ఔను.. ఇప్పుడు ఈ మాటే రాష్ట్ర వ్యాప్తంగా వినిపిస్తోంది. సీఎం జగన్పై అభిమానమో.. లేక వైసీపీ నేతల ప్రలోభాల కారణమో తెలియదు కానీ.. ఎన్నికల సంఘం ఆదేశాలు, కోడ్ను కూడా ధిక్కరిస్తూ.. వలంటీర్లు, కాంట్రాక్టు ఉద్యోగులు, రేషన్ డీలర్లు.. ఇలా దిగువస్తాయి అల్పాదాయ జీవులు వైసీపీ తరఫున ప్రచారం చేస్తున్నారు. ఇదే.. వీరి జీవితాలకు ఎఫెక్ట్ అయింది. ఎన్నికల సంఘం ఇలాంటి వారిపై ప్రత్యేక నిఘాను ఏర్పాటు చేసింది. ఈ నిఘాకు దిరికిన వారిని సస్పెండ్ చేయడంతో పాటు ఐదేళ్లపాటు వారు ప్రభుత్వ ఉద్యోగాల పరీక్షలు రాయకుండా డీబార్ చేస్తోంది. దీంతో జగన్ను నమ్ముకుంటే జీవితాలు పోతున్నాయ్! అనే టాక్ వినిపిస్తోంది.
ఏం జరిగింది?
రాష్ట్రంలో ఎన్నికల కోడ్ను ధిక్కరిస్తూ.. వైసీపీ అనుకూల ప్రచారం చేస్తున్న 30 మందికిపైగా వలంటీర్లు, కాంట్రాక్టు, అవుట్సోర్సింగ్ సిబ్బందిని అధికారులు డిస్మస్ చేశారు. అంతేకాదు.. వీరిలో ఎవరూ కూడా బవిష్యత్తులో ప్రభుత్వ ఉద్యోగాలకు సంబంధించిన పరీక్షలు రాయకుండా డీబార్ చేశారు.
— అంబేడ్కర్ కోనసీమ జిల్లా అంబాజీపేట మండలంలో వైసీపీ శ్రేణులు నిర్వహించిన సిద్ధం గ్రామస్థాయి సభలో మేమూ సిద్ధమే అంటూ పాల్గొన్న 16 మంది గ్రామ వాలంటీర్లను అక్కడి అధికారులు డిస్మిస్ చేశారు.
— కర్నూలు జిల్లా ఎమ్మిగనూరులో నిర్వహించి కార్యక్రమంలో పాల్గొన్న ఏడుగురు వాలంటీర్లని విధుల నుంచి తొలగించారు. ఎమ్మిగనూరు 29వ వార్డులో వైసీపీ అభ్యర్థి బుట్టా రేణుకకు మద్దతుగా ఇంటింటి ప్రచారం చేసిన వాలంటీరు నరసింహులును విధుల నుంచి తొలగించారు.
— శ్రీకాకుళం జిల్లా పాతపట్నం నియోజకవర్గ పరిధిలో ఎమ్మెల్యే రెడ్డి శాంతి తనయుడు ఓంశ్రీకృష్ణ చేపట్టిన ప్రచారంలో పాల్గొన్న వాలంటీరు ఎం.మణికంఠను విధుల నుంచి తొలగించారు. అనకాపల్లి జిల్లా గొలుగొండ మండలం కొత్త మల్లంపేట సచివాలయం పరిధిలోని వాలంటీర్లు బోళెం ఓంకార విజయలక్ష్మి, శింగంపల్లి దుర్గాభవానిని డిస్మిస్ చేశారు.
— తిరుపతి జిల్లా ఏర్పేడు మండలం మడిబాకలో శ్రీకాళహస్తి ఎమ్మెల్యే బియ్యపు మధుసూదన్రెడ్డి కుమార్తె పవిత్రారెడ్డి నిర్వహించిన ప్రచారంలో పాల్గొన్న వాలంటీర్లు మురళిని విధుల నుంచి తప్పించారు. చిత్తూరు జిల్ల జీడీనెల్లూరు నియోజకవర్గంలోని సురేంద్రనగరంలో వైసీపీ అభ్యర్థి కృపాలక్ష్మి ప్రచారంలో పాల్గొన్న వాలంటీరు రఫీని తొలగించారు.
— అనంతపురం జిల్లా రాయదుర్గంలో ఎన్నికల ప్రచారంలో పాల్గొన్న వార్డు వాలంటీరు జె. రవిని డిస్మిస్ చేశారు. పట్టణ చౌకధరల డిపో డీలర్ల సంఘం అధ్యక్షుడు మేకల శ్రీనివాసులు, డీలర్లు వంశీకృష్ణ, కృష్ణమూర్తి, రఫీక్ డీలర్షిప్లను రద్దు చేశారు.
— ప్రకాశం జిల్లా కనిగిరి నియోజకవర్గ వైసీపీ అభ్యర్థి దద్దాల నారాయణ నిర్వహించిన ప్రచారంలో కనిగిరి ఆర్టీసీ డిపో కండక్టర్ ఓబుల కొండారెడ్డి పాల్గొన్నారు. ఈయనను విధుల నుంచి తొలగించారు.
— పొదిలిలో మార్కాపురం వైసీపీ అభ్యర్థి అన్నా రాంబాబు కుమారుడు కృష్ణచైతన్య వెంట మల్లవరం విద్యుత్తు ఉపకేంద్రం షిప్టు ఆపరేటర్ షేక్ గౌస్ మొహియుద్దీన్ పాల్గొని ప్రచారం చేశారు. ఈయనను తొలగించారు.
— చిత్తూరు జిల్లాలో కొందరు కాంట్రాక్టు ఉద్యోగులను విధుల నుంచి తొలగించారు. వైసీపీ ప్రచారాల్లో పాల్గొన్న కుప్పం నియోజకవర్గంలోని గుడుపల్లె మండలం చీకటిపల్లి ఉపాధి హామీ వలంటీర్ వెంకటేష్, కుప్పం మండలం సాంకేతిక సహాయకుడు మురుగేష్ను ఉద్యోగం నుంచి తీసేశారు.
This post was last modified on March 20, 2024 3:23 pm
మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…