నాయా? అన్నట్టుగా.. కొన్ని సంకేతాలు వెలుగు చూశాయి.
రెండు రోజుల కిందటి వరకు మాగంటి ఇంటిపై ఎగిరిన… టీడీపీ జెండా మాయమైంది. అదేవిధంగా ఏలూరులోని ఆయన నివాసానికి అర కిలోమీటరు పరిధిలో ఏర్పాటు చేసిన ఫెక్సీలు కూడా తీసేశారు. ఇదిలావుంటే, ఆయన కుమారుడు నిత్యం ఏలూరులోని మంత్రి ఆళ్లనాని నివాసానికి చక్కర్లు కొడుతున్నారని తెలుస్తోంది. ఈ సంకేతాలను గమనిస్తే… మాగంటి పార్టీ మార్పు ఖాయమేనని… ఇది పుకారు కాదని పరిశీలకులు చెబుతున్నారు. చిత్రం ఏంటంటే.. ఇంత జరుగుతున్నా.. చంద్రబాబు మౌనం పాటించడం. ఇప్పటి వరకు వెళ్లిపోయిన నాయకుల విషయంలోనూ ఇలానే చేతులుకాలే వరకు బాబు ఎదురు చూశారని.. ఇప్పుడు కూడా ఇంతేనని అంటున్నారు.
This post was last modified on September 26, 2020 1:16 pm
ప్యాన్ ఇండియా సినిమాల వాయిదా పర్వం కొనసాగుతూనే ఉంది. జూన్ 13 విడుదలను లాక్ చేసుకుని ఆ మేరకు తమిళనాడు…
సీనియర్ జర్నలిస్ట్ రవిప్రకాష్ గురించి తెలుగు నాట తెలియనివారెవరు.? మీడియాకి సంబంధించి ‘సీఈవో’ అన్న పదానికి పెర్ఫెక్ట్ నిర్వచనంగా రవిప్రకాష్…
బుల్లితెర యాంకర్, బిగ్ బాస్ రియాల్టీ షో ఫేం శ్యామల, వైఎస్సార్ కాంగ్రెస్ పార్టీ తరఫున ఆంధ్ర ప్రదేశ్లో ఎన్నికల…
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…