అవును. ఇప్పుడు అందరి చూపూ జూలై 1వ తేదీపైనే ఉంది. నిజానికి.. ఈ నెల 4వ తేదీపై ఎంత ఉత్కంఠ నెలకొందో.. ఇప్పుడు అందరూ అదే ఉత్కంఠతో జూలై 1వ తేదీ కోసం వేచి చూస్తున్నారు. దీంతో అసలు ఏం జరుగుతోంది? అనే చర్చ ఆసక్తిగా సాగుతుండడం గమనార్హం.
జూన్ 4న ఎన్నికల ఫలితా కోసం.. దేశ వ్యాప్తంగా ప్రజలు ఎదురు చూశారు. ఇక,ఏపీలో అయితే.. మరింత ఉత్కంఠగా ఎదురు చూశారు. మొత్తంగా ఫలితాలు వచ్చాయి. ఎక్కడా శషభిషలు లేకుండా.. ప్రజలు ఏకపక్షంగానే తీర్పు చెప్పారు.
కట్ చేస్తే.. ఇప్పుడు మరోసారి జూలై 1వ తేదీ పై అందరూ ఉత్కంఠగా ఎదురు చూస్తున్నారు. దీనికి కారణం చంద్రబాబు.. ఇచ్చిన కీలక హామీ. తాము అధికారంలోకి వచ్చిన వెంటనే జూలై 1వ తేదీనే సామాజిక పింఛన్లు పెంచుతామని హామీ ఇచ్చారు.
ఊరూ వాడా కూడా ఇదే ప్రచారం చేశారు. తాజాగా వచ్చిన ఓట్ల సునామీ వెనుక కీలకమైన కారణం ఇదే ఉంటుందని పరిశీలకులు అంచనా వేస్తున్నారు. ముఖ్యంగా చంద్రబాబు ఇచ్చిన హామీ బాగా పనిచేసి ఉంటుందని చెబుతున్నారు.
ప్రధానంగా ఏప్రిల్ 1వ తేదీ నుంచే పెంచిన పింఛనును ఇస్తామని.. ఏప్రిల్, మే, జూన్ మాసాలకు కలిపి మూడు వేలు(వెయ్యి చొప్పున) జూలైలో 4000 పింఛను కలిపి.. మొత్తం రూ.7000లను లబ్ధిదారులకు ఇంటికే పంపిస్తామని చంద్రబాబు చెప్పారు.
దీంతో వృద్ధులు, ఒంటరి మహిళలు.. ఎక్కువగా సైకిల్ పై ఆశలు పెట్టుకుని ఉండి ఉంటారని పరిశీలకులు చెబుతున్నారు. ఇప్పుడు చంద్రబాబు చేయాల్సిన తొలి పని ఇదే కావడం గమనార్హం. అంటే.. పింఛను దారుల్లో దాదాపు 40 లక్షల మంది వీరే ఉన్నారు.
వీరికి ఒక్కొక్కరికీ రూ.7000 చొప్పున పింఛనును జూలై 1వ తేదీనే పంపిణీ చేయాల్సి ఉంటుంది. కానీ, నిధులు చూస్తే.. అందుకు సహకరించేలా కనిపించడం లేదు. ప్రస్తుత ఆర్థిక సంవత్సరంలో రెండో త్రైమాసికం గడువు వరకు (అంటే..సెప్టెంబరు వరకు) కూడా..జగన్ ప్రభుత్వం ఉన్న లిమిట్ అప్పులు వాడేసింది. ఇప్పుడు ఖజానాలో అంత మేరకు సొమ్ములు ఉండే అవకాశం లేదు. దీంతో చంద్రబాబు ఈ కీలక హామీని ఎలా నెరవేరుస్తారనే ఉత్కంఠ నెలకొంది. మరి చూడాలి.. ఏం చేస్తారో!!
This post was last modified on June 10, 2024 9:03 am
అమెరికాలో మిలటరీ హెలికాప్టర్, ప్రయాణికులతో వెళ్తున్న విమానం మధ్య జరిగిన ఘర్షణలో 64 మంది ప్రయాణికులు, ముగ్గురు సైనికులు ప్రాణాలు…
ఉద్యోగం అంటే సాధారణంగా డిగ్రీలు, అనుభవం, స్కిల్స్ ఇలా అనేక అర్హతలు అవసరమవుతాయి. అయితే, బెంగళూరుకు చెందిన ఓ స్టార్టప్…
సంక్రాంతి సినిమాల సందడి ముగింపు దశకు వచ్చింది. ఇక తెలుగు ప్రేక్షకుల దృష్టి ‘తండేల్’ మీదికి మళ్లబోతోంది. ఈ సినిమా…
అడవుల్లో ఫ్రీగా సంచరించాల్సిన వన్య ప్రాణులు, క్రూర మృగాలు ఇప్పుడు జనారణ్యంలోకి వచ్చేస్తున్నాయి. ఇందుకు దారి తీస్తున్న కారణాలను అలా…
ఒకప్పుడు తెలుగులో స్టార్ హోదా అనుభవించి.. ఆపై మాతృ భాష తమిళంలోనే సినిమాలు చేసుకుంటున్న సిద్దార్థ్కు చాలా ఏళ్ల నుంచి…
స్టార్ స్టేటస్ ఉన్న హీరోయిన్ అంటే.. షూటింగ్ స్పాట్లో, బయట ఈవెంట్లకు హాజరైనపుడు ఉండే హడావుడే వేరు. షూటింగ్ అంటే..…