ఏపీలో మరికొన్ని వారాల్లోనే ఎన్నికలకు సంబంధించిన నోటిఫికేషన్ విడుదల కానుంది. దీంతో రాజకీయ పార్టీలు తమతమ వ్యూహాలకు పదును పెట్టాయి. నాయకులకు టికెట్లను కూడా ఖరారు చేస్తున్నాయి. అయితే.. ఓటు బ్యాంకు పరంగా.. ఓట్లు వేసే విషయాన్ని పరిశీలిస్తే.. ఖచ్చితంగా ప్రాంతాల వారీగా ఓటు బ్యాంకు ప్రభావం చూపించే అవకాశం ఉందని పరిశీలకులు చెబుతున్నారు. ప్రాంతాల వారిగా.. ప్రజల మైండ్సెట్ కూడా మారిందని అంటున్నారు.
ఉదాహరణకు పట్టణ ఓటరు.. కొంత మేరకు తటస్థంగా ఉంటాడు. తనకు పనులు చేసిన పెడితే.. ఆ పార్టీ ప్రభుత్వం మంచిదని చెబుతాడు. లేకపోతే.. విమర్శలు గుప్పిస్తారు. పోనీ.. ప్రభుత్వ పార్టీ విషయంలో సానుకూలంగా మాట్లాడినా పోలింగ్ బూత్ వరకు వస్తారనే నమ్మకం మాత్రం చాలా తక్కువ. ఇక, నగర ఓటరు విషయాన్ని పరిశీలిస్తే.. ఇక్కడే పార్టీలు పంపకాలకు తెరదీస్తున్నాయి. తటస్థంగా ఉంటూనే.. పార్టీల తలరాతను మార్చే ఓటు బ్యాంకు మెజారిటీగా నగరాల్లోనే ఉంటుంది.
ఇక, గ్రామీణ వాతావరణం పరిశీలిస్తే.. ఇటీవల కాలంలోనే కాదు.. ఎప్పటి నుంచో కూడా. గ్రామీణ ఓటు బ్యాంకు పుంజుకుంది. పార్టీల నమ్మకం కూడా ఈగ్రామీణ ఓటు బ్యాంకుపైనే ఉంటుంది. ఈ నేపథ్యంలో గ్రామీణ ఓటు బ్యాంకును కదలకుండా చూసుకునేందుకు పార్టీలు ప్రాధాన్యం ఇస్తుంటాయి. ప్రస్తుతం కూడా ఇదే విధానాలు కొనసాగుతున్నాయి. అయితే.. ఎటొచ్చీ ఇప్పుడు విలేజ్ పాలిటిక్స్ సెగపెడుతున్నాయి.
అభివృద్ధి, పథకాలు.. అనే విషయాలను పక్కన పెడితే.. ప్రస్తుతం రాష్ట్ర వ్యాప్తంగా గ్రామీణ ప్రాంతాల్లో సర్పంచ్ వ్యవస్థ, గ్రామీణ వ్యవస్థ వంటివి తీవ్ర ప్రభావితం అవుతున్నాయి. ప్రభుత్వం తమకు ఇవ్వాల్సి న నిధులు ఇవ్వకపోగా, కేంద్రం ఇస్తున్న నిధులను కూడా వాడేసుకుంటున్న తీరును సర్పంచులు ప్రశ్నిస్తున్నారు. దీంతో గ్రామీణ వ్యవస్థలో వైసీపీకి సెగ పెరిగిందనేది వాస్తవం.
ఇటీవల ఓ సర్పంచు హరిదాసు వేషం వేసి.. వైసీపీ ప్రభుత్వ తీరును ఎండగట్టిన విధానం.. నిధులు ఇవ్వని వైనాలను ప్రజల్లోకి బలంగా తీసుకువెళ్లారు. ఇదే పరిస్థితి రాష్ట్ర వ్యాప్తంగా ఉంది. ఈ నేపథ్యంలో గ్రామీణ ఓటు బ్యాంకు వైసీపీకి ఇబ్బందిగానే ఉందని అంటున్నారు పరిశీలకులు. ఇక, టీడీపీ పరిస్థితిని గమనిస్తే.. ఒకింత పాజిటివ్ ఫీడ్ బ్యాకే అందుతోంది. వ్యక్తిగతంగా టీడీపీ పథకాల పట్ల ప్రజల నుంచి సానుకూల ధోరణి వినిపిస్తోంది.
This post was last modified on January 21, 2024 7:36 pm
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
రాష్ట్ర వ్యాప్తంగా కాదుకానీ.. ప్రస్తుతం జరుగుతున్న గ్రామ పంచాయతీ ఎన్నికల విషయంలో వైసీపీ స్థానిక నేతలు పన్నిన వ్యూహానికి టీడీపీ…
దేశంలో ప్రస్తుతం జాతీయ స్థాయిలో రెండు కూటములు కొనసాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూటములు ఉన్నాయి.…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…
ఏపీ సీఎం చంద్రబాబుతో రాష్ట్ర కాంగ్రెస్ పార్టీ చీఫ్ వైఎస్ షర్మిల భేటీ అయ్యారు. ఆదివారం సాయంత్రం షర్మిల.. హైదరాబాద్లోని…