Political News

జ‌గ్గారెడ్డికి ప‌నిలేన‌ట్టుందే.. చిరంజీవిని లాగేశాడు!

కాంగ్రెస్ సీనియ‌ర్ నేత‌, మాజీ ఎమ్మెల్యే జ‌గ్గారెడ్డికి ప‌నిలేదా? ఏంటి? ఇదీ.. ఇప్పుడు పార్టీ నాయ‌కుల మాట‌. దీనికి కార‌ణం.. ప్ర‌స్తుతం రాజ‌కీయాల‌కు దూరంగా ఉన్న మెగాస్టార్ చిరంజీవిని ఆయ‌న రాజ‌కీయాల్లోకి లాగేశారు. ఆయ‌న‌పై విమ‌ర్శ‌లు కూడా గుప్పించారు. ఆశ్చ‌ర్యం కాదు. నిజ‌మే. నిజానికి ఇప్పుడున్న ప‌రిస్థితుల్లో రాజ‌కీయాల‌కు తాను దూరంగా ఉన్నాన‌ని చిరు చాలా రోజుల కింద‌టే చెప్పారు. త‌న‌ను రాజ‌కీయాల్లోకి పిల‌వ‌ద్ద‌ని కూడా చెప్పారు. త‌న సొంత త‌మ్ముడు ప‌వ‌న్ క‌ల్యాణ్ కోసం కూడా ఆయ‌న రోడ్డెక్క‌లేదు. ఎన్నిక‌ల్లో ప్ర‌చారం చేయ‌లేదు. కేవ‌లం సెల్ఫీ వీడియోతో స‌రిపుచ్చారు.

అంటే.. దీనిని బ‌ట్టి.. చిరు రాజ‌కీయాల‌కు దూరంగా ఉన్న‌ట్టేక‌దా! అయిన‌ప్ప‌టికీ.. జ‌గ్గారెడ్డి ప‌నిగ‌ట్టుకుని.. సంద‌ర్భ‌మే లేకుండా చిరును రాజ‌కీయంగా ఇరుకున పెట్టేలా కామెంట్లుకుమ్మ‌రించారు. దీంతో అంద‌రూ ఆశ్చ‌ర్య పోయారు. ఇంత‌కీ విష‌యం ఏంటంటే.. చిరంజీవి రైతుల‌కు మ‌ద్ద‌తివ్వ‌డం లేద‌ని.. ఢిల్లీలో రైతులు ఉద్య‌మాలు చేస్తుంటే.. క‌నీసం వారిని ప‌ట్టించుకోవ‌డం లేద‌ని జ‌గ్గారెడ్డి వ్యాఖ్యానించారు.

“రైతులకు జరుగుతున్న నష్టాలు, వారి క‌ష్టాల‌పై చిరంజీవి ఎన్నో సినిమాల్లో న‌టించారు. మ‌రి ఆయ‌న ఇప్పుడు ఎందుకు మౌనంగా ఉంటున్నాడు. ఢిల్లీలో రైతులు త‌మ స‌మ‌స్య‌లపై ధర్నాలు చేస్తుంటే.. చిరంజీవి ఎందుకు మ‌ద్ద‌తివ్వ‌డం లేదు. ఎందుకు ప్ర‌శ్నించ‌డం లేదు. సినిమాలతో కోట్లు సంపాదిస్తున్న చిరంజీవి.. రైతు సమస్యలను ఎందుకు పట్టించుకోవడం లేదు. రైతుల సానుభూతిపై సినిమాలు తీసి.. డ‌బ్బులు చేసుకున్నారు. కానీ, ప్రధాని మోడీకి మద్దతు ఇస్తున్నారు. ప్ర‌ధాని మోడీకి, పవన్ కు మాత్రమే చిరంజీవి మ‌ద్ద‌తు ఇస్తున్నారు. ఎందుకిలా చేస్తున్నారు. రైతులకు మద్దతుగా నిలిచిన కాంగ్రెస్ పార్టీ నేత‌ రాహుల్ గాంధీకి మ‌ద్ద‌తు ఇవ్వ‌డం లేదు. కాంగ్రెస్ పార్టీలోనే ఉండి ఉంటే చిరంజీవి ఇలా చేయ‌డాన్ని ఖండిస్తున్నం” అని జ‌గ్గారెడ్డి వ్యాఖ్యానించారు.

అయితే..జ‌గ్గారెడ్డి వ్యాఖ్య‌ల‌పై సొంత పార్టీలోనే విమ‌ర్శ‌లు వ‌స్తున్నాయి. ఇప్పుడు అన‌వ‌స‌రంగా ఆయ‌న‌ను రాజ‌కీయాల్లోకి ఎందుకు లాగుతున్నార‌ని.. లేనిపోని విమ‌ర్శ‌లు చేసి.. పార్టీని ఎందుకు బ‌జారున ప‌డేస్తార‌ని కొంద‌రు నాయ‌కులు వ్యాఖ్యానిస్తున్నారు. రైతుల‌కు మ‌ద్ద‌తిచ్చే విష‌యంపై చిరంజీవి వ్య‌వ‌హారాన్ని పార్టీ అధిస్టాన‌మే.. ప‌ట్టించుకోవ‌డం లేదు. అస‌లు ఆయ‌న పార్టీలో ఉన్నారో లేదో తెలియ‌దు. అలాంట‌ప్పుడు చిరంజీవిని అన‌వ‌స‌రంగా రాజ‌కీయాల్లోకి లాగ‌డం వృథా! అని కొంద‌రు నాయ‌కులు పేర్కొంటున్నారు.

This post was last modified on July 20, 2024 11:16 am

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

9 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

9 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

10 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

10 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

10 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

10 hours ago