100/100 : జనసేన సూపర్ హిట్ !

జనసేన పార్టీ ఏపీ ఎన్నికల్లో సూపర్ హిట్ కొట్టింది. పోటీ చేసిన 21 స్థానాలకు గాను 21 స్థానాలు గెలుచుకుని 100 కు వంద శాతం విజయాలు సాధించబోతున్నది. ఇప్పటికే రాజనగరం, నర్పాపురం స్థానాలలో ఫలితాలు వెల్లడి కాగా, మిగిలిన 19 స్థానాలలో స్పష్టమైన ఆధిక్యాలతో ముందుకుసాగుతుంది. పిఠాపురంలో జనసేన అధినేత పవన్ కళ్యాణ్ 64,492 ఓట్ల ఆధిక్యంతో భారీ విజయం దిశగా దూసుకుపోతున్నాడు.

ఏపీలో కూటమి ఏర్పాటులో పవన్ కళ్యాణ్ కీలకపాత్ర పోషించాడు. బీజేపీ, టీడీపీలను కలపడంలో ఎంతో సంయమనంతో వ్యవహరించాడు. తనకు ఇచ్చిన స్థానాలను తగ్గించుకుని మరీ పోటీ చేశాడు. 21 శాసనసభ, 2 లోక్ సభ స్థానాలకు పరిమితం అయ్యాడు. తనకు కేటాయించిన అన్ని శాసనసభ, లోక్ సభ స్థానాలలో పవన్ విజయం సాధించబోతున్నాడు.

పాలకొండలో 8736, నెల్లిమర్లలో 19,246, విశాఖ సౌత్ లో 61,563, అనకాపల్లిలో 25,156, పెందుర్తిలో 47,646, యలమంచిలిలో 24,193, కాకినాడ రూరల్ లో 38,199, రాజోలులో 36,099, గన్నవరంలో 22,558, నిడదవోలులో 26,729, భీమవరంలో 66,974, తాడేపల్లిగూడెంలో 61,510, ఉంగుటూరులో 40,337, పోలవరంలో 3213, ఆవనిగడ్డలో 28,560, తెనాలిలో 46,484, కోడూరులో 11,439, తిరుపతిలో 17,119 ఓట్ల ఆధిక్యంలో జనసేన అభ్యర్థులు ఉన్నారు.