రాబోయే నవంబర్ 3వ తేదీన జరగబోయే అమెరికా అధ్యక్ష ఎన్నికల్లో భారతీయుల ఓట్లే కీలకమవబోతున్నాయా ? క్షేత్రస్ధాయిలో జరుగుతున్న వ్యవహారాలు చూస్తుంటే అందరిలోను ఇదే అనుమానాలు పెరిగిపోతున్నాయి. తాజాగా భారతీయ అమెరికన్లపై డెమొక్రటిక్ అభ్యర్ధి గా అధ్యక్షునిగా పోటి చేస్తున్న జో బిడెన్ మాటలు వింటే భారతీయుల ఓట్లకు గాలం వేస్తున్నట్లే అనిపిస్తోంది. జో బిడెన్ మాట్లాడుతూ అమెరికా ఆర్ధికాభివృద్ధికి భారతీయ అమెరికన్ల కృషి ఎంతో ఉందని చెప్పారు. అధ్యక్ష ఎన్నికల్లో బిడెన్ రిపబ్లికన్ పార్టీ తరపున పోటి చేస్తున్న డొనాల్డ్ ట్రంప్ ను ఎదుర్కొంటున్నాడు.
అమెరికా అధ్యక్ష ఎన్నికల్లో పోటి ఇపుడు తారాస్ధాయికి చేరుకున్నది. ఒకదశలో పోటి నుండి విరమించుకునేందుకు బిడెన్ ప్రయత్నించాడు. అలాగే తన ప్రత్యర్ధి బిడెన్ కే గెలుపు అవకాశాలున్నాయని స్వయంగా ఆమధ్య ట్రంప్ చేసిన వ్యాఖ్యలు సంచలనం రేకెత్తించాయి. అంటే ప్రత్యర్ధులిద్దరిలో కూడా తమ గెలుపుపై పూర్తిస్ధాయి నమ్మకం లేదన్న విషయం తేలిపోయింది. అయితే కరోనా వైరస్ నేపధ్యంలో మొదలైన, జరిగిన రాజకీయ పరిణామాలతో బిడెన్ ఒక్కసారిగా పుంజుకున్నట్లు సర్వేలు చెప్పాయి. ఇదే సమయంలో ట్రంప్ కు కూడా అమెరికన్ల నుండి మద్దతు అనూహ్యంగా పెరిగింది. దాంతో మళ్ళీ ఇద్దరు పోటిలో పుంజుకున్నారు.
ఈ నేపధ్యంలోనే బిడెన్ భారతీయ అమెరికన్ల ఓట్లపై కన్నేసినట్లు అర్ధమవుతోంది. మరి ఎన్నికల్లో గెలుపుకోసం అందుబాటులో ఉన్న మార్గాలను ఎంచుకోవటంలో తప్పులేదు కదా. ఇందులో భాగంగానే బిడెన్ మెల్లిగా అమెరికాలో ఉన్న భారతీయులను దువ్వుతున్నారు. భారతీయ అమెరికన్లు నిర్వహించిన ఫండ్ రైజింగ్ కార్యక్రమంలో బిడెన్ మాట్లాడుతు ప్రపంచవ్యప్తంగా వ్యాపారాలు నిర్వహిస్తున్న పారిశ్రామికవేత్తలు, సిలికాన్ వ్యాలీ ఆవిష్కర్తలు, ప్రపంచంలోని ప్రభావవంతమైన సంస్ధలను నడుపుతున్న వారిలో భారతీయులు కూడా ఉన్నట్లు చెప్పారు.
భారతీయులు పాటించే సాంస్క్రతిక, సామాజిక, కుటుంబ విలువలను బిడెన్ ఆకాశానికి ఎత్తేశారు. భారతీయులంటే తనకు అపారమైన గౌరవం ఉందని చెప్పటం గమనార్హం. సరే ఎవరెన్ని మాట్లాడిని అంతిమంగా ఎన్నికల్లో విజయం సాధించటమే ప్రధాన టార్గెట్ అన్న విషయం అందరికీ తెలిసిందే. ప్రస్తుతం ట్రంప్ పాలనలో అరాచకాలను తాను సరిచేస్తానని బిడెన్ హామీ ఇచ్చారు.
సరే ఎన్నికల్లో అంతిమ విజయం ఎవరిదనే విషయాన్ని పక్కనపెట్టేస్తే అధ్యక్షునిగా ఎవరున్నా వాళ్ళకు రెండోసారి కూడా అవకాశం ఇవ్వటం అమెరికాలో సంప్రదాయంగా వస్తోంది. కాబట్టి అదే సంప్రదాయాన్ని అనుసరించి తనకు రెండోసారి అవకాశం వస్తుందని ట్రంప్ ఆశతో ఉన్నారు. మొత్తానికి అమోరికా అధ్యక్షుడిగా ఎవరు గెలుస్తారనే విషయంలో సస్పెన్సు మాత్రం పెరిగిపోతోంది.
దర్శకులందు అనిల్ రావిపూడి వేరయాని ఊరికే అనలేదు. షూటింగ్ మొదలుపెట్టడానికి ముందే తనదైన ప్రమోషన్లతో సోషల్ మీడియాలో హాట్ టాపిక్…
దేశంలో ఇటీవలే లోక్ సభ, అసెంబ్లీ సీట్ల సంఖ్య పెంపునకు సంబందించి ఓ రేంజిలో రచ్చ జరిగిన సంగతి తెలిసిందే.…
రెడ్ బుక్ మూసేయలేదని.. అది ఇంకా తెరిచే ఉందని మంత్రి నారా లోకేష్ సంచలన వ్యాఖ్యలు చేశారు. రెడ్ బుక్లో…
ఈ ఏడాది ‘దురంధర్-2’ సినిమాతో బాలీవుడ్ బాక్సాఫీస్ బాగానే కళకళలాడినప్పటికీ.. ఓవరాల్ సక్సెస్ రేట్ ఏమీ అంత గొప్పగా లేదు.…
తమరిది అన్నదమ్ముల అనుబంధం అని ఉప ముఖ్యమంత్రి పవన్ కళ్యాణ్ ను ఉద్దేశించి మంత్రి నారా లోకేష్ పలుమార్లు వ్యాఖ్యానించారు.…
రాష్ట్రంలో బౌలర్స్(ప్రత్యర్థులు) మారినా బ్యాట్స్మెన్ మాత్రం చంద్రబాబు నాయుడేనని మంత్రి నారా లోకేష్ వ్యాఖ్యానించారు. తిరుపతిలో జరిగిన ప్రభుత్వ వియోజత్సవ…