రెబల్ స్టార్, దివంగత కృష్ణం రాజు సతీమణి శ్యామలా దేవి అనూహ్యంగా ఎన్నికల ప్రచారం చివరి రోజు రాజకీయ ప్రచారం చేశారు. కూటమి పార్టీలకు జై కొట్టారు. కూటమి పార్టీల అభ్యర్థులను గెలిపించాలని ఆమె ఏపీ ప్రజలకు విజ్ఞప్తి చేశారు. గతంలో కృష్ణం రాజు.. బీజేపీలో ఉన్నారు. ఇప్పుడు శ్యామలా దేవి కూడా.. ఆ కండువాతోనే కనిపించారు. సో.. దీనిని బట్టి ఆమె.. బీజేపీకి మద్దతు ప్రకటిస్తున్నట్టు అయింది. తాజాగా చివరి రోజు ప్రచారంలో భాగంగా శ్యామలాదేవి.. ఉమ్మడి పశ్చిమ గోదావరి జిల్లాలోని తాడేపల్లి గూడేనికి వచ్చారు. జనసేన అభ్యర్థి బొలిశెట్టి శ్రీనివాస్ తరఫున ఆమె ఇంటి నుంచే ప్రచారం చేశారు.
ఈ సందర్భంగా శ్యామలా దేవి మాట్లాడుతూ.. నియోజకవర్గంలో ప్రజలు ఇచ్చిన అధికారాన్ని దుర్వినియోగం చేసి అవినీతిలో మగ్గిపోయిన ఎమ్మెల్యే కొట్టు సత్యనారాయణను ఓడించాలని ఆమె పిలుపునిచ్చారు. గత ఎన్నికల్లో గెలిచినా.. గెలవకపోయినా .. నియోజకవర్గం ప్రజలకు బొలిశెట్టి సేవ చేశారని.. అన్ని విషయాల్లోనూ అండగా ఉన్నారని తెలిపారు. అలాంటి నాయకుడికి అండగా ఉండాల్సిన అవసరం ఉందన్నారు. అందరూ.. గాజు గ్లాసు గుర్తుకు ఓటేయాలని పిలుపునిచ్చారు. అదేవిధంగా రాష్ట్ర వ్యాప్తంగా కూడా కూటమి అభ్యర్థులను గెలిపించాలని అన్నారు.
దేశాన్ని ప్రగతి పథంలో నడిపిస్తున్న ప్రధాని మోడీకి అందరూ అండగా ఉండాలని శ్యామలా దేవి పిలుపునిచ్చారు. వచ్చే ఐదేళ్లలో దేశం ప్రపంచ దేశాల సరసన చేరుతుందని అన్నారు. ఇలా కావాలంటే.. మోడీకి పట్టం కట్టాలని.. కూటమికి ఓటేస్తే.. మోడీని గెలిపించినట్టేనని చెప్పారు. అదేవిధంగా రాష్ట్రంలోచంద్రబాబును ముక్యమంత్రిని చేయాలని పిలుపునిచ్చారు. ఇక, పవన్ గురించి మాట్లాడుతూ.. సినిమాల్లో సంపాయించుకునే అవకాశం వదులుకుని మరీ ప్రజాసేవ కోసం.. పవన్ కల్యాణ్ వచ్చారని.. ఆయనను గెలిపించాలని శ్యామలా దేవి పిలుపునిచ్చారు.
ఓటర్లంతా ముందుకు వచ్చి స్వచ్ఛందంగా భారీ ఎత్తున ఓట్లు వేయాలని కోరారు. రాష్ట్రంలో కూటమి అధికారంలోకి రావడం ఖాయమన్న శ్యామలా దేవి.. బొలిశెట్టిని గెలిపిస్తే.. నియోజకవర్గం అభివృద్ధికి తాను హామీ ఇస్తానని చెప్పారు. కాగా.. వైసీపీపై ఎలాంటి విమర్శలూ చేయకపోవడం.. సీఎం జగన్ పేరు ఎక్కడా ప్రస్తావించకపోవడం గమనార్హం. కాగా, ప్రభాస్ ఫ్యాన్స్ కూడా కూటమి కే ఓటేయాలని శ్యామలా దేవి చెప్పుకొచ్చారు.
తెలుగులో చాలా కొద్ది మంది హీరోయిన్లకు మాత్రమే సాధ్యమైన స్టార్ ఇమేజ్ సంపాదించింది సమంత. విజయశాంతి, అనుష్కల తర్వాత హీరోలతో…
కేవలం పది కోట్ల బడ్జెట్లో తెరకెక్కిన సినిమా.. అబ్సెషన్. ఈ హాలీవుడ్ హార్రర్ మూవీ విడుదలైనప్పటి నుంచి వరల్డ్ వైడ్…
స్టార్ హీరో సినిమాల రిపీట్ వేల్యూకి ప్రధానంగా దోహదం చేసేది పాటలే. ఫైట్లు, ఎలివేషన్లు, యాక్షన్ ఎపిసోడ్లు ఎక్కువ లేని…
సంక్రాంతికి రిలీజైన మన శంకరవరప్రసాద్ గారులో ప్రాణ స్నేహితులుగా నటించిన చిరంజీవి, వెంకటేష్ మొదటిసారి స్క్రీన్ పంచుకుని ఎంత పెద్ద…
హెడింగ్ చూడగానే ఏవో ముళ్లచెట్ల వల్ల ఎవరికో ఏదో అయిపోయి షూటింగ్ బ్రేక్ పడిందని అనుకోకండి. ఇక్కడ అడ్డంకులనే కోణంలో…
రాష్ట్రంలో అటవీ సంపదను కాపాడడంతోపాటు.. వన్యప్రాణుల సంరక్షణకు సైతం ప్రాధాన్యం ఇస్తున్న ఉప ముఖ్యమంత్రి, అటవీ శాఖ మంత్రి పవన్…