ఏపీలో ఎవరు అధికారంలోకి వస్తారు? ఎవరు పాలన పగ్గాలు చేపడతారు? అనేది.. ఆసక్తికర విషయమే. ప్రజలు దీనికి సంబందించి తీర్పు చెప్పేశారు. తమను పాలించే వారిని ఎన్నుకొన్నారు. కేవలం ఫలితం మాత్రమే వేచి ఉంది. అది జూన్ 4న వ్యక్తమవుతుంది. జూన్ 9 నుంచి రాష్ట్రంలో కొత్త పాలన ప్రారంభం అవుతుంది. అయితే.. ఈ సారి ఏపీలో పాలన అంత ఈజీ అయితే కాదని అంటున్నరు పరిశీలకులు. దీనికి కారణం.. అనేక సమస్యలు ఉన్నాయని చెబుతున్నారు.
ఇంటా.. బయటా.. కూడా.. ఏపీ పాలకులు.. ఇబ్బందులను అధిగమించాల్సిన అవసరం ఉందని పరిశీలకులు చెబుతున్నారు. ప్రధానంగా ప్రతిపక్షాలు చెబుతున్నట్టు 12 లక్షల కోట్ల అప్పులు ఏపీ భరిస్తోంది. దీనికి వడ్డీలు కట్టాలి. ఆదాయాన్ని పెంచుకునే మార్గాలకు ఇప్పుడు విత్తనాలు వేసినా.. అవి మొలకెత్తడా నికి రెండేళ్లయినా పడుతుంది. అప్పటి వరకు ఎదురీతతప్పదు. అప్పులకు వడ్డీలు కడుతూ.. కొత్త అప్పులు చేస్తే.. మరింతగా భారం పెరుగుతుంది.
ఇచ్చిన హామీలను అమలు చేయడం.. పార్టీలకు మరింత సంకటంగా మారింది. వైసీపీ వస్తే.. కొంతలో కొంత.. మెరుగే అయినా.. కూటమి వస్తే.. పింఛన్ల పెంపు నుంచి ప్రతినెలా మహిళలకు, నిరుద్యోగులకు.. ఇతర త్రా పథకాలు.. ఆర్టీసీ ప్రయాణం వంటివి బారీ సెగ పెట్టడం ఖాయమని అంటున్నారు. ఇక్కడ చిత్రం ఏంటంటే.. రాష్ట్రంలో కూటమి ప్రకటించిన సంక్షేమ పథకాలకు కేంద్రం నుంచి నిదులు వచ్చే పరిస్థితి ఏమాత్రం లేదు. పైగా.. ఉచితాలు తగ్గించుకోవాలని కేంద్రమే చెబుతోంది.
మరో కీలక విషయం..జూన్ 2తో ఉమ్మడి హైదరాబాద్ కాలం చెల్లుతుంది. అదేవిధంగా విభజన చట్టంలోని పలు వివాదాలను కూడా పరిష్కరించుకోవాల్సి ఉంది. వీటిని తెలంగాణతో ముడిపెడుతూ.. కేంద్రం అనే కసందర్భాల్లో చేతులు ఎత్తేసింది. సో.. ఇవి పరిష్కరించాల్సి రావడం.. పెద్ద సమస్య. వీటికితోడు.. నిరుద్యోగం.. ఉద్యోగ కల్పన వంటివి కొత్త ప్రభుత్వానికి ఇబ్బందే. ఈ విషయంలో గంపెడు హామీలు ఇచ్చిన కూటమికి.. అసలు హామీలు ఇవ్వని జగన్కు కూడా.. ఇబ్బందులు తప్పవు. సో.ఎలా చూసుకున్నా.. పాలన అయితే.. అంత ఈజీకాదు. అంత ఎంజాయ్ మెంటూ ఉండదు!!
This post was last modified on May 28, 2024 7:06 pm
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…