Political News

భ‌ర్త‌కు బాస‌ట‌.. మంగ‌ళ‌గిరిలో నారా బ్రాహ్మ‌ణి ప్ర‌చారం

నారా బ్రాహ్మ‌ణి. ఈ పేరుకు పెద్ద‌గా ప‌రిచ‌యం అక్క‌ర్లేదు. నంద‌మూరి కుటుంబం ఆడ‌పడుచు.. నారా వారి ఇంటి కోడ‌లు. టీడీపీ యువ నాయ‌కుడు నారా లోకేష్ స‌తీమ‌ణి. ప్ర‌స్తుతం నారా బ్రాహ్మ‌ణి.. మంగ‌ళ‌గిరిలో ప‌ర్య‌టిస్తున్నారు. వ‌చ్చే ఎన్నిక‌ల్లో త‌న భ‌ర్త నారా లోకేష్‌ను గెలిపించాల‌ని ఆమె కోరుతున్నారు. తాజాగా గుంటూరు జిల్లాలో ఒక ప్రైవేటు కార్య‌క్ర‌మంలో పాల్గొనేందుకు బ్రాహ్మ‌ణి వ‌చ్చారు.ఈ సంద‌ర్భంగా ఆమె మంగ‌ళ‌గిరిలోని చేనేత‌ల‌ను క‌లుసుకున్నారు.

మెజారిటీ సామాజిక వ‌ర్గం ఇక్క‌డ చేనేత‌లే కావ‌డంతో వారి క‌ష్ట‌సుఖాలు తెలుసుకున్నారు. నేరుగా వారు ప‌నిచేసే పాక‌ల్లోకే వెళ్లిన నారా బ్రాహ్మ‌ణి.. వారి ప‌నితీరును తెలుసుకున్నారు. అదేవిధంగా వారు రోజుకు ఎంత గ‌డిస్తారు? వారి క‌ష్ట‌సుఖాలు అడిగి తెలుసుకున్నారు. ప్ర‌స్తుత వైసీపీ ప్ర‌భుత్వం అమ‌లు చేస్తున్న ‘నేత‌న్న నేస్తం’ ప‌థ‌కంపైనా బ్రాహ్మ‌ణి ఆరా తీశారు. ఈ ప‌థ‌కం కింద ఎంత‌మందికి ఎంత వ‌స్తోంద‌ని.. అని అడిగారు. అయితే.. వైసీపీ నాయ‌కుల‌కు జై కొట్టిన వారికి మాత్ర‌మే ఈ ప‌థ‌కం అమ‌లు చేస్తున్నార‌ని మెజారిటీ చేనేత‌లు తెలిపారు.

ఇలా.. సుమారు 20 మంది చేనేత‌ల ఇళ్ల‌కు తిరిగిన నారా బ్రాహ్మ‌ణి.. వ‌చ్చే ఎన్నిక‌ల్లో నారా లోకేష్‌ను గెలి పించాల‌ని, చంద్ర‌బాబు సీఎం అయితేనే.. మ‌న జీవితాల్లో మార్పు వ‌స్తుంద‌ని తేల్చి చెప్పారు. నియోజ‌క‌వ‌ర్గంలో ఇప్ప‌టికే అమ‌లు చేస్తున్న కార్య‌క్ర‌మాల‌ను కూడా ఆమె వివ‌రించారు. అనేక మందికి చేతి వృత్తుల ప‌నిముట్లు అందించామ‌న్నారు. నేత కార్మికుల స‌మ‌స్య‌ల‌ను కూడా ప‌రిష్క‌రించేందుకు కృషి చేస్తామ‌న్నారు. ఈ సంద‌ర్భంగా అనారోగ్యంతో ఇబ్బంది ప‌డుతున్న ఇద్ద‌రు మ‌హిళ‌ల‌కు ఆర్థిక సాయం అందించారు.

కాగా, గ‌త ఎన్నిక‌ల స‌మ‌యంలోనూ నారా బ్రాహ్మ‌ణి.. నారా లోకేష్ కోసం .. ఇక్క‌డ ఇంటింటి ప్ర‌చారం చేశారు. ఆ ఎన్నిక‌ల్లో త‌న తండ్రి బాల‌య్య‌తోనూ క‌లిసి ఆమె ప్ర‌చార‌ర‌థంపై ఎక్కి ప్ర‌చారం చేశారు. త‌ర్వాత‌.. త‌న అత్త‌గారు, నారా లోకేష్ మాతృమూర్తి భువ‌నేశ్వ‌రితోనూ క‌లిసి ప్ర‌చారం చేశారు. కానీ, ఇలా ఎన్నిక‌ల‌కు ముందు రావ‌డం.. అంద‌రినీ ఆశ్చ‌ర్యానికి గురి చేసింది.

This post was last modified on February 17, 2024 2:23 pm

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

15 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

2 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

12 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago